This page has been proofread.
[᭔᭔ 44B]
᭔᭔
ᬤᬦᭂᬗ᭄ᬕᬸᬄᬭᬕᬧᬢᬸᬢ᭄᭞ᬭᬲᬦ᭄ᬧᬢᬸᬢᬾᬩᭂᬲ᭄ᬓᬢᬄ᭞ᬓᬳᬶᬦᬸᬫ᭄ᬧᬸᬜᬄᬫᬗ᭄ᬭᬭᬶᬲ᭄᭞ᬓᬦ᭄ᬢᬶᬭᬶᬩᬸᬢ᭄᭞ᬭᬲᬧᬢᬸᬢ᭄ᬫᬜᬸᬕᬢᬂᬧ
ᬗ᭄ᬭᬶᬂᬢᬓᬸᬢ᭄ᬫᬤᬸᬗᬂ᭞ᬜᬸᬗ᭄ᬓᭂᬫᬶᬦ᭄ᬩᭂᬦᭂᬄᬗᬦᬾᬳᬶᬦ᭄᭞ᬲᬗ᭄ᬓᬦ᭄ᬭᬸᬦ᭄ᬢᬶᬦᬾᬫᬚᬮᬦ᭄᭞ᬧᬫᬸᬧᬸᬢ᭄ᬮᬘᬸᬃᬢᬦ᭄ᬤᬗᬶᬦ᭄᭞ᬦᭂᬫᬸᬓᬾᬯᭂᬄᬫᬓᬓ
ᬮᬶᬄ᭞ᬜᬫᬮᬯᬦ᭄ᬳᬗ᭄ᬕᭀᬦ᭄ᬫᬸᬲᬸᬄ᭞ᬧᬧᬶᬦᭂᬳᬾᬓᬤᭀᬂᬭᬸᬲᬓ᭄᭞ᬳ᭄ᬬᬂᬓᬮᬶᬳᬾᬮᬄᬗ᭄ᬭᬗ᭄ᬲᬸᬓᬶᬦ᭄᭞ᬦ᭄ᬭᬸᬲ᭄ᬩᬸᬯᬸᬢ᭄᭞ᬧᬤᬫᬩᬸ
ᬤ᭄ᬥᬶᬧᬂᬓᬃᬯ᭄ᬯᬦ᭄᭟ᬩ᭄ᬮᭀᬕ᭄ᬩᭂᬮᬶᬦᬾᬗᬯᬶᬦᬂ᭞ᬢ᭄ᬯᬭᬜᬶᬤ᭄ᬥᬬᬂᬓᬩ᭄ᬤᬗᬶᬦ᭄᭞ᬢᬸᬲᬶᬂᬚᬲᬗ᭄ᬓᬦᬶᬂᬳ᭄ᬮᬲ᭄᭞ᬳᬯᬦᬦ᭄ᬩᭂᬮᬶᬗᬮᬳᬶ
[᭔᭕ 45A]
ᬦ᭄᭞ᬗᬶᬦ᭄ᬤᬬᬂᬳᬸᬭᬸᬓ᭄ᬤᬶᬦᬶ᭞ᬗᬶᬢᬸᬗᬂᬩ᭄ᬭᬬᬳᬧᬂᬧᬢᬸᬄ᭞ᬓᬕᬾᬢ᭄ᬩᬶᬲᬫᬫᬋᬓᬦ᭄᭞ᬳᬤᬲ᭄ᬯᬾᬘᬦ᭄ᬳᬦᬓ᭄ᬮᬶᬗ᭄ᬲᬶᬃ᭞ᬫᬗ᭄ᬕᬸᬄ
ᬳᬬᬸ᭞ᬤᬶᬢᬸᬩ᭄ᬯᬶᬦ᭄ᬫᬸᬮᬶᬄᬫᬓᬦ᭄ᬤ᭟ᬳᬦ᭄ᬢᬸᬓ᭄ᬫᬗ᭄ᬮᬦ᭄ᬢᬸᬃᬢᬦ᭄ᬧ᭄ᬕᬢ᭄᭞ᬧᬶᬢᬸᬢᬸᬃᬳᬶᬮᬕᬲᬢᬶ᭞ᬲᬓᬤᬶᬢᬦ᭄ᬧᭀᬮᬶᬄᬲ᭄ᬮ᭞ᬬᬦ᭄ᬢᬶᬢ᭄ᬬᬂᬧᬘᬂ
ᬜᬯᬸᬭᬶᬦ᭄᭞ᬩᬶᬮᬶᬄᬓᬦ᭄ᬢᬸᬦ᭄ᬧᬜ᭄ᬚᬂᬫᬮᬶᬄ᭞ᬲᬦᬾᬓᬩᬯᭀᬲᬂᬳᬸᬓᬸᬄ᭞ᬕ᭄ᬮᬶᬲᬦ᭄ᬳᬶᬲᬲᬂᬢᬧ᭞ᬦ᭄ᬤᬯᬸᬳᬶᬦ᭄ᬳᬶᬮᬕᬲᬢᬶ᭞ᬘ᭄ᬦᬶᬂᬩᬕᬸᬲ᭄
᭞ᬳᬚᬓ᭄ᬳᬶᬮᭀᬓᬶᬓᬗᭂᬩᬄ᭟ᬯᬶᬭᬾᬄᬢ᭄ᬗᬄᬮ᭄ᬫᭂᬂᬮᬶᬯᬢ᭄᭞ᬓᬮᬸᬤ᭄ᬓᬸᬭᬸᬬᬤᬶᬫᬃᬕ᭄ᬕᬶ᭞ᬦᬾᬫᬦᬶᬫ᭄ᬮᬄᬓᬯᬶᬢᬂ᭞ᬳᬚᬓ᭄ᬫᬢᬸᬢᬸᬭᬦ᭄ᬩ᭄ᬯᬶᬦ᭄
