This page has been proofread.
[᭔᭓ 43B]
᭔᭓
ᬳᬂ᭟ᬲᬂᬢᬧᬭᬭᬶᬲ᭄ᬗᬦ᭄ᬤᬶᬓ᭞ᬦᬾᬧᭀᬦ᭄ᬤᭀᬓ᭄ᬦᬧᬦᬾᬘ᭄ᬦᬶᬂ᭞ᬢᬦ᭄ᬳᬲ᭄ᬯᬾᬯᬾᬦ᭄ᬢᭂᬦ᭄ᬧ᭄ᬭᬧ᭄ᬢ᭞ᬳᬦᬓ᭄ᬯᬳᬸᬦ᭄ᬗᬄᬢᬸᬯᬸᬄ᭞ᬢ᭄ᬭᬸᬦᬗᬶᬭᬶᬗᬂᬲ
ᬦᬸᬗ᭄ᬕᬮ᭄᭞ᬲ᭄ᬫᬶᬢᬫᬦᬶᬲ᭄᭞ᬗᬸᬜ᭄ᬘᬭᬂᬧᬸᬚᬧᬜᬧ᭟ᬲᬂᬳᬦᭀᬫ᭄ᬫᬫ᭄ᬯᬢ᭄ᬢᭀᬬ᭞ᬫᬯᬤᬄᬩᬸᬗ᭄ᬩᬸᬂᬦᬾᬜᬸᬮᬶᬂ᭞ᬫᬗᬢᬸᬭᬂᬯᬚᬶᬓ᭄ᬢ
ᬗᬦ᭄᭞ᬢ᭄ᬓᬦᬶᬂᬘᭀᬓᭀᬃᬓᬲᬸᬢ᭄ᬲᬸᬢ᭄᭞ᬲᭀᬮᬳᬾᬫᬫᭂᬧᭂᬲ᭄ᬧᬶᬲᬦ᭄᭞ᬮᬶᬭᬶᬂᬮᬶᬦ᭄ᬤᬶ᭞ᬧᬜᬧᬦᬾᬗᭂᬢᬸᬲ᭄ᬫᬦᬄ᭟᭐᭟ᬧᬸᬄ
ᬲᬶᬦᭀᬫ᭄᭟ᬯᬸᬲᬦ᭄ᬜᬧᬗᬸᬭᬤᬫ᭄ᬧᬃ᭞ᬲᬳᬗᬢᬸᬭᬶᬦ᭄ᬫᬮᬶᬗ᭄ᬕᬶᬄ᭞ᬢᬸᬫᬸᬮᬶᬢᬶᬢ᭄ᬬᬂᬓᬤᬦ᭄ᬤᬦ᭄᭞ᬲᬫ᭄ᬩᬶᬮ᭄ᬓᭂᬜᭂᬮ᭄ᬫᬜᬸᬓᬦᬶᬦ᭄᭞ᬳᬶ
[᭔᭔ 44A]
ᬭᬶᬓᬳᬤᬶᬫᬮᬶᬗ᭄ᬕᬶᬄ᭞ᬫᬗᬚᬓ᭄ᬩᭂᬮᬶᬫᬧᬸᬦ᭄ᬤᬸᬄ᭞ᬤᬶᬳᬸᬗ᭄ᬓᬸᬃᬫ᭄ᬯᬄᬤᬶᬲᭀᬭᬦ᭄᭞ᬫᬳᬸᬭᬸᬢ᭄ᬢᬦᬶᬫᬗᬯᬶᬢ᭄᭞ᬳᬧᬂᬢᬳᬸ᭞ᬢ᭄ᬓᬾᬦ᭄ᬢᬢᬤᬶᬧᬢᬧᬦ᭄᭟ᬲᬶ
ᬦᬄᬳᬤᬶᬢᭀᬦ᭄ᬤᬾᬦ᭄ᬦᬯᬂ᭞ᬳᬤᬦ᭄ᬩᭂᬮᬶᬳᬶᬮᬕᬲᬢᬶ᭞ᬲᬸᬩᬧᬶᬢᬸᬂᬢᬳᬸᬦ᭄ᬓᬾᬲᬄ᭞ᬳᬸᬮᬶᬚᬸᬫᬄᬤᬶᬦᬕᬭᬶ᭞ᬤᬶᬮᬕᬯᬤᬾᬲᬦ᭄ᬩᭂᬮᬶ᭞ᬗ
ᬮᬮᬸᬫᬳᬶᬫᬜᬸᬚᬸᬃ᭞ᬩ᭄ᬮᬶᬜᬤ᭄ᬬᬫᬫᬋᬓᬦ᭄᭞ᬢ᭄ᬓᬾᬦ᭄ᬲᬂᬢᬧᬤᬶᬦᬶ᭞ᬩᬳᬦ᭄ᬳᬶᬫ᭄ᬧᬸᬢ᭄᭞ᬤᬶᬦᬕᬭᬳᬸᬬᬂᬫᬦᬄ᭟ᬓᬮᬸᬤ᭄ᬩ᭄ᬭᬬᬦᬾ
ᬲᬸᬕᬢ᭄᭞ᬤᬸᬯᭂᬕ᭄ᬧᬜᬮᬄᬜᬓᬶᬢᬶᬦ᭄᭞ᬓᬾᬯᭂᬄᬲᬂᬯᬶᬓᬦ᭄ᬦᬩ᭄ᬤᬩᬂ᭞ᬫᬢᬸᬳᬂᬦᬾᬫᬸᬮᬭᬸᬦ᭄ᬢᬶᬓ᭄᭞ᬩᬶᬦᬧᬗ᭄ᬭᬲᬗᬯᬶᬦᬶᬦ᭄᭞ᬧ
