[᭑᭔ 14B]
᭑᭔
ᬤᬾᬯᬋᬱᬶᬮᬶᬦ᭄ᬢᬂᬩ᭄ᬭᬂᬢᬶ᭞ᬳᬶᬓᭂᬢᬸᬢ᭄ᬦᬯᬂᬲᭂᬫᬶᬢ᭞ᬫᬧᬫᬶᬢ᭄ᬭᬭᬶᬲ᭄ᬩᬸᬤᬮ᭄᭞ᬤᬾᬯᬋᬱᬶᬢᭀᬂᬜᬯᬸ᭠ᬭᬶᬲᬶᬸᬦ᭄ᬤᬸᬓᬦᬾᬮᬶᬯᬢ᭄᭞ᬯᬃᬡ᭄ᬦᬲᭂᬩᬸᬩᬭᬓ᭄ᬩᬶᬬᬶᬂ᭚ᬦᬄᬩᬶᬦ᭄ᬧᬶᬤᬦ᭄ᬲᬶᬂᬲᬕᬾᬢ᭄ᬗᬸᬦᬶᬗᬂᬳᬧ᭞ᬤᬶᬢᬸᬢ᭄ᬯᬄᬩᬓ
ᬮ᭄ᬧᬲᬶᬮᬶᬳᬶᬦ᭄᭞ᬚᭂᬍᬫᬮᬶᬯᬢ᭄ᬤᭂᬕᬕ᭄᭞ᬫᬤᬓ᭄ᬳᬧᬂᬳᬾᬗ᭄ᬕᬮ᭄ᬩᬗ᭄ᬓ᭞ᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬳᬫᬄᬕ᭄ᬭᬶᬂ᭞ᬳᬤᬫᬢᬸᬃᬫᬫᬸᬗ᭄ᬭᬂ᭞ᬚᬤ᭄ᬫᬩᬸᬤᬸᬄᬤᬗᭂᬮᬶᬗ᭄ᬕᬶᬳᬶᬦ᭄᭚ᬤᬾᬯᬋᬱᬶᬫᬤᭂᬓᭂᬲᬦ᭄᭚ᬓᬧᬫᬋᬫᬦ᭄᭞ᬘᭂ
ᬦᬶᬂᬤᬾᬲᬓ᭄ᬫᬦᬶᬓ᭄ᬫᬳᬶ᭞ᬳᬸᬭᬸᬢ᭄ᬳᬸᬭᬸᬢ᭄ᬩᬧ᭞ᬳᬶᬤᬾᬲᬓ᭄ᬫᬦᬶᬓ᭄ᬫᬗᬶᬭᬶᬗᬂ᭞ᬗᬸᬭᬸᬢ᭄ᬘᭀᬓᭀᬃᬲᬤᬦᬶᬭᬶᬲ᭄᭞ᬲᬃᬯ᭄ᬯᬶᬗᬶᬤᬸᬗᬦᬵ᭞ᬲ᭄ᬯᬭᬦᬾᬲᬫ᭄ᬧᬸᬦ᭄ᬫᬦᬶᬲ᭄᭚ᬫᬸᬮᬧ᭄ᬭᬤ᭄ᬜᬦ᭄ᬳᬬᬸᬳᬓᭀᬫ᭄ᬫᬕᭀ᭠
[᭑᭕ 15A]
ᬮᬾᬭᬦ᭄᭞ᬳᬸᬦ᭄ᬢᬸᬜᬮᬂᬓᬤᬶᬫᬶᬸᬗ᭄ᬓᬶᬸᬦ᭄ᬫᬦᬶᬓ᭄᭞ᬓᭂᬫᬶᬓᬦᬾᬳᬮᬄᬕᬸᬮ᭞ᬧᬫᬸᬮᬸᬦᬾᬕᬤᬶᬂᬜᬮᬂ᭞᭠ᬲᬸᬲᬸᬜᬗ᭄ᬓᬶᬄᬗᭂᬜᬸᬄᬕᬤᬶᬂ᭞ᬦᬓᬦᬾᬧᬜ᭄ᬚᬂ᭞ᬢᬗᬦᬾᬍᬫᭂᬢ᭄ᬗᬤᬦᬶᬦ᭄᭚ᬲᬸᬩᬲᬸᬭᬸᬧ᭄ᬲᬂᬳ᭄ᬬᬂᬲᬸᬃᬬ᭄ᬬᬦᬧᬶᬄᬮᬢ᭄ᬭᬶ
᭞ᬳᬶᬤᬾᬯᬋᬱᬶᬳᬢᬸᬭᬸ᭞ᬢᬦ᭄ᬓᭀᬘᬧᬦ᭄ᬲᬧᬸᬦᬶᬓ᭞ᬕᬦ᭄ᬢ᭄ᬬᬦᬶᬦ᭄ᬘᬭᬶᬢ᭞ᬳᬶᬓᭂᬢᬸᬢ᭄ᬩᬗᬸᬦ᭄ᬫᬮᬶᬄ᭞ᬫᬗᭂᬭᬶ᭠ᬜ᭄ᬘᬶᬬᬂᬤᬬ᭞ᬳᬶᬤᭂᬧ᭄ᬦ᭄ᬬᬫᬮᬶᬄᬗᬯᬦᬶᬦ᭄᭚ᬧᬲᭂᬫᭂᬗᬦ᭄ᬧᬚᬮᬦᬾᬕᬕᬜ᭄ᬘᬗᬦ᭄᭞ᬫᬗᭀᬚᭀᬕ᭄ᬓᬲᬾᬮᬬᬸᬓ᭄ᬢᬶ᭠
ᬤᬾᬯᬋᬱᬶᬯᬸᬲ᭄ᬫᬲᬸᬘ᭄ᬬᬦ᭄᭞ᬩᬸᬲᬦᬦᬾᬤᬩ᭄ᬤᬩ᭄᭞ᬳᬶᬓᭂᬢᬸᬢ᭄ᬩᬗᬸᬦ᭄ᬓᬳᬓ᭄ᬱᬶ᭞ᬗᭂᬮᬾᬦᬂᬘᬘᬶᬗᬓ᭄᭞ᬳᬶᬓᭂᬢᬸᬢ᭄ᬫᬢᬹᬃᬲᬶᬲᬶᬧ᭄᭚ᬭᬢᬸᬳᬕᬸᬂᬧ᭄ᬭᬡ᭄ᬟᬋᬱᬶᬲᬲᬸᬳᬸᬦᬦ᭄᭞ᬢᬶᬢ᭄ᬬᬂᬦᬯᭂᬕ᭄ᬫᬢᬹᬃᬲᬶᬲᬶᬧ᭄᭞ᬳᬶᬩᬶᬲᭀᬭᬾᬢᬶᬢ᭄ᬬᬂᬗᬶᬧᬶ᭞
Page:Bali-lontar-gaguritan-ketut-bangun-300ppi.pdf/15
This page has been proofread.
