This page has been proofread.
[᭓᭓ 33B]
᭓᭓
ᬯᬾᬫᬢᬶ᭟ᬳᬶᬤᬸᬧ᭄ᬕᭂᬢᬧ᭄ᬫᬢᬶᬫᬲᬶᬄᬢᬓᬸᬢ᭄ᬧᭂᬲᬦ᭄᭞ᬓᬾᬢᭀᬢᬓᬸᬢᬾᬫᬢᬶᬦ᭄ᬤᬶᬄ᭞ᬬᬦᬶᬂᬲᬗᭂᬢ᭄ᬢᬺᬱ᭄ᬡ᭞ᬢ᭄ᬓᬾᬦᬶᬂᬭᬕᬲᬭᬶᬭ᭞ᬲ
ᬗ᭄ᬲᬭᬦᬾᬫᭂᬧᭂᬤ᭄ᬧᬗ᭄ᬕᬶᬄ᭞ᬓᬦ᭄ᬢᬶᬭᬸᬦ᭄ᬢᬕ᭄᭞ᬳᬶᬤᬸᬧᬾᬲᬗ᭄ᬲᬬᬳᬶ᭟ᬓᬧᬶᬂᬭ᭄ᬯᬍᬓᭂᬢ᭄ᬢᭂᬓᬾᬦ᭄ᬧᬓᬤᬗᬦ᭄᭞ᬲᭀᬫᬄᬧ᭄ᬬᬦᬓ᭄ᬫᬶ
ᬦᬓᬤᬶ᭞ᬳᬯᬶᬦᬦ᭄ᬬᬦ᭄ᬩᭂᬮᬲ᭄᭞ᬫᬶᬗ᭄ᬓᬶᬦ᭄ᬓᬢᬶᬗ᭄ᬕᬮᬦ᭄ᬧ᭄ᬚᬄ᭞ᬤᬳᬢ᭄ᬗᬯᬾᬲᬓᬶᬢ᭄ᬳᬢᬶ᭞ᬦᬾᬓᬧᬶᬂᬢ᭄ᬭᬶᬜ᭞ᬢ᭄ᬓᬾᬦ᭄ᬢᭀᬗᭀᬲ᭄ᬫᬲᬶᬄ
ᬫᬓᬶᬮᬶᬢ᭄᭟ᬧᬶᬂᬘᬢᬸᬃᬢᬺᬱ᭄ᬡᬢ᭄ᬓᬾᬦ᭄ᬓᬯ᭄ᬭᬸᬳᬦ᭄᭞ᬢᬓᬸᬢ᭄ᬲᬦ᭄ᬫᬸᬬᬸᬗᬶᬦ᭄ᬳᬢᬶ᭞ᬢᭀᬫᬗᬯᬶᬦᬂ᭞ᬓᭀᬩᭂᬢ᭄ᬫᬗ᭄ᬭᬜ᭄ᬚᬶᬗᬶᬦ᭄ᬲᬸᬦ᭄ᬬ᭞ᬲ
[᭓᭔ 34A]
ᬗ᭄ᬓᬦ᭄ᬲᬫᬥᬶᬦᬾᬘ᭄ᬦᬶᬄ᭞ᬳᬫᭀᬦ᭄ᬢᭀᬬ᭞ᬗᬯᬾᬲᬭᬦ᭄ᬢᬤᬶᬫᬃᬕ᭄ᬕᬶ᭟ᬳᭂᬦ᭄ᬢᭀᬚᬦᬶᬧᬳᬸᬭᬸᬓᬶᬦ᭄ᬳᬧᬂᬢᬢᬲ᭄᭞ᬫᬲᬸᬓ᭄ᬯᭂᬢ᭄ᬯᬂᬧᬂᬕᬮᬶᬃ
᭞ᬩᬶᬲᬗᬸᬦᬤᬶᬓ᭞ᬗᬤᬬᬂᬫ᭄ᬯᬄᬗᬶᬮᬗᬂ᭞ᬫᬲᬦ᭄ᬜᬲᬳᬶᬳᬶᬗᭂᬢᬶᬦ᭄᭞ᬳᬧᬂᬧᬧᬮ᭄᭞ᬳᬦᬾᬩᬳᬦ᭄ᬳᬧᬂᬳᬶᬬᬶᬂ᭟ᬳᬲᬶᬂᬓᬢᭀ
ᬦ᭄ᬓᬤᬶᬗᭂᬄᬓᬳᬤᭂᬓ᭄ᬓ᭄ᬭᬲ᭞ᬫᬓ᭄ᬚᬂᬓᬳᬗ᭄ᬕᬾᬦ᭄ᬢᬮᬶ᭞ᬳᭀᬮᬶᬄᬳᬶᬢᬺᬱ᭄ᬡ᭞ᬢᬮᬶᬲᬭᬸᬢ᭄ᬯᬭᬗᭂᬦᬄ᭞ᬓ᭄ᬭᬦᬓᬾᬯᭂᬄᬮ᭄ᬬᬸᬦᬦ᭄ᬜᭂᬭᬄ᭞
ᬢ᭄ᬓᬦ᭄ᬢᬺᬱ᭄ᬡᬜᬶᬯᬶᬪᬓ᭄ᬢᬶ᭟ᬳᬶᬢᭂᬧ᭄ᬗᬬᬄᬩᬶᬗᬸᬂᬢᬦ᭄ᬗᬶᬗᭂᬢᬂᬳᬯᬓ᭄᭞ᬳᬸᬮᬶᬤᬶᬚᬲᬗ᭄ᬓᬦ᭄ᬫᬶᬚᬶᬮ᭄᭞ᬲᬸᬩᬤᬤᬶᬚᬤ᭄ᬫ᭞ᬳᬧ
