This page has been proofread.
[᭓᭔ 34B]
᭓᭔
ᬧᬢᬸᬢᬾᬓᭂᬜ᭄ᬘᬦᬂ᭞ᬓᬶᬚᬧᬘᬂᬫᬗᬸᬗ᭄ᬲᬶ᭞ᬚᭂᬕ᭄ᬓᬤᬤᭀᬦ᭄ᬤᬶᬚᬮᬦ᭄᭞ᬢᭀᬂᬳᬶᬗᭂᬢ᭄ᬧᬘᬂᬫᬸᬮᬶᬄ᭟ᬓᬢᬸᬗ᭄ᬓᬸᬮᬂᬩᬳᬦ᭄ᬲᬸᬓ
ᬲᬲᬸᬗ᭄ᬮᬧᬦ᭄᭞ᬦᬾᬕᬫ᭄ᬧᬂᬫᬩᬮᬶᬓ᭄ᬲ᭄ᬤᬶᬄ᭞ᬗᬾᬮᬳᬂᬢᬦ᭄ᬳᬾᬮᬄ᭞ᬜᬸᬓᬬᬂᬢᬦ᭄ᬚᬢᬶᬲᬸᬓ᭞ᬰᬓ᭄ᬢᬶᬦ᭄ᬢᬺᬱ᭄ᬡᬢ᭄ᬯᬄᬗᬯᬶᬦᬶᬦ᭄᭞
ᬳᬸᬫᬳᬾᬫᬸᬮ᭞ᬤᬶᬲᬸᬦ᭄ᬬᬧᬢᬶᬳᭂᬗ᭄ᬲᬧᬶᬦ᭄᭟ᬤᬶᬢᬸᬢ᭄ᬯᬄᬢᭀᬗᭀᬲᬾᬚᬢᬶᬳᬸᬢ᭞ᬮᬗ᭄ᬕᭂᬂᬢ᭄ᬯᬭᬩᬸᬮᬓ᭄ᬩᬮᬶᬓ᭄᭞ᬧᬕᭂᬄ
ᬢ᭄ᬯᬭᬳᭀᬩᬄ᭞ᬳᬾᬮᬄᬢᬦ᭄ᬫᬩᬮᬶᬓ᭄ᬮᬶᬓᬤ᭄᭞ᬲᬸᬓᬮᬦᬸᬲ᭄ᬢᬦ᭄ᬧᬢ᭄ᬧᬶ᭞ᬢᭀᬲᬭᬢᬂ᭞ᬧᬤᬦ᭄ᬤᬲᬳᬶᬢᬸᬦᬲᬶᬦ᭄᭟ᬩᬾ
[᭓᭕ 35A]
ᬩᬲ᭄ᬮᬕᬲ᭄ᬢᭀᬫ᭄ᬮᬄᬳᬗ᭄ᬕᭀᬦ᭄ᬚᬮᬭᬦ᭄᭞ᬗᬸᬗ᭄ᬲᬶᬳᬸᬫᬳᬾᬲᬸᬚᬢᬶ᭞ᬩᬦᬶᬦᬦ᭄ᬤᬂᬮᬭ᭞ᬢᬦ᭄ᬋᬋᬤ᭄ᬭᬶᬂᬭᬲᬓ᭄ᬯᬂ᭞ᬧᬕᭂᬄ
ᬗᬶᬭᬶᬂᬳᬦᬓ᭄ᬮᬶᬗ᭄ᬲᬶᬃ᭞ᬧᬸᬧᬸᬢ᭄ᬗᬬᬄ᭞ᬳᭂᬦ᭄ᬢᭀᬭᬸᬭᬸᬂᬤᬳᬢ᭄ᬮ᭄ᬯᬶᬄ᭟᭐᭟ᬧᬸᬄᬕᬶᬦᬤ᭟ᬳ᭄ᬤᬳᬫ᭄ᬧᬄᬫᬫᬋᬓᬦ᭄᭞ᬗᬶᬭᬶᬂᬳᬶᬤᬳᬦᬓ᭄ᬮᬶ
ᬗ᭄ᬲᬶᬃ᭞ᬳᬶᬥᭂᬧᬾᬦᬸᬗ᭄ᬕᬸᬮ᭄ᬢᬶᬗ᭄ᬕᬮᬂ᭞ᬳᬧᬂᬳ᭄ᬤᬢ᭄ᬕᭂᬄᬳᬸᬮᬸᬂ᭞ᬗᬮᬧ᭄ᬓᬲᭀᬭᬾᬢᭀᬩ᭄ᬯᬢᬂ᭞ᬲᬳᬶᬳᬧᬶᬓ᭄᭞ᬲᬮᬸᬳᬂᬫᬗ᭄ᬤᬾᬦ᭄ᬜᬧᬧᬮ᭄
᭟ᬲᬸᬩᬧᬧᬮ᭄ᬤᬤᬶᬳᬾᬮᬄ᭞ᬢᬦ᭄ᬓᭀᬩᭂᬢ᭄ᬩᬜᬦᬶᬦ᭄ᬤᬓᬶᬦ᭄᭞ᬳᬧᬂᬓᬦ᭄ᬢᬶᬤᬤᬶᬳᬕᭀᬮ᭄᭞ᬭᬶᬲᬳᬶᬫᬢᬶᬗ᭄ᬕᬄᬭᬳᬬᬸ᭞
