[᭑᭐᭒ 102B]
᭑᭐᭒
ᬤᬧᬵᬫᬧᭂᬗᬜ᭄ᬘᬦ᭄ᬮᬸᬗ᭄ᬕᬳᬶᬂᬳᬥᬹᬂ᭟ᬦᬾᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬕᬸᬲ᭄ᬢᬶᬤᬶᬫᬺᬘᬵᬧᬤᬵᬫᬗ᭄ᬮᬂᬮᬂᬲᬓᬮᬗᬸᬦ᭄ᬤᬸᬭᬸᬲᬂᬓᬾᬭᬢᬸᬓᬮᬗᬵᭂᬦᬾᬳᬢᬶᬬᬢᬶᬗᬢᬹᬭᬶᬦ᭄ᬳᬶᬤᬾᬯ᭄ᬯᬵᬳᬧᬂᬕᬸᬲ᭄ᬢᬶᬢ᭄ᬓᭂᬤ᭄ᬤᬶᬢᬸᬧᬸᬦᬶᬓᬵ
ᬓᬾᬘᬶᬗᬓ᭄ᬩᬸᬗᬦᬾᬦ᭄ᬤᭂᬂᬫᬶᬬᬶᬓ᭄ᬧᬲᬶᬰᬶᬸᬲᬶᬦᬾᬲᬵᬫ᭄ᬧᬸᬦ᭄ᬳᬲᬢ᭄ᬳᬶᬧᬸᬦ᭄ᬯᬦ᭄ᬢᬄᬗᬦ᭄ᬢᭀᬲ᭄ᬳᬶᬭᬢᬸ᭟ᬧᬲᬗ᭄ᬕ᭄ᬭᬳᬦ᭄ᬕᬸᬲ᭄ᬢᬶᬲᬵᬫ᭄ᬧᬸᬦ᭄ᬫᬘᬯᬶᬲᬦ᭄ᬢᭂᬧᬸᬦ᭄ᬢᬫᬦᬾᬫᬸᬗ᭄ᬕᬸᬄᬲᬵᬃᬯ᭄ᬯᬵᬲ᭄ᬓᬃᬳᬭᬹᬫ᭄ᬧᬧ
ᬮᬶᬳᬦ᭄ᬩᬢᬹᬃᬲᬵᬭᬶᬫᬲᬲᬓᬵᬧᬸᬥᬓ᭄ᬘᬶᬦ᭄ᬤᬕᬫᬓᬾᬜ᭄ᬘᬸᬢᬜ᭄ᬚᬸᬂᬫᬥᬸᬭᬾᬧ᭄ᬮᬱᬵᬫᬭ᭠ᬳᬩ᭄ᬲᬸᬗᬾᬗᬾᬓᬸᬦᬶᬂᬫᬳᬶᬕᬳᬶᬕᬵᬘᬫ᭄ᬧᬓᬵᬢᬤᬄᬳᬮᬲ᭄ᬳᬶᬧᬸᬦᬾᬕᬥᬸᬂ᭟ᬳᬗ᭄ᬕ᭄ᬭᬾᬓ᭄ᬕ᭄ᬭᬶᬗ᭄ᬲᬶᬗ᭠
ᬕᬸᬲ᭄ᬢᬶᬢᬤᬄᬧᬓ᭄ᬱᬶᬜᬫᬮᬫ᭄ᬩᬂᬦᬕᬲᬦ᭄ᬢᬸᬦ᭄ᬫᬧᬮᬗ᭄ᬓᬢᬸᬜ᭄ᬚᬸᬂᬳᬶᬭᬶᬓᬵᬕᬸᬲ᭄ᬢᬶᬫᬮᬶᬗ᭄ᬕᬶᬄᬫᬓᬲᬹᬃᬳᬗ᭄ᬰᬦᬵᬫᬕᬍᬂᬩᬦ᭄ᬫᭂᬦᬸᬄᬲᬸᬲᬸᬦ᭄ᬫᬮᬗ᭄ᬰᬾᬧᬤᬧᬵᬕᬸᬕᬸᬮᬶᬗᬾᬕᬫ᭄ᬩᬶᬃᬳᬗ᭄ᬕᬶᬢ᭄ᬬ᭠
[᭑᭐᭒ 103A]
ᬦ᭄ᬕᬸᬲ᭄ᬢᬶᬯᬦᭂᬄᬳᬶᬭᬶᬓᬵᬮᬮᬶᬮᬮᬶᬫᬗᬮᬧ᭄ᬲᬦ᭄ᬢᬸᬦ᭄᭟ᬲ᭄ᬓᬭᬂᬕᬸᬲ᭄ᬢᬶᬫᬗ᭄ᬭᬭᬶᬲ᭄ᬫᬓᬓᬭᬂᬗ᭠ᬮᬶᬄᬳᬸᬦᭂᬫᬾᬳᬭᬹᬫ᭄ᬧᬘᬂᬳᬗ᭄ᬕᭀᬦ᭄ᬗᬸᬓᬸᬧ᭄ᬢᬦ᭄ᬓᬤᬶᬭᬾᬂᬭᬾᬗᬾᬩ᭄ᬘᬶᬓ᭄ᬢ᭄ᬧᬶᬦᬶᬦ᭄ᬩᬦ᭄ᬳᭂᬫᬵᬲ᭄
ᬦᬾᬜᬦ᭄ᬤᬂᬤᬶᬓᬘᬶᬂᬭᬢᬸᬩᬗ᭄ᬲᬳᬶᬧᬸᬦ᭄ᬓᬢᬄᬳᬗ᭄ᬕᬾᬦ᭄ᬕᬸᬲ᭄ᬢᬶᬗᬲᬢᬶᬦ᭄ᬲᬸᬩᭂᬗᬾᬳᭂᬫ᭄ᬧᭂᬢ᭄ᬳᭂᬫ᭄ᬧᭂᬢᬦ᭄ᬳᬧᬂᬳᬶᬧᬸᬦ᭄ᬧᬸᬢᬶᬳᬾᬜᬫ᭄ᬧᬸᬄ᭟ᬮᬶᬬᬸᬭᬱᬜᬯᬶᬭᬱᬦ᭄ᬜᬦᬾᬗᬭᬂᬩᬸᬗᬦ᭄ᬧᬸᬥ
ᬓᬾᬳᬸᬮᬸᬂᬧᬕᬸᬮᬶᬦ᭄ᬢᬶᬓ᭄ᬤᬶᬢᬸᬩᬋᬗᬶᬦ᭄ᬢᬸᬮᬶᬲ᭄ᬧᬲᬶᬲᬶᬕ᭄ᬋᬳᬾᬗᬸᬘᬧᬂᬫᬢᬺᬫᬢᬺᬓ᭄ᬮᭀᬤ᭄ᬓ᭠ᬯᬸᬄᬫᬳᬶᬭᬶᬩ᭄ᬧᬲᬚᬦ᭄ᬩᬸᬓᬵᬗᬺᬱᭂᬧᬂᬳᬢᬶᬲᬗ᭄ᬓᬦᬶᬂᬩᬸᬳᬸᬂᬓᬯᬃᬡ᭄ᬦᬓᬮᬗᭂᬦᬾᬲᬸᬩᬵᬫᬗᬬᬸᬄ
᭟ᬢ᭄ᬯᬭᬵᬲᬳᬶᬫ᭄ᬩᬂᬢ᭄ᬓᬾᬦ᭄ᬤᬦᬾᬫᬓ᭄ᬚᬂᬲᬓᬢᭀᬦᬾᬳᬸᬮᬗᬸᬦ᭄ᬳᬧᬦ᭄ᬜᬦᬾᬳᬧᬸᬲ᭄ᬢᬶ᭠ᬫ᭄ᬩᬂᬢᬦ᭄ᬤᬶᬂᬕᬸᬮᬶᬕᬸᬮᬶᬓᬲᭀᬃᬓᬫᭂᬮᬳᬦ᭄ᬫᬦ᭄ᬤᬤᬶᬤᬦᬾᬫᬗ᭄ᬮᬯᬸᬢ᭄ᬓᬳᬚᬓ᭄ᬫᬚᬮᬦ᭄ᬩᬗᬸᬦ᭄ᬫ᭠
Page:Bali-lontar-gaguritan-maselong-ka-jembrana-350ppi.pdf/103
This page has been proofread.
