[᭑᭒ 12B]
᭑᭒
ᬲᬬᬂ᭞ᬫᬮᬶᬄᬓᬾᬓᬶᬤᬸᬂᬓᬓᬯᬶᬦ᭄᭞ᬢᭂᬮᬲ᭄ᬫᬭᬫ᭄ᬩᬂᬩᬩᬲᬦᬾᬫᬗᬾᬦ᭄ᬤᬳᬶᬦ᭄᭚ᬚᬕ᭄ᬫᬘᭂᬤᬾᬃᬳᬶᬓᭂᬢᬸᬢ᭄ᬩᬗᬸᬦ᭄ᬧᭂᬭᬦᬢ᭞ᬳᬸᬮᬶᬚᭀᬄᬫᬢᬸᬃᬲᬶᬲᬶᬧ᭄᭞ᬢᬶᬢ᭄ᬬᬂᬫᬦᬸᬦᬲ᭄ᬮᬸᬕᭂᬭ᭞ᬳᬶᬤᬾᬯᬋᬱᬶᬗᬦ᭄ᬤᬶᬓ᭞ᬦᬄᬫᭂ
ᬦᬾᬓᬦ᭄ᬮᬯᬸᬢ᭄ᬘᬳᬶ᭞ᬳᬧᭂᬓᬾᬳᬸᬦᬶᬗᬬᬂ᭞ᬢᭂᬫ᭄ᬩᬾᬧᬶᬲᬦ᭄ᬘᬳᬶᬫᬳᬶ᭚ᬳᬶᬬᬳᬶᬓᭂᬢᬸᬢ᭄ᬳᬮᬸ᭠ᬲ᭄ᬳᬢᬸᬃᬜᬦᬾᬗᬲᬩ᭄᭞ᬭᬢᬸᬳᬕᬸᬂᬧ᭄ᬭᬡ᭄ᬟᬋᬱᬶ᭞ᬲᬸᬯᬾᬘᬫᬗᬸᬯᬭᬳᬶᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬫᬫᬦᬄᬫᬗᬶᬯ᭞ᬫ
ᬗ᭄ᬤᬲᬶᬤᬫᭂᬲ᭄ᬯᬂᬳᬧᬶ᭞ᬲᬓᬶᬂᬤᬾᬯᬾᬓ᭄ᬢᬶᬢ᭄ᬬᬂᬓᬤᬶᬳᬸᬘᬧᬾᬭᬶᬂᬳᬚᬶ᭚ᬧᬶᬢᭂᬓᭂᬢ᭄ᬜᬧᬗᬶᬯᬕᭂᬦᬶᬲᬩ᭄ᬯᬡ᭞ᬧᬸᬦᬶᬓᬓᭀᬘᬧ᭄ᬍᬯᬶᬄ᭞ᬫᭂᬢᬸᬕᭂᬕ᭄ᬦᬶᬲᬚᬕᬢ᭄᭞ᬢᭂᬕᭂᬄᬫᬢᬸᬫ᭄ᬧᬂ᭞ᬲᬧᬸᬦᬧᬶᬳᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬫ᭠
[᭑᭓ 13A]
ᬗ᭄ᬤᬜᬶᬤᬬᬂ᭞ᬤᬾᬯᬓ᭄ᬢᬶᬢ᭄ᬬᬂᬫᭂᬤᬮ᭄ᬕᭂᬦᬶ᭟᭚ᬤᬾᬯᬋᬱᬶᬓᭂᬜᬶᬂᬢᬸᬃᬗᬦᬶᬓᬕᭂᬢᬃ᭞ᬳᬦ᭄ᬢᭀᬫᬳᬸᬢᬫᬕᬢᬶ᭞ᬩᬧᬚᬦᬶᬫᬯᬭᬄ᭞ᬧᬫᬸᬗ᭄ᬓᬄᬳᬶᬜ᭄ᬘᭂᬳᬶᬜ᭄ᬘᭂᬧᬦ᭄ᬳᬾᬓᬓ᭄ᬱᬭᬫᬦᭂᬫ᭄ᬩᬾᬦᬶᬦ᭄᭞ᬯᭂᬢᬸᬫᭀᬤ᭄ᬭᬾᬮᬮᬶ
ᬢ᭞ᬭᭀᬂᬧᬸᬮᬸᬄᬳᬶᬓᬫᬦᬤᬶ᭚ᬩ᭄ᬯᬶᬦ᭄ᬭᬶᬗ᭄ᬓᭂᬲᬂᬕᬢᭂᬫᬳᬦ᭄ᬤᬲᬓ᭄ᬱᬭ᭞ᬤᬲᬓ᭄ᬱᬭᬭᬶᬗ᭄ᬓᭂᬲ᭄ᬩ᭄ᬯᬶᬦ᭄᭞ᬫᬢᭂᬫᬦ᭄ᬧᬜ᭄ᬘᬓ᭄ᬱᬭ᭞ᬧᬜ᭄ᬘᬓ᭄ᬱᬭᬦᬾᬭᬶᬗ᭄ᬓᭂᬲᬂᬫᬢᭂᬫᬳᬦ᭄ᬢ᭄ᬭᬶᬬᬓ᭄ᬱᬭ᭞ᬢ᭄ᬭᬶᬳᬓ᭄ᬱᬭᬭᬶᬂᬗ᭄ᬓᭂᬲᬂᬫᬢᭂ
ᬫᬳᬦ᭄ᬭ᭄ᬯᬩᬶᬦᬾᬤ᭚ᬭ᭄ᬯᬩᬶᬦᬾᬤᬳᬶᬓᬳᬧᬂᬤᬤᬶᬢᬸᬗ᭄ᬕᬮ᭄᭞ᬧᬢᭂᬫ᭄ᬯᬂᬳᬧᬗᬧᬱ᭄ᬝᬶ᭞ᬗᬤᭂᬕ᭄ᬮᬦ᭄ᬲᬸᬫᬸᬗ᭄ᬲᬂ᭞ᬲᬹᬃᬬᬘᬦ᭄ᬤ᭄ᬭᬦᬾᬧᬢᭂᬫ᭄ᬯᬂ᭞ᬓᭂᬮᬸᬯᬸᬂᬕ᭄ᬦᬶᬦᬾᬳᬸᬩᬸᬩᬶᬦ᭄᭞ᬳᬧᬂᬜᬓ᭄ᬦᬶᬮᬄ᭞ᬳᬧᬶᬦᬾᬗᭂᬩᭂ
Page:Bali-lontar-gaguritan-ketut-bangun-300ppi.pdf/13
This page has been proofread.
