[᭑᭓ 13B]
᭑᭓
ᬭᭀᬓᬲᬶᬲᬶ᭚ᬳᬶᬬᬇᬓᭂᬢᬸᬢ᭄ᬩ᭄ᬯᬶᬦ᭄ᬫᬢᬸᬃᬦᬸᬢᬸᬤᬂ᭞ᬭᬢᬸᬳᬕᬸᬧ᭄ᬭᬡ᭄ᬟᬋᬱᬶ᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬧᬶᬲᬦ᭄᭞᭠ᬯᬦ᭄ᬢᬄᬓᬢᬸᬦᬬᬦ᭄ᬫᬦᬄ᭞ᬳᬗᭀᬩ᭄ᬢᬶᬢ᭄ᬬᬂᬫᬫᬶᬭᬕᬶ᭞ᬓᬤᬶᬯᬘᬦᬗᭂᬭᬶᬗ᭄ᬓᭂᬲ᭄ᬲᬲ᭄ᬢ᭄ᬭᬲᬧᬸᬦᬧᬶ᭚ᬤᬾᬯ᭠
ᬋᬱᬶᬗᬦ᭄ᬤᬶᬓᬓᬮᬶᬦ᭄ᬢᬂᬕᭂᬢᬃ᭞ᬲᬚᬘᬳᬶᬢᬫ᭄ᬩᭂᬢ᭄ᬕᬢᬶ᭞ᬓᬾᬦᬾᬢᬶᬗ᭄ᬓᬄᬗᭂᬭᬶᬗ᭄ᬓᭂᬲᬲ᭄ᬢ᭄ᬭ᭞ᬢ᭄ᬯᬄᬤᬶᬤᬍᬫ᭄ᬩᬲᬂ᭞ᬧᬢᭂᬫ᭄ᬯᬂᬲᬲ᭄ᬢ᭄ᬭᬦᬾᬲᬫᬶ᭞ᬓᬗᬶᬂᬢᬶᬮᬶᬗᬂ᭞ᬓᬤᬶᬗᬤᬸᬧᬸᬘᬸᬓᬶᬂᬭᬸᬯᬶ᭚ᬲᬸᬩᬓᬾᬢᭀᬳᬧᬂᬫᭂᬧᭂᬢ᭄ᬤ᭄ᬯ
ᬭᬲᬗ᭄ᬳ᭞ᬢᬸᬗ᭄ᬕᬮᬂᬩᬬᬸᬦᬾᬲᬫᬶ᭞ᬭᬶᬂᬦᬲᬶᬓᬢᬚᭂᬫᬂ᭞ᬮᬬᬳᬾᬮᬯᬸᬢ᭄ᬲᭂᬮᬾᬧᬂ᭞ᬇᬜ᭄ᬘᭂᬧᬂᬓᬚ᭄ᬭᭀᬦᬶᬂᬳᬢᬶ᭞ᬓᬾᬢᭀᬢᬶᬗ᭄ᬓᬄᬦᭂᬫ᭄ᬯᬂᬲᬲ᭄ᬢ᭄ᬭᬧᬫᭂᬭᬕᬢ᭄ᬤᬶᬩᬲᬂᬲᬫᬶ᭚ᬳᬶᬓᭂᬢᬸᬢ᭄ᬩᬗᬸᬦ᭄ᬫᬢᬸᬃᬓᭂᬤᬾᬓ᭄ᬫᬗᬓ᭠
[᭑᭔ 14A]
ᬓ᭄᭞ᬧᬺᬲᬗ᭄ᬕᬢᬶᬢ᭄ᬬᬂᬳᬓᬶᬤᬶᬓ᭄᭞ᬫᬢᭂᬫ᭄ᬯᬂᬰᬲ᭄ᬢ᭄ᬭ᭞ᬤᬶᬩᬲᬂ᭞ᬳᬸᬮᬶᬤᬶᬚᬧᬘᬂᬚᭂᬫᬓ᭄᭞ᬲᬶᬦᬄᬧ᭠ᬘᬂᬢᬸᬭᬤᬤᬶ᭞ᬬᬦ᭄ᬱᬧᬶᬸᬲ᭄ᬢ᭄ᬭᬦᬾᬳᬸᬦ᭄ᬢᬮ᭄᭞ᬫᬾᬄᬫᬤᬸᬓᬦ᭄ᬢᬳᬶ᭚ᬓᬤᬩᬯᭀᬲ᭄ᬧᬘᬂᬗᭂᬭᬶᬗ᭄ᬓᭂᬲ᭄ᬤᬲᬓ᭄ᬱᬭ᭞᭠
ᬫᬗ᭄ᬤᬤᬤᭀᬲ᭄ᬧᬜ᭄ᬘᬓ᭄ᬱᬭᬶ᭞ᬦᬾᬮᬶᬫᬓᬶᬚᬩᬓ᭄ᬢ᭞ᬤᬤᭀᬲ᭄ᬧᬘᬂᬧᭂᬚᬸᬦᬂ᭞ᬫᬗ᭄ᬤᬤᭀᬲ᭄ᬧᬜ᭄ᬘᬓ᭄ᬱᬭᬶ᭞ᬬᬦ᭄ᬧᬘᬂᬗᭂᬭᬶᬗ᭄ᬓᭂᬲ᭄ᬲᬲ᭄ᬢ᭄ᬭ᭞ᬤᬤᭀᬲ᭄ᬩᭀᬗ᭄ᬓᭀᬲ᭄ᬤᬤ᭄ᬬᬂᬩᭂᬲᬶᬓ᭄᭚ᬇᬄᬓᬾᬦ᭄ᬓᬾᬦᬂᬫᬢᭂᬫ᭄ᬯᬂᬲᬹᬃᬬᬩᬸᬮ᭠
ᬦ᭄᭞ᬲᬶᬭᬓᬾᬳᬦᬓᬾᬭᬶᬭᬶᬄ᭞ᬜᬶᬤᬬᬂᬫᬜᭂᬫᬓ᭄ᬦᬸᬗ᭄ᬕᬮᬂᬲᬹᬃᬬ᭄ᬬᬩᬸᬮᬦ᭄᭞ᬕᭂᬦᬄᬲᬯᬢ᭄ᬫ᭠ᬗᬸᬮᬗᬶᬢ᭄᭞ᬩᬯᭀᬲ᭄ᬢᬯᬄᬢᬯᬄ᭞ᬢ᭄ᬯᬭᬲᭂᬤᭂᬂᬤᬶᬗᭂᬄᬓᬸᬧᬶᬂ᭚ᬳᬲᬶᬂᬦᬶᬗᭂᬄᬲᬫᬶᬬᬓᭂᬤᬾᬓ᭄ᬫᬗᬓᬓ᭄᭞᭠
Page:Bali-lontar-gaguritan-ketut-bangun-300ppi.pdf/14
This page has been proofread.
