[᭒ 2B]
᭒
ᬲᬸᬓᬤᬸᬄᬓᬢ᭄ᬯᬄᬫᬧᬸᬦ᭄ᬤᬸᬄ᭞ᬦᬾᬦᬾᬳᬬᬸᬫᬗ᭄ᬕᬶᬄᬲᬤ᭄ᬬ᭞ᬦᬾᬦᬾᬳᬮ᭞ᬚ᭄ᬮᬾᬧᬶᬲᬦ᭄ᬢᭂᬫᬸᬦᬶᬧᬸᬦ᭄᭞ᬦᬾᬩ᭄ᬦᭂᬄᬫᬗ᭄ᬕᬶᬳᬶᬦ᭄ᬫᬤ᭄ᬬ᭞ᬤᬾᬦᬶᬂᬬᬫᬸᬮᬫᬲᬦ᭄ᬤᬶᬂ᭟
ᬕᬸᬦᬸᬗᬾᬳᬶᬍᬳᬶᬦ᭄ᬢᬸᬓᬤ᭄᭞ᬦᬾᬭᬶᬂᬫᬤ᭄ᬬᬯᬦ᭄ᬢᬄᬕ᭄ᬦᬄᬫᬓᬶᬃᬣᬶ᭞ᬦᬗᬸᬦ᭄ᬩ᭄ᬭᬢᬢᬧᬤᬶᬢᬸ᭞ᬧᬕᭂᬄᬩ᭄ᬬᬰᬬᬂᬭᬕ᭞ᬢᬦᬸᬭᬸᬗᬦ᭄᭞ᬫᬫᬗ᭄ᬕᬶᬄᬲᬤ᭄ᬬᬭᬳᬬᬸ
᭞ᬲᬸᬓᬯᬶᬃᬬ᭄ᬬᬦᬶᬂᬚᬕᬢ᭄᭞ᬍᬯᬶᬄᬢᬦ᭄ᬯᬾᬦ᭄ᬢᭂᬦ᭄ᬦᬦ᭄ᬤᬶᬗᬶᬦ᭄᭟ᬦᬾᬭᬶᬂᬲᭀᬃᬤᬶᬲᬫ᭄ᬧᬶᬂᬢᬸᬓᬤ᭄᭞ᬯᬾᬦ᭄ᬢᭂᬦ᭄ᬧᬰ᭄ᬭᬫᬦᬾᬲᬫ᭄ᬧᬸᬦ᭄ᬦᬶᬗ᭄ᬕᬮ᭄ᬦᬵᬕᬶᬭᬶ᭞ᬇᬭᬶᬓᬚ
ᬫᬸᬮᬓᬸᬫ᭄ᬧᬸᬮ᭄᭞ᬮᬶᬗ᭄ᬕᬄᬕ᭄ᬦᬳᬾᬫᬦᬧᬓ᭄᭞ᬫᬲᬫᬵᬥᬶ᭞ᬬᬾᬄᬕᭂᬤᬾᬫᬗᬭᬸᬤᬸᬓ᭄᭞ᬳ᭄ᬦᬶᬂᬰᬸᬘᬶᬢ᭄ᬯᬦᬶᬃᬫᬮ᭞ᬫᬸᬮᬲᬂᬢᬧᬦ᭄ᬤ᭄ᬭᬸᬯᬾᬦᬶᬦ᭄᭟ᬤᬾᬯᬕᬸᬂᬧᬸ
[᭓ 3A]
ᬢ᭄ᬭᬕ᭄ᬮᬶᬲ᭄ᬫᬫᬃᬕ᭞ᬧ᭄ᬭᬫᬗ᭄ᬓᬶᬦ᭄ᬧᬸᬦᬶᬓᬯᬦ᭄ᬢᬄᬓᬳᬸᬗ᭄ᬲᬶ᭞ᬭᬭᬶᬲ᭄ᬫᬫᬃᬕ᭄ᬕᬫᬗ᭄ᬭᬦ᭄ᬢᬸᬦ᭄᭞ᬢᬗᬶᬲᬾᬢ᭄ᬯᬭᬧᭂᬕᬢ᭄᭞ᬦᭀᬮᬶᬄᬦᭀᬮᬶᬄ᭞ᬭᬱᬜᬢ᭄ᬓᬫᬦᬸᬢᬸᬕ᭄᭞ᬤᬤᬶᬩ᭄ᬯᬶ
ᬦ᭄ᬳᭂᬩᬄᬫᬕᬸᬬᬂ᭞ᬍᬫᭂᬢ᭄ᬤᬸᬄᬓᬢᬦ᭄ᬧᬕᬮᬶᬄ᭟ᬫᬦᬗᬶᬲ᭄ᬫᬲᬲᬫ᭄ᬩᬢ᭄᭞ᬢᬦ᭄ᬮ᭄ᬬᬦ᭄ᬋᬓᬾᬭᬳᬶᬦᬶᬸᬦᬾᬚ᭄ᬯᬓᬳᬶᬱ᭄ᬝᬶ᭞ᬦᬦᬤᭀᬲ᭄ᬧᬭᬦᬶᬂᬓᬳ᭄ᬬᬸᬦ᭄᭞ᬥᬹᬄᬓ
ᬤᬶᬭᬶᬂᬧᬗᬶᬧ᭄ᬬᬦ᭄᭞ᬩᬬᬤᬶᬗ᭄ᬓᬾᬦ᭄᭞ᬢᬶᬢ᭄ᬬᬂᬓᬧᬗ᭄ᬕᬶᬄᬭᬶᬗᬶᬭᬢᬸ᭞ᬲᭀᬭᭀᬄᬩᬸᬭᭀᬦᬾᬫᬓᭂᬚᬂ᭞ᬧᬥᬢ᭄ᬓᬫᬫᭂᬦ᭄ᬤᬓᬶᬦ᭄᭟ᬲᭂᬗ᭄ᬕᬄᬓᬮᬯᬦ᭄ᬫᬜ᭄ᬚᬗ
ᬦ᭄᭞ᬕᬚᬄᬯᬭᬓ᭄ᬫᬘᬦ᭄ᬲᭂᬦᬸᬓ᭄ᬮᬦ᭄ᬓᬜ᭄ᬘᬶᬮ᭄᭞ᬩᭀᬚᭀᬕ᭄ᬧᬾᬢᬸᬦᬾᬫᬧᬸᬦ᭄ᬤᬸᬄ᭞ᬓ᭄ᬮᬶᬲᬶᬄᬭᬲᬾᬮᬦ᭄ᬫᬫᬄ᭞ᬬᬓ᭄ᬱᬶᬬᬓ᭄ᬱᬶ᭞ᬭᬵᬓ᭄ᬱᬲᬧᬶᬲᬘᬭᬯᬸᬄ᭞
Page:Bali-lontar-gaguritan-mantri-koripan-deha-350ppi.pdf/3
This page has been proofread.
