[᭑ 1B]
᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭟ᬕᬕᬸᬭᬶᬢᬦ᭄ᬓᭂᬢᬸᬢ᭄ᬩᬗᬸᬦ᭄᭟᭜᭟ᬲᬶᬦᭀᬫ᭄᭟ᬲᬦ᭄ᬢᬩ᭄ᬬᬗ᭄ᬯᬂᬯᬶᬫᬸᬤ᭞ᬧᬗ᭄ᬓᬄᬫᬯᬸᬓ᭄ᬗᬯᬾᬕᭂᬦ᭄ᬤᬶᬂ᭞ᬧᬓ᭄ᬱᬦᬶᬭ᭄ᬯᬓᬯᬶᬲ᭄ᬯᬭ᭞ᬮ᭄ᬯᬶᬃᬮᬭ᭄ᬯᬧ᭄ᬢᬶᬦᬭᬸᬂᬲᬲᬶᬄ᭞ᬤᬸᬭᬦ᭄ᬓᬲᬶᬤᬾᬂᬓᬧ᭄ᬢᬶ᭞ᬬᬦ᭄ᬲᬶᬭ᭠
ᬲᬂᬓᬯ᭄ᬬᬧᬸᬢᬸᬲ᭄᭞ᬮᬗᭂᬂᬳᬗᭂᬭᬶᬘ᭄ᬬᬧᬗᬯ᭄ᬬ᭞ᬓᬲ᭄ᬢᬯᬇᬭᬶᬓᬾᬂᬩᬸᬫᬶ᭞ᬇᬓᬾᬢᬗ᭄ᬭᬂᬢᬦ᭄ᬯᭂᬭᬸᬄᬭᬶᬂᬲᬲ᭄ᬢ᭄ᬭᬫᬢᭂᬭ᭚ᬫᬮᬶᬄᬫᬗᭂᬮᬮᬸᬫᬫᭀᬗᬄ᭞ᬗᬯᬶᬢᬦ᭄ᬫᬓᬤᬂᬳᬚᬶ᭞ᬗ᭄ᬕᬾᬦ᭄ᬫᬹᬃᬦᬵᬳᬂᬫᬦᬄᬓᬮᬭᬦ᭄᭞ᬭᬶᬓ᭠
ᬮᬢᬦ᭄ᬦᬫᬶᬳᬫᭂᬭᬢᬶ᭞ᬢᬸᬦᬮᬗ᭄ᬓᬸᬂᬦᬫᬗᬯᬶ᭞ᬫᬸᬮᬯᬶᬢ᭄ᬦᬶᬂᬤᬍᬫ᭄ᬧᭂᬭᬸᬢ᭄᭞ᬮᭀᬭᬶᬂᬧᬲᬃᬢᬸᬯᬶᬓᬸᬢᬦ᭄ᬬ᭞ᬭᬶᬂᬲᭂᬭᬫᬩᭂᬭᭂᬲᬶᬄᬦᬕᬭᬶ᭞ᬳᬫ᭄ᬧᬸᬦᬦ᭞ᬲᬂᬲᬸᬤᬶᬧᬘᬃᬫ᭄ᬬᬃᬱ᭚ᬧᬹᬯ᭄ᬯᬦᬶᬂᬫᬗ᭄ᬓᬾᬓᭀᬘᬧᬦ᭄᭞ᬭᬶᬂᬲᬹ᭠
[᭒ 2A]
ᬭᬓᬃᬢ᭄ᬢᬦᬕᬭᬶ᭞ᬳᬦᬩ᭄ᬭᬳ᭄ᬫᬓᬸᬮᬵᬋᬓᭀ᭞ᬳᬲᬸᬢᬮᬓᬶᬲᬲᬶᬓᬶ᭞ᬧᬗᬢᬕ᭄ᬳ᭄ᬬᬂᬓᬮ᭠ᬧ᭄ᬭᬧ᭄ᬢᬶ᭞ᬬᬬᬄᬩᬶᬩᬶᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬓᬃᬭᬭᬾᬦᬗᬶᬲ᭄ᬓᬮᬭᬦ᭄᭞ᬇᬓᬸᬓᬸᬄᬲᬜ᭄ᬘᬬᬫᬗ᭄ᬕᬶᬄ᭞ᬓᬯ᭄ᬮᬲ᭄ᬳ᭄ᬬᬸᬦ᭄᭞ᬫ
ᬦᬸᬤᬸᬓ᭄ᬗᬗ᭄ᬕᬾᬦ᭄ᬧ᭄ᬬᬦᬓ᭄᭚ᬓᭀᬘᬧᬦ᭄ᬳᬶᬬᬲᬸᬩᬢᭂᬭᬸᬦᬵ᭞ᬇᬓᭂᬢᬸᬢ᭄ᬩᬗᬸᬦ᭄ᬓᬤᬦᬶᬦ᭞ᬲᬲᬳᬶᬗᬗ᭄ᬕᬸᬃᬫᬗᭀᬃᬢ᭞ᬓᭀᬘᬧ᭄ᬳᬤᬩᬮ᭄ᬬᬦ᭄ᬭᬶᬭᬶᬄ᭞ᬫᬳᬤᬦ᭄ᬇᬲᬦ᭄ᬢᬯᬶᬢ᭄᭞ᬭᬶᬂᬩᬜ᭄ᬚᬃᬮᬸᬫ᭄ᬧᬂᬫᬮᬸᬗ᭄ᬕᬸᬄ᭞ᬢ᭄ᬯᬶᬦ᭄ᬜᬳᬱ᭄ᬝᬓᭀ
ᬲᬮ᭞ᬲᬲᬦ᭄ᬢᬸᬦᬾᬢ᭄ᬯᬭᬓᭂᬚᬶᬮ᭄᭞ᬢ᭄ᬯᬶᬲᬤᬶᬦ᭞ᬳᬦᬓᬾᬢᭂᬓᬫᬳᭂᬫ᭄ᬩᬄ᭚ᬳᬤᬦᬸᬦᬲ᭄ᬲᬲᬶᬓᭂ᭠ᬧᬦ᭄᭞ᬦᭂᬦᬸᬗᬂᬓᬾᬮᬗᬦ᭄ᬫᬮᬶᬄ᭞ᬳᬤᬫᬗᬶᬤᬶᬄᬢᬸᬮᬸᬗᬦ᭄᭞ᬩᬳᬦ᭄ᬤᬾᬯᬾᬓ᭄ᬜᬦᬾᬲᬓᬶᬢ᭄᭞ᬳᬶᬕ᭄ᬤᬾᬩᬮ᭄ᬬᬦ᭄ᬓᭂᬜᬶᬂ᭞ᬦᬄ
Page:Bali-lontar-gaguritan-ketut-bangun-300ppi.pdf/2
This page has been proofread.
