[᭕ 5B]
᭞᭔᭞
ᬤᬵᬲ᭄ᬮᬢ᭄ᬤ᭄ᬯᬂᬤᬱᬵᬕᬸᬮᬶ᭞ᬚᬦᬶᬲᬚᬵ᭞ᬫᭂᬗ᭄ᬭᬭᬸᬳᬵ᭞ᬫᬱᬵᬬᬵᬢ᭄ᬯᬭᬵᬓᭂᬢᭂᬧᬸᬓ᭄᭞ᬢᭀᬦ᭄ᬤᬾᬦ᭄ᬳᬮᬶᬄᬬᬵᬩᬓᬢ᭄᭞ᬬᬦ᭄ᬳᬲ᭄ᬢᬶᬢᬶ᭞ᬢᭀᬗᭀᬲ᭄ᬜᬦᬾᬚᬮᬦ᭄᭞ᬫᬸᬮᬵ᭟᭒᭓᭞ᬬᬦᬶᬂᬦᬾ
ᬦ᭄ᬢᭂᬦ᭄᭞ᬲᬤᬸᬤᬃᬫ᭄ᬫᬵ᭞ᬫᬓᬵᬲᬸᬦ᭄ᬤᬶᬳᬾᬫᭂᬗᬮᬶᬄ᭞ᬫᬱᬵᬬᬵᬧᬘᬂᬩᬓᬢ᭄᭞ᬳᬶᬮᬶᬤ᭄ᬢᭀᬗᭀᬲ᭄ᬜᬵᬦᬾᬲᬭᬸ᭞ᬳᬮᬶᬄᬫ᭄ᬦᬓ᭄ᬬᬵᬦᬸᬯᬸᬦᬂ᭞ᬗᬦ᭄ᬢᬶᬲᬓᬶᬢ᭄᭞ᬓ᭄ᬦᭂᬳᬾᬫᭂᬗᬮᬶᬄᬳᬶᬤᬵ᭟
᭞᭒᭔᭞ᬫᬶᬚᬶᬮ᭄ᬧᬗ᭄ᬭᬜ᭄ᬚᬡ᭄ᬦᬵᬲᬭᬢ᭄᭞ᬚᬦᬶᬍᬫᬄᬲᬶᬗ᭄ᬕᬶ᭞ᬋᬭᬱᬦᬶᬕᬶᬢ᭄ᬝᬵᬋᬓᭀ᭞ᬲᬸᬲ᭄ᬬᬄᬳᬢᬶᬧᬸᬦᬶᬓᬸ᭞ᬫᬗᬸᬦᬂᬩ᭄ᬭᬢᬶᬫᬦᬄ᭞ᬭᬸᬧᬵᬫᬦᬶᬲ᭄᭞ᬭᬭᬲᬾᬫᬗ᭄ᬭᬓ᭄ᬱᬵᬚᬶᬯ᭄ᬯᬵ᭟
᭞᭒᭕᭞ᬫᬗᬶᬤ᭄ᬧᬗᬶᬦ᭄ᬚ᭄ᬕᬾᬕ᭄ᬮᬜ᭄ᬚᬃ᭞ᬭᭀᬫᬵ᭞ᬦᬤᭂᬫ᭄ᬤᭂᬫᬯᬶᬮᬶᬲ᭄᭞ᬧᭂᬘᬶᬗᬓᬾᬫᬦᬶᬲ᭄ᬳᬮᭀᬦ᭄᭞ᬲ᭄ᬤᭂᬂᬳᬶᬤᬵᬲᬦᬾᬳᬯᬸᬗᬸᬦ᭞ᬯᬶᬫ᭄ᬩᬦᬾᬮᬸᬗᬶᬤ᭄ᬫᬍᬜᬤ᭄᭞
[᭖ 6A]
ᬗ᭄ᬭᬾᬤᬾᬳᬶᬦ᭄᭞ᬫᬢ᭄ᬯᭂᬓ᭄ᬕᬶᬢ᭄ᬝᬵᬫᭂᬢᬯ᭄ᬯᬵ᭟᭒᭖᭞ᬮᬫ᭄ᬩᬾᬦᬾᬜᬮᬂᬗᭂᬢᬶᬭᬄ᭞ᬲᬶᬦ᭄ᬭᬢ᭄ᬭᬓ᭄ᬝᬵᬯᬚᬵᬲᬸᬯᬶᬄ᭞ᬢᬦ᭄ᬱᬄᬳᬗ᭄ᬕᬯᬾᬗᭂᬦ᭄᭞ᬲ᭄ᬯᬭ᭞ᬫᬸᬮᬸᬓ᭄ᬫᬦᬶᬲ᭄ᬜᬸᬜᬸᬃ᭞ᬓᭂᬫᬾᬧᭂᬢᬓ᭄᭞ᬫᬓᬵᬯᬺ
ᬡ᭄ᬦᬶ᭞ᬢᬶᬃᬢ᭄ᬝ᭞ᬳᬸᬧᬵᬓᬧᬶᬢᬺᬱ᭄ᬡᬦ᭄᭟᭒᭗᭞ᬳᬾᬮᬶᬂᬢᬶᬢ᭄ᬬᬂᬳᬦᬾᬲᬸᬩᬵ᭞ᬮᭂᬂᬮᭂᬂᬗᬶᬲᭂᬫᬭᬵᬩᬸᬤᬶ᭞ᬫᬯ᭄ᬢᬸᬫᬦᬄᬓᭂᬲᭂᬫᬭᬦ᭄᭞ᬢᬦ᭄ᬧᭂᬩᬢ᭄ᬲᬳᬶᬳᬸᬮᬗᬸᬦ᭄᭞ᬓᭂᬮᬶᬧᬸᬢ᭄ᬩᬳᬦ᭄ᬫᭂᬤᬡᬡ᭄ᬦ
ᬮᬶᬂᬮᬸᬂᬧᬮᬶᬂ᭞ᬓ᭄ᬯᬱᬵᬲᬓ᭄ᬢᬶᬲᭂᬫᬭᬵ᭟᭒᭘᭞ᬫᬲ᭄ᬢᬶᬢ᭄ᬬᬂᬳᬢ᭄ᬫᬵᬚᬶᬯ᭄ᬯᬵ᭞ᬫᭂᬭᬓᭂᬢ᭄ᬫᬦᬳᬶᬂᬳᬢᬶ᭞ᬳᬰᬶᬄᬓᬸᬫᬲᬶᬳᬶᬦ᭄ᬧᬦᭀᬦ᭄᭞ᬧᬤᬵᬳᬸᬫᬶᬤᭂᬧ᭄ᬳᬸᬬᬗᬸᬦ᭄᭞ᬫᬓᬵᬮᬶᬢᬺ
ᬱ᭄ᬡᬵᬫᬦᬄ᭞ᬲᬢ᭄ᬬᬵᬫᬸᬜᬶ᭞ᬦᬾᬳᬸᬫᬸᬗ᭄ᬕᬸᬳᬶᬂᬕᬶᬢ᭄ᬝᬾ᭟᭒᭙᭞ᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓᬵ᭞ᬳᬦ᭄ᬤᬾᬬᬂᬢ᭄ᬯᬄᬳᬦᬓ᭄ᬮ᭄ᬯᬶᬄ᭞ᬢ᭄ᬯᬭᬵᬩᬶᬲᬵᬫᬗ᭄ᬮᬾᬜᭀᬓ᭄᭞ᬲᭂᬫᬦᬄᬢᬶᬢ᭄ᬬᬂ
Page:Bali-lontar-gaguritan-lara-smara-300ppi.pdf/6
This page has been proofread.
