[᭘ 8B]
᭘
ᬮᬬᬳᬾᬢ᭄ᬯᬭᬫᬢᬸᬮᬂ᭚ᬓᭂᬤᬾᬓ᭄ᬳᬦᬓᬾᬫᬩ᭄ᬭᬶᬬᬕ᭄᭞ᬳᬤᬗᬓᬓ᭄ᬳᬤᬗᬭᬶᬓᬶᬓ᭄᭞᭠ᬳᬶᬩᬮ᭄ᬬᬦ᭄ᬦᭂᬓ᭄ᬫᬜᬗᭀᬗᬓ᭄᭞ᬳᬮᬄᬧᬸᬓᬸᬮ᭄ᬳᬸᬮᬸᬦ᭄ᬳᬢᬶ᭞ᬫᬕᬾᬩ᭄ᬭᬲ᭄ᬫᬜᭂᬫᬓ᭄ᬕᬕᬶᬢᬶᬓ᭄᭞ᬕᬦ᭄ᬢᬶᬦ᭄ᬘᬳᬶ᭠
ᬫᬢᬶᬳᭂᬮᬸᬂ᭞ᬳᬶᬓᭂᬢᬸᬢ᭄ᬫᬮᬳᬶᬩ᭄ᬗᬾᬗ᭄ᬕᬮᬂ᭞ᬳᬶᬩᬮ᭄ᬬᬦ᭄ᬮ᭄ᬬᬸᬫᬗᬶᬲᬶ᭞ᬗ᭄ᬕᬶᬄᬧᬹᬃᬡᬬᬂ᭞ᬚᬤ᭄ᬫᬩᬸᬤᬸᬄᬤᬕᬸᬕᬸᬦ᭚ᬢᬦ᭄ᬓᭀᬘᬧᬦ᭄ᬳᬶᬬᬳᬶᬩᬮ᭄ᬬᬦ᭄᭞ᬳᬶᬓᭂᬢᬸᬢ᭄ᬩᬗᬸᬦ᭄᭞ᬫᬮᬶᬄ᭞ᬧᬮᬳᬶᬩᬾᬫᬩᬢᭂᬓ
ᬦ᭄᭞ᬫᬭᬾᬭᬾᬦ᭄ᬫᬗᬮᬶᬄᬳᭂᬢᬶᬲ᭄᭞ᬓ᭄ᬤᬾᬓ᭄ᬧᬤᬾᬤᬾᬳᬦ᭄ᬜᬗ᭄ᬭᬶᬓᬶᬓ᭄᭞ᬳᬶᬸᬩᬳᬦ᭄ᬳᬶᬤᭂ᭠ᬧ᭄ᬜᬦᬾᬘᬸᬫ᭄ᬗᬶᬸᬫ᭄ᬧᬸ᭞ᬤᭂᬫᭂᬦ᭄ᬗᬮᬶᬄᬧ᭄ᬚᬶᬸᬧ᭄ᬤᬶᬄᬩᬲᬂ᭞ᬜᬸᬕ᭄ᬚᬸᬕᬶᬦ᭄ᬳᬦᬓᬾᬭᬶᬭᬶᬄ᭞ᬗᬯᬾᬩᬦ᭄ᬢᬸᬕ᭄᭞᭠
[᭙ 9A]
ᬗᭂᬦ᭄ᬤᬶᬕᬶᬦ᭄ᬳᬦᬓ᭄ᬭᬶᬭᬶᬳᬦ᭄᭚ᬚᬶᬦᬤ᭚ᬚᬦᬶᬩ᭄ᬯᬶᬦ᭄ᬗᭂᬭᬶᬜ᭄ᬘ᭄ᬬᬂᬤᬬ᭞ᬮᬯᬸᬢ᭄ᬫᬜᭂᬫᬓ᭄ᬲᭀᬓᬲᬶ᭞ᬤᬩ᭄ᬤᬩ᭄ᬫᬳᬶᬲᬶᬤᬓ᭄ᬱᬶᬡ᭞ᬳᬸᬧᬓᬭᬲᭂᬋᬕᭂᬧ᭄ᬲᬫ᭄ᬧᬸᬦ᭄᭞ᬮᬳᬸᬢ᭄ᬮ᭄ᬯᬲ᭄ᬓᬲᬮᭀᬗᬦ᭄᭞ᬲᬤᬕ
ᬢᬶ᭞ᬢᬦ᭄ᬓᭀᬘᬧᬦ᭄ᬬᬤᬶᬚᬮᬦ᭄᭚ᬓᭀᬘᬧ᭄ᬳᬶᬫᬗ᭄ᬓᬸᬦᬾᬗ᭄ᬓᬾᬗᬦ᭄᭞ᬳᬶᬬᬤᬧᬮᬸᬗ᭄ᬕᬸᬄᬲᬳᬶᬲᬳᬶ᭞ᬮ᭄ᬬᬸᬳᬦᬓᬾᬫᭂᬮ᭄ᬯᬲᬂ᭞ᬫᬗᭀᬚᭀᬕ᭄ᬚᬸᬫᬄᬇᬫᬗ᭄ᬓᬸ᭞ᬤᬶᬲᬗ᭄ᬕᬄᬜᬦᬾᬫᬤᬫ᭄ᬧ᭄ᬬᬓ᭄᭞ᬚᬕ᭄ᬫᬘ᭄ᬮᬶ᭠
ᬕ᭄᭞ᬇᬓᭂᬢᬸᬢ᭄ᬩᬗᬸᬦ᭄ᬳᬬᬢᭂᬓ᭚ᬦᬢ᭄ᬬᬭᬭᬶᬲ᭄ᬫᬦᭂᬲᭂᬓᬂ᭞ᬫᬫᬸᬜᬶᬫᬲᭂᬩᭂᬂᬳᭂᬮᬶᬂᬳᬗᭂᬮᬶᬂᬩ᭞ᬚᭂᬭᭀᬫᬗ᭄ᬓᬸᬗ᭄ᬕᬶᬄᬲᬸᬯᬾᬘᬬᬂ᭞ᬚᬸᬫᬄᬢᬶᬢ᭄ᬬᬂᬮᬶᬯᬢ᭄ᬮᬘᬸᬃ᭞ᬦᬦᬂᬢᬶᬢ᭄ᬬᬂᬭᬳᬢ᭄
Page:Bali-lontar-gaguritan-ketut-bangun-300ppi.pdf/9
This page has been proofread.
