[᭓ 3B]
᭓
ᬦ᭄ᬢᭀᬧᬥᬲ᭄ᬥᬶᬄᬓᬢᬺᬱ᭄ᬡᬦ᭄᭞ᬓᬗᭂᬦ᭄ᬗᭂᬦᭀᬢ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭟ᬚᬦᬶᬦ᭄ᬢᭀᬮᬯᬸᬢ᭄ᬲᬢ᭄ᬯᬬᬂ᭞ᬫᬶᬭᬶᬩ᭄ᬜᬸᬫ᭄ᬩᬄᬫᬢᬸᬃᬳᬶᬗ᭄ᬕᬶᬄᬦᬺᬧᬢᬶ᭞ᬧᬸᬦᬧᬶᬤ᭄ᬯᬦᬶᬗᬶᬭᬢᬸ᭞ᬢᬦ᭄ᬧ᭄ᬕ
ᬢ᭄ᬫᬲᬲᬫ᭄ᬩᬢ᭄᭞ᬲ᭄ᬥᬶᬄᬓᬶᬗ᭄ᬓᬶᬂ᭞ᬫᬶᬭᬶᬩᬤᬗᬯᬾᬳᬶᬩᬸᬓ᭄᭞ᬓᬭᬩᬭᬢᬸᬲᬗ᭄ᬲᬭ᭞ᬳᬶᬭᬶᬓᬶᬭᬶᬂᬩᬮᬲᬸᬓᬶᬃ᭟ᬤᬾᬯᬕᬸᬂᬧᬸᬢ᭄ᬭᬗᬦ᭄ᬤᬶᬓ᭞ᬲᬫ᭄ᬩᬶᬮ᭄ᬲ᭄ᬥᬶᬄᬳ᭄ᬦᬾ
ᬳᬶᬩᬩᬸᬭᭀᬦ᭄ᬲᬫᬶ᭞ᬭᬱᬤᬸᬄᬓᬦᬸᬢᬸᬕ᭄᭞ᬓᬢᬺᬱ᭄ᬡᬦ᭄ᬢᭂᬓᬾᬦᬶᬭ᭞ᬦᬶᬭᬢ᭄ᬯᬭᬮᬾᬦ᭄ᬫᬗᬮᬶᬄᬳ᭄ᬬᬤᬶᬳᬬᬸ᭞ᬫᬢᬗᬶᬫᬮᬶᬄᬫᬫᬃᬕ᭄ᬕ᭞ᬩᬸᬭᭀᬦᬾ
ᬲᬫᬶᬫᬗᬶᬭᬶᬂ᭟ᬚᬦᬶᬓᬾᬢᭀᬬᬦ᭄ᬧᬃᬡ᭄ᬦᬬᬂ᭞ᬓᬮᬗᭂᬦᬾᬢ᭄ᬯᬭᬦᬧᬓ᭄ᬕᬸᬫᬶ᭞ᬩᬸᬭᭀᬦᬾᬫᬶᬮᬸᬧᬲ᭄ᬮᬸᬃ᭞ᬩᬋᬂᬬᬫᬲᬸᬓᬲᬸᬓᬦ᭄᭞ᬲᬶᬂᬜᬶᬤᬬᬂᬓᬧᬸᬘ
[᭔ 4A]
ᬓ᭄ᬤᬤᬶᬳᬸᬮᬗᬸᬦ᭄᭞ᬤᬾᬦᬶᬂᬕᬸᬦᬸᬗᬾᬉᬢ᭄ᬢᬫ᭞ᬧᬗᬶᬮᬗᬦᬶᬩᬸᬓ᭄ᬲ᭄ᬠᬶᬄ᭟ᬲᬫ᭄ᬧᬸᬦ᭄ᬲᬫᬶᬓᬳᬯᬲᬂ᭞ᬓᬮᬗᭂᬦᬾᬤᬤ᭄ᬬᬜᬳᬶᬤᬧᬺᬫᬗ᭄ᬓᬶᬦ᭄᭞ᬍᬲᬸᬓᬤᬶᬢ
ᬦ᭄ᬧᬩᬬᬸ᭞ᬤᬾᬦᬶᬂᬧᬦᬶᬢᬄᬪᬝᬵᬭ᭞ᬫᬗᬃᬥ᭄ᬬᬦᬶᬦ᭄᭞ᬫᬗ᭄ᬤᬳᬶᬤᬕ᭄ᬮᬶᬲ᭄ᬫᬢ᭄ᬫᬸ᭞ᬭᬶᬗᬶᬤᬭᬳᬤᬾᬦ᭄ᬤᬾᬢ᭄ᬬ᭞ᬓ᭄ᬦᬶᬯᬸᬲᬦᬶᬤᬲ᭄ᬥᬶᬄ᭟ᬭᬭᬶᬲ᭄ᬲᬶᬋᬧ᭄ᬫᬜᬸᬫ᭄ᬧ᭄ᬦ᭞ᬤᬾ
ᬯᬕᬸᬂᬧᬸᬢ᭄ᬭᬕᭂᬮᬸᬭᬭᬶᬲ᭄ᬫᬢᬗᬶ᭞ᬢᬦ᭄ᬲᬄᬫᬗᬦ᭄ᬥᬶᬓᬳᬮᬸᬲ᭄᭞ᬦᬄᬧᬭᭀᬲ᭄ᬦᬾᬓᭂᬦᭂᬳᬂ᭞ᬦᬶᬭᬗᬶᬧᬶ᭞ᬳᬶᬧ᭄ᬬᬦᬾᬲᬓᬶᬂᬧᬶᬢᬸᬤᬸᬄ᭞ᬭᬱᬪᬝᬵᬭᬗᬦ᭄ᬥᬶᬓ᭞
ᬳᬧᬂᬦᬶᬭᬚᬦᬶᬫᬸᬮᬶᬄ᭟ᬬᬦ᭄ᬦᬸᬤᬶᬦᬶᬫᬗ᭄ᬓᬾᬦᬶᬭ᭞ᬯᬦ᭄ᬢᬄᬳ᭄ᬬᬤᬶᬳᬶᬤᬢ᭄ᬯᬭᬓᬧᬗ᭄ᬕᬶᬄ᭞ᬬᬦ᭄ᬲᬸᬩᬦᬶᬭᬳᬸᬫᬦ᭄ᬢᬸᬓ᭄᭞ᬓᬦᬵᬕᬭᬓᬓᭀᬭᬶᬧᬦ᭄᭞ᬤᬶᬢᬸᬋ
Page:Bali-lontar-gaguritan-mantri-koripan-deha-350ppi.pdf/4
This page has been proofread.
