[᭑᭐᭑ 101B]
᭑᭐᭑
ᬧ᭄ᬤᬶᬲᭀᬗᬮᬶᬗ᭄ᬕᬄᬫᬦᬸᬭᬄᬦᬦᬶᬧᬶᬯᬸᬄᬧ᭄ᬱᬸᬫᬸᬮᬶᬄᬤᬶᬢᬸᬚᬸᬮᬸᬂᬚᬸᬮᬸᬗᬾᬗᬶᬮᬶᬤᬶᬦ᭄ᬓᬶ᭠ᬫᬦᬾᬫᬜ᭄ᬩᬓ᭄ᬕᬯᭀᬓᬧᬾᬗᬶᬦ᭄ᬫᬗ᭄ᬭᬸᬗᬹᬳᭀᬃᬢ᭄ᬢᬦᬾᬳᬶᬮᬗ᭄ᬮᬂᬩᬦ᭄ᬢᬸᬦᬾᬕᬸᬤᬃᬕᬸᬤᬶᬃᬕᬫᭂᬢᬾ
ᬫᬶᬮᬸᬜ᭄ᬤᬶᬳᬂᬧᬢᭂᬫ᭄ᬩ᭄ᬯᬲ᭄ᬗᬾᬗᬾᬲᬾᬧᭂᬲᬸ᭟ᬕᬸᬭᬶᬢᬦᬾᬗ᭄ᬫᬶᬤᬶᬢᬸᬫᬗᭂᬲ᭄ᬓᭂᬲᬂᬧᭂᬜᬸᬦᬾᬓᭂᬲᬸᬮ᭄ᬓᭂᬲᬸᬮ᭄ᬓᬾᬧᬾᬲᬾᬤᬶᬫᬮᬸᬫᬳᬶᬭᬶᬩ᭄ᬩᬸᬓᬵᬗᬸᬮᬧᬶᬦ᭄ᬩᬸᬮᬶᬳᬾᬫᬲᬦ᭄ᬢᬮ᭄ᬩᬸᬮᬸᬦ᭄ᬩᬓᬹᬗᬾ᭠
ᬗᬋᬫ᭄ᬩᬸᬦ᭄ᬫᬓᭀᬤᭀᬓᭀᬤᭀᬓᬦ᭄ᬢᬸᬦ᭄ᬤᬶᬓᬾᬧᬥᬦᬸᬤᬶᬂᬳᬸᬮᬢᬾᬢᬾᬄᬫᬢᬸᬚᬸ᭠ᬯᬂᬳᬸᬗ᭄ᬕ᭄ᬯᬦ᭄ᬤᬦᬾᬲᬗᬬᬹ᭟ᬓᬬᬸᬬᬸᬦᬾᬤᬶᬧᬲᬶᬲᬶᬧᬥᬗ᭄ᬭᬬᬂᬤᬶᬩ᭄ᬬᬵᬲᬾᬧ᭄ᬘᬓ᭄ᬮᬫ᭄ᬧᬸᬳᬢᬧ᭄ᬗᭂᬦᬄᬳ
ᬮᬸᬲ᭄ᬫᬕᬢᬺᬕᬢᬺᬫᬢᬸᬮᬶᬲ᭄ᬳᬶᬭᬶᬩ᭄ᬓᬭᬢ᭄ᬰᬲ᭄ᬢ᭄ᬭᬢᬫ᭄ᬧᬓ᭄ᬢ᭄ᬭᬶᬚᬶᬦᬾᬦᬾᬮᬶᬬᬸᬧᬦ᭄ᬢᭂᬲ᭄ᬳᬸ᭠ᬘᬧᬜᬓ᭄ᬤᬶᬲ᭄ᬮᬗ᭄ᬮᬗᬾᬫᬗᭂᬗ᭄ᬓᬶᬓ᭄ᬫᬫᬸᬜᬶᬧᬲᬮᬾᬂᬢᬶᬫ᭄ᬩᬮ᭄ᬫᬦ᭄ᬤᬃᬢ᭄ᬣᬬᬂᬧᬰᬶᬳᬾᬫᬢᬹᬃ᭟ᬓᬮ
[᭑᭐᭒ 102A]
ᬗᭂᬦ᭄ᬕᬸᬦᬸᬗᬾᬫᬶᬮᬸᬧᬥᬵᬳᬸᬬᬂᬫᬧᬶᬦ᭄ᬤᬧᬶᬦ᭄ᬤᬕᬸᬧᬸᬄᬧᬸᬥᬓᬾᬦᬾᬳᬸᬮᬸᬂᬢᭀᬦ᭄ᬤᬾᬦ᭄ᬫᬬᬂᬫᬗᬸᬮᬶᬦ᭄ᬢᬶᬓ᭄ᬦᬸᬭᬄᬓᬤᬶᬲᬸᬭᬵᬢ᭄ᬳᬢᬹᬃᬧᬓᬶᬭᬶᬫ᭄ᬳᬶᬕᬸᬦᬸᬂᬯᬶᬭᬲᬜᬢᬸᬗ᭄ᬕᬮ᭄ᬳᬫ᭄ᬩᬸᬮ᭄ᬫᬸᬜᬶᬦ᭄ᬳᬶ᭠
ᬧᬰᬶᬄᬢᬫ᭄ᬩᬸᬮᬶᬮᬶᬗᬦᬾᬗᬭᬲ᭄ᬫᬗᬸᬘᬧᬂᬢᬸᬮᬶᬲ᭄ᬧᬗ᭄ᬭᬸᬫ᭄ᬭᬸᬫ᭄᭟ᬫᬚᬮᬢᬦ᭄ᬳᬗᬶᬦᬾᬗᬩᬵᬩᭀᬦ᭄ᬩᬸᬩᬵᭂᬫᬶᬳᬶᬓ᭄ᬫᬗᬮᬸᬩᬮᬸᬩ᭄ᬫᬦᬸᬮᬸᬭᬶᬦ᭄ᬳᬢᬹᬃᬭᬶᬂᬤᬦᬾᬲᬂᬫᬓᬭᬰ᭄ᬫᬶᬦ᭄ᬓᬮᬗᭂ᭠
ᬦᬾᬲᬸᬩᬵᬭᬱᬜᬫᬗᭀᬜᬂᬳᬢᬹᬃᬩᬸᬓᬵᬦᬸᬦᬲ᭄ᬳᬶᬘ᭄ᬙᬵᬫᬸᬜᬶᬦᬾᬗᬰᬶᬄᬳᬰᬶᬄᬤᬶᬢᬸᬲᬸᬩᬵᬓᬢᬾᬢᬾᬳᬂᬩᬳᬦ᭄ᬕᭂᬋᬳᬾᬗᬦ᭄ᬢᬸᬦ᭄ᬳᬶᬦ᭄ᬢᬸᬦ᭄᭟ᬥᬹᬄᬤᬾᬯᬭᬢᬸᬫᬵᬲ᭄ᬫᬡᬶᬓ᭄ᬳᬢ᭄ᬫᬵᬚᬶᬯ᭄ᬯ
ᬲᬓᬶᬂᬓᬭᬡᬲᬦ᭄ᬢᬸᬦ᭄ᬯᬶᬢ᭄ᬲᬕᬭᬫᬥᬸᬤᬤᬶᬤᬾᬯᬦ᭄ᬓᬭᬲ᭄ᬮ᭄ᬯᬶᬄᬓᬯᬶᬓᬯᬶᬭᬕ᭠ᬦ᭄ᬫᬗᬗ᭄ᬕᬾᬮᬶᬗ᭄ᬕᬲᬢᬸᬯᬸᬓ᭄ᬳ᭄ᬬᬗᬶᬂᬲ᭄ᬫᬭᬵᬮᬬᬵᬫᬶᬚᬶᬮ᭄ᬲᬓᬶᬂᬲ᭄ᬦᭂᬦᬶᬂᬭᬯᬶᬫᬳᬯᬦᬦᬦ᭄ᬩᬳᬦ᭄ᬧ
Page:Bali-lontar-gaguritan-maselong-ka-jembrana-350ppi.pdf/102
This page has been proofread.
