[᭒᭑ 21B]
᭒᭑
ᬗ᭄ᬓᬮᬢᬶᬢ᭄ᬬᬂᬫᬫᬃᬕ᭄ᬕᬶ᭞ᬢᬶᬢ᭄ᬬᬂᬫᬗ᭄ᬕᬸᬄᬩᬗ᭄ᬓᬾᬦ᭄ᬚᬤ᭄ᬫᬲᭂᬤᭂᬂᬜᬕ᭄᭚ᬧᬧᬸᬲᬸᬳᬦ᭄ᬩᬲᬗᬾᬗᭂᬦᬄ᭞ᬯᬗ᭄ᬓᬾᬦᬾᬮᬶᬮᬶᬢ᭄ᬮᬮᬶᬧᬶ᭞ᬮᬮᬶᬧᬶᬫᬳᬸᬮᬸᬧᬜ᭄ᬘ᭞ᬳᬗᭀᬩ᭄ᬢᬶᬢ᭄ᬬᬂᬫᬗᬦ᭄ᬢᭂᬦᬶᬦ᭄᭞ᬳᭂᬫ᭄ᬧᬸᬤᬸᬮᬸᬯᬲᬶᬭᬗᬸᬭᬸᬗ᭄ᬯᬶ᭞
ᬳᬶᬘᬢᬹᬃᬗᬦᬶᬓᬮᬸᬲ᭄᭞ᬦᬦᬓᬢ᭄ᬯᬶᬓᬸᬭᬂᬢ᭄ᬬᬕ᭞ᬳᬜ᭄ᬘᬯᬶᬲᬬᬦᬾᬗᬮᬶᬮᬶᬢ᭄᭞ᬓᬸᬭᬂᬢᭂᬭᬸ᭠ᬲ᭄ᬳᬢᬶᬦᬾᬳᬩᬂᬤᬸᬫᬶᬮᬄ᭚ᬳᬶᬓᭂᬢᬸᬢ᭄ᬫᭂᬦ᭄ᬤᭂᬓ᭄ᬳᬦᭂᬫ᭄ᬩᬄ᭞ᬗᬲ᭄ᬢᬸᬢᬶᬫᬢᬹᬃᬲᬶᬲᬶᬧ᭄᭞ᬩᬸᬤᬶᬦ᭄ᬢᬶᬢ᭄ᬬᬂᬘᭂᬫᬃᬧᬶᬲ
ᬦ᭄᭞ᬧᬧᬓᬮᬾᬲᬦᬾᬳᬕᬸᬫᬶ᭞ᬬᬦ᭄ᬢᬦ᭄ᬲᬂᬮ᭄ᬯᬶᬃᬳᬕ᭄ᬦᬶ᭞ᬳᬶᬘᬫᬗ᭄ᬓᬾᬧᬘᬂᬗᭂᬫ᭄ᬧᬸᬂ᭞ᬫᬗ᭄ᬤᬫᬢᭂᬫᬳᬦ᭄ᬯᬃᬱ᭞ᬳᬶᬦᬶᬮᬶᬢᭂᬓᬾᬂᬳᬸᬤᬤᬶ᭞ᬲᬂᬲᬶᬦᬸᬳᬸᬦ᭄ᬢᬸᬫᬸᬮᬸᬲ᭄ᬲᬶᬄᬲᬂᬲᬶᬦᭂᬫ᭄ᬩᬄ᭚ᬳᭂᬫ᭄ᬧᬸᬯᬶᬭᭀᬘᬦᬗᬸᬘᬧ᭄
[᭒᭒ 22A]
ᬩᬧᬗᬶᬘᬾᬦ᭄᭞ᬦᬦᬓ᭄ᬚᬦᬶ᭞ᬓᬭᬤᬷᬱ᭄ᬝᬦᬾᬲᬸᬫ᭄ᬧᬗᬂ᭞ᬳᬶᬤᭂᬧᬾᬳᬧᬂᬢᬾᬮᬶᬂ᭞ᬢᭂᬭᬶᬧᭂᬋᬫᬦᬦᬾᬚ᭄ᬯᬳᬾᬱ᭄ᬝᬶ᭞ᬩᬬᬸᬲᬩ᭄ᬟᬳᬶᬤᭂᬧ᭄ᬳᬶᬓᬸ᭞ᬳᬶᬜ᭄ᬘᭂᬧᬂᬳᬧᬗᬢᬸᬗ᭄ᬕᬮ᭄᭞ᬳᬗ᭄ᬕᭀᬦ᭄ᬦᬸᬜ᭄ᬚᭂᬮ᭄ᬤᬱᬫᬮ᭞ᬳᬗ᭄ᬕᭀᬦ᭄
ᬗᬫ᭄ᬧᬸᬳᬂ᭞ᬳᬯᬸᬦ᭄ᬫᬮᬦᬾᬫᬓᭂᬚᬂ᭚ᬮᬯᬸᬢᬂᬮᬦ᭄ᬢᬲ᭄ᬳᬜᬸᬤᬂ᭞ᬢᭂᬭᬸᬲᬂᬓᬧᬸᬲᭂᬃᬢᬲᬶᬓ᭄᭞ᬳᬶᬤᭂᬧᬾᬳᬤᬤ᭄ᬯᬧᬭ᭞ᬳᬧᬂᬢᬶᬮᬶᬂᬳᬧᬂᬧᬸᬯᬶ᭞ᬓᬾᬢᭀᬢᬶᬗ᭄ᬓᬳᬾᬫᬓᬾᬃᬢᬶ᭞ᬤᬾᬦᬶᬂᬫᬭᬕᬲᬂᬳ᭄ᬬᬂᬳᬬᬸ᭞ᬳᬩᭀᬢ᭄᭠
ᬩᬳᬦ᭄ᬫᬗᭂᬦᭂᬳᬂ᭞ᬲᬶᬂᬤᬤᬶᬳᭀᬩᬄᬳᬕᬶᬕᬶᬲ᭄᭞ᬳᬧᬂᬓᬸᬓᬸᬄ᭞ᬢ᭄ᬯᬭᬤᬤᬶᬓᭂᬮᬾᬲᬬᬂ᭚ᬢᭂ᭠ᬭᬶᬧᭂᬋᬫᬦᬾᬮᬸᬯᬶᬄᬧᬶᬲᬦ᭄᭞ᬳᭂᬦ᭄ᬢᭀᬫᬗᭂᬩᭂᬓᬶᬦ᭄ᬕᬸᬫᬶ᭞ᬫᬳᬾᬦ᭄ᬤᬳᬦ᭄ᬢᭀᬤᬤᬶᬦ᭄ᬜ᭞ᬩᬶᬱᬫᭂᬲᬾᬄ
Page:Bali-lontar-gaguritan-ketut-bangun-300ppi.pdf/22
This page has been proofread.
