[᭔ 4B]
᭞᭓᭞
ᬩᬤᬂᬧᬸᬦᬶᬓᬵ᭞ᬘᬓᬻᬲ᭄ᬮᭂᬫ᭄ᬭᬸᬧᬦ᭄ᬜᬵ᭞ᬫᬤ᭄ᬬᬵᬧᬤ᭄ᬫᬵ᭞ᬧ᭄ᬭᬡ᭄ᬦᬵᬤᬶᬧ᭄ᬢᬵᬯᬃᬡ᭄ᬦᬦ᭄ᬜᬵ᭟᭑᭕᭞ᬬᬦᬶᬂᬢ᭄ᬯᬭᬵᬢᬯᬂᬦᬶᬓᬵ᭞ᬤᬤᬶᬫᬸᬲᬸᬄᬋᬓᬾᬲᬫᬶ᭞ᬲᬃᬯ᭄ᬯᬶᬲᬂᬚᬢ᭄ᬝᬵᬦᬾᬫᬗᬧ᭄᭞ᬲᬫᬶᬜᬸᬄᬤᬸᬓ᭄ᬭ
ᬕᬦ᭄ᬳᬶᬧᬸᬦ᭄᭞ᬯᬶᬢ᭄ᬫᬸᬲᬸᬳᬾᬫᬯᬶᬰᬾᬱᬵ᭞ᬕᬸᬡ᭄ᬦᬲᬓ᭄ᬢᬶ᭞ᬭᬶᬂᬳᬢᬶᬫᭂᬗᬶᬲᭂᬳᬵ᭟᭑᭖᭞ᬓᬤᬶᬦᬾᬭᬶᬂᬓᬢᬸᬢᬸᬃᬭᬦ᭄᭞ᬓᬾᬦ᭄ᬳᬸᬗ᭄ᬕᬸᬳᬦ᭄ᬫᬦᬸᬱᬵᬲᬓ᭄ᬢᬶ᭞ᬢᭀᬗᭀᬲ᭄ᬤᬦᬾᬦᬾᬓᭀᬘᬧᬦ᭄᭞
ᬬᬦᬶᬂᬧᭂᬧᭂᬤ᭄ᬢ᭄ᬯᬭᬕᬶᬲᬸ᭞ᬓᬦᬶᬦᬾᬲᬗ᭄ᬬᬂᬲᬸᬃᬬ᭄ᬬᬵ᭞ᬢ᭄ᬯᬭᬵᬧᬶᬮᬶᬄ᭞ᬫᬗ᭄ᬮᬂᬮᬂᬗᬶᬂᬢ᭄ᬭᬶᬩ᭄ᬯᬡ᭄ᬦᬵ᭟᭑᭗᭞ᬲᬧᬸᬦᬶᬓᬵᬋᬓᬾᬓᭀᬘᬧ᭄᭞ᬤᬶᬳᬢᬶᬳᬭᬸᬭᬸᬄᬳᬮᬶᬄ᭞ᬓᬤᬶᬳᬶᬤᬵᬲᬗ᭄ᬬᬂᬲᬸᬃᬬ᭄ᬬᬵ᭞ᬬᬤ᭄ᬬᬦ᭄
ᬚᬭᬂᬍᬯᬶᬄᬧᬗ᭄ᬓᬸᬂ᭞ᬢᬦ᭄ᬳᬸᬘᬧᬦ᭄ᬭᬶᬂᬓᬬᬂᬗᬦ᭄᭞ᬬᬤ᭄ᬬᬦ᭄ᬧᬲᬶᬄ᭞ᬲᬫᬶᬧᬤᬵᬓᭂᬲᬸᬦᬭᬶᬦ᭄᭟᭑᭘᭞ᬧᬸᬦᬶᬓᬵ᭞ᬦᬳᬲ᭄ᬢᬶᬢ᭄ᬬᬂ᭞ᬦᬾᬫ᭄ᬭᬕᬵᬲᬗ᭄ᬬᬂᬲ᭄ᬯᬶᬄ᭞ᬢᭀᬗᭀᬲ᭄ᬜᬦᬾᬬᬦ᭄ᬳᬦ᭄ᬤᬶᬬᬂ᭞
[᭕ 5A]
ᬲᭂᬕᬭᬵᬭᬸᬧᭂᬓ᭄ᬧᬸᬦᬶᬓᬸ᭞ᬢᭀᬬᬵᬕ᭄ᬦᬶᬓᭂᬦᬶᬫᬮᬦ᭄᭞ᬤᬶᬢᬸᬳᬮᬶᬄ᭞ᬢᭀᬫᬤᬦ᭄ᬢᭀᬗᭀᬲ᭄ᬓᭂᬲᬸᬓᬦ᭄᭟᭑᭙᭞ᬳᬶᬭᬶᬓᬵᬚᬦᬶᬭᬸᬭᬸᬳᬂ᭞ᬢᭀᬫᬤᬦ᭄ᬓᭂᬲᬸᬓᬦ᭄ᬮᬸᬯᬶᬄ᭞ᬢᭀᬗᭀᬲ᭄ᬜᬵᬫᬤᬸᬃ
ᬕᬫᬵ᭞ᬢ᭄ᬯᬭᬵᬩᬓᬢ᭄ᬢ᭄ᬯᬭᬵᬓᭂᬦ᭄ᬥᬸ᭞ᬢᭀᬗᭀᬲ᭄ᬜᬵᬲᬶᬦ᭄ᬢᬂᬉᬢᬫᬵ᭞ᬤᬶᬚ᭄ᬭᭀᬧᬸᬭᬶ᭞ᬲ᭄ᬭᬶᬢ᭄ᬝᬵᬫᬤᬦ᭄ᬳᬶᬭᬶᬓᬵ᭟᭒᭐᭞ᬧᬸᬦᬶᬓᬵᬦᬾᬫᭂᬗᬶᬲ᭄ᬬᬂ᭞ᬢᬸᬯᬸᬳᬾᬲᭂᬢᬸᬗ᭄ᬕᬸᬦ᭄ᬉᬭᬶᬧ᭄᭞ᬲᬗ᭄ᬬᬂᬩᬬᬸᬤᬶ᭞ᬚ᭄ᬭᬵ
ᬧᬸᬭᬵ᭞ᬬᬦ᭄ᬜᬵᬲᬸᬩᬵᬓᬢᭂᬧᬸᬓ᭄᭞ᬢᭀᬦᬾᬲ᭄ᬤᭂᬂᬜᬸᬂᬲᬸᬲᭂᬫ᭄ᬩᬄ᭞ᬳᬲ᭄ᬢᬶᬢᬶᬦᬶᬦ᭄᭞ᬤᬶᬳᬢᬶᬳᬶᬤᬵᬗᭂᬲᬧᬂ᭟᭒᭑᭞ᬳᬦᬓ᭄ᬢ᭄ᬯᬄᬳᬤᬫᭀᬦᬾ᭞ᬲᬫᬵ᭞ᬦᬬᬵᬓᭂᬧᬸᬚᬶ᭞ᬤᬶᬚ
ᬮᬦ᭄ᬚᬮᬦ᭄ᬬᬵᬗᭂᬦᬄ᭞ᬮ᭄ᬬᬸᬬᬦᬓ᭄᭞ᬦᬭᬵᬧ᭄ᬭᬸᬄ᭞ᬢᭀᬦᬾᬳᬮᬶᬄᬩᬓᬢ᭄᭞ᬚ᭄ᬭᭀᬦᬶᬂᬳᬢᬶ᭞ᬲᬸᬦ᭄ᬤᬶᬳᬶᬦ᭄ᬩᬳᬦ᭄ᬓᭂᬤᬃᬫ᭄ᬫᬦ᭄᭟᭒᭒᭞ᬢᭀᬗᭀᬲ᭄ᬜᬦᬾᬓᭀᬘᬧ᭄᭞ᬳ
Page:Bali-lontar-gaguritan-lara-smara-300ppi.pdf/5
This page has been proofread.
