[᭑᭐᭙ 109B]
᭑᭐᭙
ᬬᬸᬄᬓᬘᭀᬓᬦ᭄ᬢᭀᬬᬦᬾᬳ᭄ᬦᬶᬂᬳᬦᬓ᭄ᬳᬸᬢ᭄ᬢᬫᬵᬓ᭄ᬭᬡ᭄ᬦᬦᬶᬂᬢᭀᬂᬢᬳᬾᬦ᭄ᬮᬬᬸᬢᬦ᭄ᬧ᭄ᬕᬢ᭄ᬫᬩᬸᬗᬵᭂᬫᬶᬳᬶᬓ᭄ᬗᬼᬓᬶᬦ᭄ᬮᬗᬶᬢ᭄ᬫᬗᬾᬦᬓᬶᬦ᭄ᬫᬥᬸᬩ᭄ᬭᬢ᭄ᬣᬵᬢᭀᬂᬢᬳᬾᬦ᭄ᬓᭀᬓᬢᬸᬦᬦ᭄ᬲᬦ᭄ᬢᬸᬦ᭄᭟ᬩ᭄ᬯᬶᬦ᭄ᬧᬶ᭠
ᬤᬦ᭄ᬫᬫᬗ᭄ᬕᬶᬄᬓᬮᬗᭂᬦᬾᬢᬶᬗ᭄ᬕᬃᬓᬬᬗᬦᬾᬫᬗᬸᬗ᭄ᬓᬸᬮ᭄ᬢ᭄ᬯᬭᬳᬤᬵᬫᬦ᭄ᬤᬸᬂᬫᬮᬓᬃᬘᬦ᭄ᬤᬦᬵᬫᬶᬳᬶᬓ᭄ᬭᬯᬶᬢ᭄ᬫᬳᬸᬓᬶᬭᬦ᭄ᬳᬶᬩᭀᬦᬾᬫᬗᬮᬸᬩᬮᬸᬩ᭄ᬲᬗ᭄ᬓᬦ᭄ᬳᬮᬄᬳᬸᬦ᭄ᬤᬂᬫᬥᬸᬩ᭄ᬭᬢ᭄ᬣᬦᬾᬧ
ᬮᬶᬂᬢᭀᬂᬮᬮᬶᬲ᭄ᬧᬥᬫᬢᬶᬗ᭄ᬕᬮ᭄ᬲᬸᬓᬵᬤᬤᬶᬭᬳᬩ᭄ᬲᬢᬸᬳᬸᬓ᭄᭟ᬢᬶᬫ᭄ᬧᬮᬾᬮ᭄ᬯᬲ᭄ᬫᬗᬮᬶᬄᬲᬵᬭᬶᬦ᭄ᬩᬸᬗᬵᭂᬫᬸᬮᬶᬄᬓ᭄ᬫᬵᬫᬢᬫ᭄ᬩᬸᬦ᭄ᬫᬕᬧ᭄ᬕᬧᬦ᭄ᬫᬥᬸᬢᬸᬗ᭄ᬕᬮ᭄ᬧᭂᬢᭂᬂᬤᬶᬢᬸᬢᬶᬢᬶᬩ᭄ᬫᬗᭂᬩᭂᬓᬶᬦ᭄ᬭᬳᬩ᭄
ᬫᬧᬮᬶᬄᬮ᭄ᬯᬲ᭄ᬫᬓ᭄ᬩᬸᬃᬜᬦ᭄ᬤᬂᬢᭀᬕᬯᭀᬓᬂᬓᬮᬗᬵᭂᬦᬾᬫᬕᬸᬫᬶᬩᬮᬾᬘ᭄ᬭᬶᬓ᭄ᬧᬳᬶᬬᬲᬦ᭄ᬮ᭄ᬯᬶᬄᬧᬓᬓᬲ᭄ᬜᬦᬾᬫᬸᬭᬸᬩ᭄᭟ᬕ᭄ᬦᬄᬧ᭄ᬬᬦᬓ᭄ᬤᬾᬫᬗ᭄ᬓᬸᬫᬮᬶᬗ᭄ᬕᬶᬄᬬᬩ᭄ᬭᬦ᭄ᬲᬤᬶᬦᬵᬤᬶᬦᬵᬗᬬᬸᬄ
[᭑᭑᭐ 110A]
ᬫᬫᭀᬦ᭄ᬤᭀᬓ᭄ᬲᬢᬸᬯᬸᬓ᭄ᬫᬢᬧᬵᬗᬸᬗ᭄ᬲᬶᬯ᭄ᬬᬮ᭄ᬯᬶᬄᬫᬦᬸᬦᬲ᭄ᬧ᭄ᬬᬦᬓ᭄ᬬᬾᬦ᭄ᬮᬸᬄᬚ᭄ᬕᬾᬕ᭄ᬫ᭄ᬯᬦᬶᬩᬕᬸᬲ᭄ᬪᬝᬵᬭᬦᬾᬳᬶᬘᬵᬍᬓᬤᬾᬓᭂᬫ᭄ᬩᬃᬩᬸᬜ᭄ᬘᬶᬂᬦᬾᬳ᭄ᬮᬸᬄᬧᬸᬧᬸᬢᬶᬂᬫ᭄ᬮᬄᬦᬾᬦᬾᬫ᭄ᬯ
ᬦᬶᬓᬮᬶᬯᬢ᭄ᬩᬕᬸᬲ᭄᭟ᬳᬧᬦ᭄ᬤᬦᬾᬫᬗ᭄ᬓᬸᬰᬓ᭄ᬢᬶᬫᬦ᭄ᬤᬶᬰ᭄ᬯᬭᬵᬧᬢᬧᬦ᭄ᬜᬦᬾᬢᬸᬢᬸᬕ᭄ᬫᬩ᭄ᬭᬢ᭄ᬣᬵᬲᬢᬸᬢᬸᬓ᭄ᬫᬶᬮᬶᬄᬫᬗᬶᬍᬳᬶᬦ᭄ᬕᬸᬫᬶᬲᬸᬩᬵᬦ᭄ᬤᬰᬤᬾᬰᬵᬫ᭄ᬦᬾᬓᬶᬦ᭄ᬕᬸᬦᬸᬂᬧᬧᬶᬢᬸᬲᬶᬂᬕ᭄ᬦᬄᬳᬦᬓᬦ᭄ᬢᭀ
ᬬᬤᬶᬢᬸᬫᬰᬘᬶᬓ᭄ᬭᬡᬦᬶᬂᬲᬶᬤ᭄ᬥᬵᬲᬤ᭄ᬬᬧᬶᬦᬸᬦᬲᬾᬤᬤᬶᬓᬢ᭄ᬧᬸᬓ᭄᭟ᬧᬸᬦᬶᬓᬶᬧ᭄ᬬᬦᬓᬾᬓᬮᬶᬄᬓᭀᬘᬧᬜᬳᬶᬮᬸᬄᬢ᭄ᬓᬾᬦ᭄ᬳᬶᬩᬕᬸᬲ᭄ᬢᭀᬂᬢᬳᬾᬦ᭄ᬫᬓᬸᬘᬸᬄᬫᬲᬦ᭄ᬤᬶᬂᬢ᭄ᬯᬄᬲᬳᬶᬲᬳᬶᬓᬮᬦᬶᬂ
ᬭᬳᬶᬦᬵᬳᬶᬬᬬᬸᬧᬸᬍᬲ᭄ᬫᬓᬩᬸᬦ᭄ᬳᬶᬩᬕᬸᬲ᭄ᬫᬜ᭄ᬚᬕᬵᬬᬾᬦ᭄ᬢᭂᬓᬵᬓᬮᬦᬶᬂᬯ᭄ᬗᬶᬳᬶᬬᬬᬸᬩᬗᬸᬦ᭄ᬫᬜ᭄ᬚᬕᬳᬶᬩᬕᬸᬲ᭄ᬢ᭄ᬯᬄᬧᬸᬍᬲ᭄ᬫᬓ᭄ᬭᬸᬩᬸᬂ᭟ᬓᬾᬯᬮᬵᬋᬓᬾᬤᬶᬫᬲᬦ᭄ᬲᬦ᭄ᬤᬾᬓᬵᬮᬵᬫᬲᬋ᭠
Page:Bali-lontar-gaguritan-maselong-ka-jembrana-350ppi.pdf/110
This page has been proofread.
