[᭒ 2B]
᭒
ᬕᬕᬳᬃᬚᬦᬶᬫᬮᬸ᭞ᬲᬲᬦ᭄ᬢᬸᬦᬾᬢ᭄ᬯᬄᬲᭂᬋᬕᭂᬧᬂ᭞ᬧᭂᬚᬗᬶᬦ᭄ᬧᬶᬧᬶᬲ᭄᭞ᬲᬢᬓ᭄ᬧᬲᬲᬸᬃ᭞ᬢ᭄ᬯᬭᬚᬤᬤᬶᬢᬸ᭠ᬦᬬᬩᬦ᭄᭚ᬇᬓᭂᬢᬸᬢ᭄ᬩᬗᬸᬦ᭄ᬬᬢ᭄ᬓ᭞ᬲᭂᬭᬬᬂᬧᭂᬭᬸᬬᬸᬂᬗᬓᬸᬲᬓᬶᬢ᭄᭞ᬇᬕ᭄ᬤᬾᬲᬦ᭄ᬝᬯᬶᬢ᭄ᬳᬗᬸᬘᬧ᭄᭞ᬚ᭄ᬮᭂᬫᬓᬾᬦ᭄ᬓᬾᬦ᭄ᬢ᭄ᬓᬫ
ᬳᬶ᭞ᬓ᭄ᬮᬸᬲᬾᬫᬓᬶᬭᬾᬫᬢᬶ᭞ᬇᬓᭂᬢᬸᬢ᭄ᬩᬗᬸᬦ᭄ᬳᬸᬯᬸᬲ᭄᭞ᬢ᭄ᬬᬂᬲᬓᬶᬢ᭄ᬭᬳᬯ᭄ᬧᬶᬲᬦ᭄᭞ᬫᬗᭂᬮᬶᬦ᭄ᬢᬸᬄᬤᬶᬳᬸᬮᬸᬦ᭄ᬳᬢᬶ᭞ᬗ᭄ᬕᬶᬄᬚ᭄ᬭᭀᬩᬮ᭄ᬬᬦ᭄ᬲ᭄ᬯᬾᬘᬦᬂᬦᬫ᭄ᬩᬦᬶᬦ᭄ᬢ᭄ᬬᬂ᭚ᬇᬲᬦ᭄ᬢᬯᬶᬢ᭄ᬭᬭᬶᬲ᭄ᬗᬸᬘᬧ᭄ᬩᬸᬗᬸᬢ᭄ᬢᬸᬮᬾ᭠ᬦ᭄ᬳᬩᬫᬳᬶ᭞ᬳᬸᬩᬤᬾᬢ᭄ᬯᬭᬚᬫᬸᬤᬄ᭞ᬩᬧᬫᬗᭀᬭᬳᬶᬦ᭄ᬘᬳᬶ᭞ᬬᬦ᭄ᬤᬶᬦᬶᬱ᭄ᬝᬚ᭄ᬫᬓ᭄ᬭᬳᬶ᭞ᬩᬦ᭄ᬢᭂᬦ᭄ᬘᬦᬂᬧᬢᬸᬢ᭄ᬳᬢᬸᬃ᭞ᬚᬶᬦᬄᬜᬦᬾᬲᬾᬓᭂᬢ᭄ᬧᬢ᭄ᬧᬢ᭄᭞ᬓᬾᬢᬾᬂᬢᭀᬂᬤᬤᬶᬢᬸᬦᬳᬶᬦ᭄᭞ᬓᭀᬢᭀ
[᭓ 3A]
ᬧᬢᬸᬢ᭄᭞ᬧᬫᬦ᭄ᬤᬶᬦ᭄ᬳᬸᬩᬤ᭄ᬳᬤᬦ᭄ᬜ᭚ᬳᬶᬓᭂᬢᬸᬢ᭄ᬩᬗᬸᬦ᭄ᬳᬗᬸᬘᬧ᭄᭞ᬢᬶᬢ᭄ᬬᬂᬤᬯᭂᬕ᭄ᬫᬢᬹᬃᬲᬶᬲᬶᬧ᭄᭞ᬤᬾᬦᬶᬂᬢᬶᬢ᭄ᬬᬂᬓᬲᭂᬗ᭄ᬓᬮᬦ᭄᭞ᬭᬶᬂᬫᬃᬕ᭄ᬕᬶᬓᬭᬯᬸᬳᬦ᭄ᬲᬓᬶᬢ᭄᭞ᬢᬶᬢ᭄ᬬᬂᬧ᭄ᬭᬬᬮ᭄ᬯᬲ᭄ᬦᬕᬶᬄ᭞ᬭᬶᬂᬇᬕ᭄ᬤᬾᬦᬾᬲᬚᬸᬦᬸᬢ᭄᭞ᬤᬦᬾᬫᬸᬢᬂᬲᬢ
ᬓ᭄ᬮᬾᬬᬃ᭞ᬢᬶᬢ᭄ᬬᬂᬯᬦ᭄ᬢᬄᬜᬸᬤᬕᬭᬶᬦ᭄᭞ᬗ᭄ᬕᬶᬄᬧᬸᬗ᭄ᬓᬸᬭᬦ᭄᭞ᬧᬸᬦᬧᬶᬯᬾᬦ᭄ᬢᭂᬦ᭄ᬓᬃᬲᬬᬂ᭚ᬚᬸᬫᬄᬯᬾ᭠ᬦ᭄ᬢᭂᬦ᭄ᬳᬓᬾᬄᬧᬶᬲᬦ᭄᭞ᬲᬯᬶᬚᬶᬮ᭄ᬚᬯᬦᬾᬲᬫᬶ᭞ᬯᬾᬦ᭄ᬢᭂᬦ᭄ᬚᬸᬫᬄᬫᬩ᭄ᬬᬬᬕᬦ᭄᭞ᬲᬓᬋᬧ᭄ᬳᬦᬓᬾᬗᬶᬤᬶᬄ᭞ᬢᬶᬢ᭄ᬬᬂᬢ᭄ᬯᬭᬗᬶᬢᬸᬂ
ᬳᬚᬶ᭞ᬓᭂᬜᭂᬫ᭄ᬳᬶᬩᬮ᭄ᬬᬦ᭄ᬳᬫᬸᬯᬸᬲ᭄᭞ᬚᬢᬶᬘᬳᬶᬓ᭄ᬦᬵᬯᬶᬲ᭄ᬬ᭞ᬲᬓᬶᬢᬾᬫᬜ᭄ᬘᬶᬗᬳᬶᬦ᭄᭞᭠ᬍᬩᬶᬄᬭᬳᬢ᭄᭞ᬘᬳᬶᬓ᭄ᬦᬵᬕᭂᬮᬄᬳᬦᬓ᭄ᬇᬓᭂᬢᬸᬢ᭄ᬩᬗᬸᬦ᭄ᬳᬗᬸᬘᬧ᭄᭞ᬫᬗᭂᬢᭀᬃᬫᬲᭂᬩᭂᬂᬗᭂᬮᬶᬂ᭞ᬕᭂᬮᬶᬲᬂ
Page:Bali-lontar-gaguritan-ketut-bangun-300ppi.pdf/3
This page has been proofread.
