[᭒᭐ 20B]
᭒᭐
ᬓ᭄ᬢᬶ᭞ᬢᭂᬭᬸᬲᬦᬲᬶᬄᬲᬂᬦᬩᬶ᭞ᬯᬭᬄᬧᬲᬸᬓ᭄ᬯᭂᬢᬸᬦ᭄ᬳᬶᬧᬸᬦ᭄᭞ᬳᭂᬫ᭄ᬧᬸᬯᬶᬭᭀᬯᬡᬗᬸᬘᬧ᭄᭞ᬧᭀ᭠ᬫᬳᬲᬸᬘ᭄ᬬᬭᬶᬫᬶᬳᬶᬦ᭄᭞ᬭᬶᬂᬳᬸᬢᬭ᭞ᬳᬦᬯᬢᬸᬫᬶᬚᬶᬮ᭄ᬢᭀᬬ᭚ᬬᬦ᭄ᬲᬫ᭄ᬧᬸᬦ᭄ᬳᬲᬸᬘ᭄ᬬᬦ᭄᭞ᬩᬧᬗᬸᬯ
ᬭᬳᬶᬦ᭄ᬢ᭄ᬭᬶᬦᬤᬶ᭞ᬳᬶᬓᭂᬢᬸᬢ᭄ᬩᬗᬸᬦ᭄ᬫᬜᬸᬫ᭄ᬩᬄ᭞ᬩᬶᬸᬧᬶᬸᬗᬶᬸᬯᬭᬶᬸᬳᬶᬸᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬦᬸᬯᬸᬢ᭄ᬭᬾᬚᬾᬂᬳᬮᬲ᭄ᬩᬸᬓᬶᬢ᭄᭞ᬫᬗᬶᬫ᭄ᬧᬲᬶᬦ᭄ᬩᬸᬭᭀᬦ᭄ᬮᬶᬬᬸ᭞ᬳᬶᬓᭂᬢᬸᬢ᭄ᬢᭀᬂᬫᬓᭂᬚᭂᬃᬳᬦ᭄᭞ᬧᬗᬲ᭄ᬢᬶᬦᬾ
ᬚ᭄ᬯᬓᬳᬾᬱ᭄ᬝᬶ᭞ᬤᬤ᭄ᬬᬧᬗ᭄ᬕᬸᬄ᭞ᬲᬾᬮᬘᭂᬫᭂᬂᬮ᭄ᬯᬶᬄᬤᬸᬫᬶᬮᬄ᭚ᬓᬤᬶᬕ᭄ᬦᬶᬢᬦ᭄ᬧᬪᬸᬫ᭞ᬲᬢᬾᬚᬦᬾ᭠ᬮᬶᬦ᭄ᬢᬂᬳᭂᬦᬶᬂ᭞ᬳᬶᬓᭂᬢᬸᬢ᭄ᬩᬗᬸᬦ᭄ᬗᬲᬶᬸᬓ᭄ᬱᬫ᭞ᬫᬳᬶᬤᭂᬃᬗᬢᬸᬭᬂᬩᬓ᭄ᬢᬶ᭞ᬩᬢᬸᬦᬾᬓᬳᬶᬍᬳᬶᬦ᭄᭞᭠
[᭒᭑ 21A]
ᬢ᭄ᬯᬭᬳᬤᬢᭀᬬᬧᬗ᭄ᬕᬸᬄ᭞ᬩᬸᬮᬓ᭄ᬩᬮᬶᬓ᭄ᬫᬳᬸᬤᭂᬭᬦ᭄᭞ᬳᬶᬓᭂᬢᬸᬢ᭄ᬓᬗᭂᬦ᭄ᬤᬶᬳᬢᬶ᭞ᬤᬤ᭄ᬬᬧᬗ᭄ᬕᬸᬄ᭞ᬩᬗ᭄ᬓᬾᬦ᭄ᬚᬤ᭄ᬫᬲᬫ᭄ᬧᬸᬦ᭄ᬳᭂᬜᬕ᭄᭚ᬩᬲᬂᬧᬧᬸᬲᬸᬳᬦᬾᬗᭂᬦᬄ᭞ᬩᬗ᭄ᬓᬾᬦᬾᬮᬶᬮᬶᬢ᭄ᬮᬮᬶᬧᬶ᭞ᬮᬮᬶᬧᬶᬫᬳᬸᬮᬸᬧ᭠
ᬜ᭄ᬘ᭞ᬳᬶᬓᭂᬢᬸᬢ᭄ᬩᬗᬸᬦ᭄ᬫᬮᬳᬶᬩ᭞ᬚᭂᬚᭂᬄᬗᭂᬢᭀᬃᬩᬸᬓᬫᬢᬶ᭞ᬢ᭄ᬯᬭᬗᬶᬢᬸᬂᬫᬩᬃᬧᬗ᭄ᬓᬸᬂ᭞ᬭᬭᬶᬲ᭄ᬢᬸᬮ᭠ᬓ᭄ᬓᬧᬲᭂᬭᬫᬦ᭄᭞ᬢᬗ᭄ᬓᬶᬮ᭄ᬭᬶᬂᬧᬤᬲᬶᬕᬸᬭ᭄ᬯᬶ᭞ᬤᭂᬓᬄᬗᬗ᭄ᬲᬸᬃ᭞ᬳᬗ᭄ᬓ᭄ᬬᬦᬾᬯᭂᬢᬸᬗᭂᬢᬸᬢᬕ᭄᭚ᬳᭂᬫ᭄ᬧᬸᬯᬶᬭᭀᬘ᭠
ᬗᬸᬘᬧ᭄᭞ᬳᬧᬓᭂᬭᬦᬲᬤᬕᬢᬶ᭞ᬤᬳᬲ᭄ᬤᬶᬳᬶᬲ᭄ᬫᬗᬢᬸᬕ᭄ᬢᬕ᭄᭞ᬳᬶᬦ᭄ᬤᬬᬂᬩᬧᬢᬸᬢᬸᬭᬶᬦ᭄᭞ᬳᬶᬓᭂᬢᬸᬢ᭄ᬩᬗᬸᬦ᭄ᬗᬩᬓ᭄ᬢᬶ᭞ᬳᬫᬶᬸᬫ᭄ᬧᬸᬭᬦᭂᬦ᭄ᬲᬂᬲᬶᬦᬸᬳᬸᬦ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬗᬸᬦᬶᬗᬂ᭞ᬲᭂ
Page:Bali-lontar-gaguritan-ketut-bangun-300ppi.pdf/21
This page has been proofread.
