[᭑᭑᭐ 110B]
᭑᭑᭐
ᬗᬦ᭄ᬫᬳᬸᬗᬸᬧᬸᬧᭀᬦᬶᬦ᭄ᬓᬮᬗᬸᬦ᭄ᬫᬧᬬᬲᬸᬩᬫᬰᬸᬘᬶᬫ᭄ᬦᬾᬓ᭄ᬓᬓᬳ᭄ᬬᬗᬦ᭄ᬫᬩᬓ᭄ᬢᬶ᭠ᬲᬋᬂᬮᬸᬗ᭄ᬕᬸᬄᬫᬢᬸᬗ᭄ᬕᬮᬦ᭄ᬘᬶᬢᬵᬢᬦ᭄ᬲᬄᬩᬋᬂᬫᬲᬦ᭄ᬤᬶᬂᬳᬸᬲᬦᬾᬭᬭᬶᬲ᭄ᬫᬢᭀᬬᬵᬫᬺᬢ᭄ᬣᬦᬶᬃᬫ᭄ᬫᬮᬦᬾ
ᬲᬢᬸᬳᬸᬓ᭄᭟ᬳᬸᬲᬦᬾᬢ᭄ᬤᬸᬦ᭄ᬫᬮᬶᬗ᭄ᬕᬶᬄᬫᬲᬋᬗᬦ᭄ᬤᬶᬢᬸᬤᬦᬾᬫᬗᬸᬗ᭄ᬕᬸᬮ᭄ᬢᬦ᭄ᬲᬄᬗᬸᬲᬧ᭄ᬩᬳᬸᬲᬮᬾᬂᬯᬲ᭄ᬯᬲ᭄ᬧᬥᬓ᭄ᬜᬶᬂᬫᬢᬸᬗ᭄ᬕᬮᬦ᭄ᬫᬦᬄᬬᬾᬦ᭄ᬢᬸᬭᬄᬩᬶᬓᬲᬾᬮᬸᬮᬸᬢ᭄ᬓᬭᬕᬦᬶᬂᬘᬶᬢ᭄ᬣᬳᬗᬶᬂᬢ᭄ᬯ
ᬭᬵᬓᭀᬕᬸᬗ᭄ᬕᬶᬄᬧᬺᬧᬜ᭄ᬘᬦᬾᬢ᭄ᬯᬭᬵᬫᬢᬺᬳᬧᬦ᭄ᬳᬶᬥᭂᬧᬾᬢ᭄ᬯᬄᬳᬯᬸᬓᬸᬤ᭄᭟ᬲᬸᬩᬵᬧ᭄ᬢᭂᬂᬩᬋᬂᬫᬸᬮᬶᬄᬓᬧ᭄ᬤᭂᬫᬦ᭄ᬲᬵᬫ᭄ᬧᬸᬦ᭄ᬳᬸᬲᬦ᭄ᬫᬯᬲᬸᬄᬳᬶᬩᬕᬸᬲ᭄ᬫᬓᬩᬸᬦ᭄ᬚᬳᭂᬦ᭄ᬧᬸᬍᬲ᭄ᬩᬸᬓᬵᬫᬢᬶᬳᬶᬬᬬᬸᬫ᭠
ᬫᬘᬵᬲ᭄ᬯᬭᬵᬦᬾᬫᬗᭂᬦ᭄ᬢᬢᬩᬸᬄᬫᬦᬶᬲ᭄ᬢᬹᬃᬫᬓᭂᬫ᭄ᬧ᭄ᬬᬂᬩᬦ᭄ᬩᬦ᭄ᬢ᭄ᬯᬭᬵᬫ᭄ᬕᬢᬶᬦ᭄ᬧᬦ᭄ᬢᭂᬲ᭄ᬓᬶᬤᬸᬂᬧᬩ᭄ᬭᬢᬦ᭄ᬫᬜᬭ᭄ᬯᬂᬫᬦᬳᬾᬗᬸᬬᬸᬓ᭄᭟ᬲᬫᭀᬤᬦᬦ᭄ᬢᬶᬢ᭄ᬬᬂᬕᬸᬲ᭄ᬢᬶᬤᬸᬄᬳᬫ᭄ᬧᬹᬭᬵᬧᬕᬯᬾᬦ᭄ᬤᬦ᭄ᬫ
[᭑᭑᭑ 111A]
ᬮᬶᬗ᭄ᬮᬸᬂᬩᬸᬤᬸᬄᬧᬢᬶᬚ᭄ᬮᬫᬸᬢ᭄ᬲᬭ᭄ᬯᬂᬚᬦᬶᬫᬗᬯᬶᬳᬗ᭄ᬕᭀᬦ᭄ᬫᬗ᭄ᬮᬶᬧᬸᬭᬵᬂᬢᭂᬫ᭄ᬫ᭄ᬩᬗᬶᬦ᭄ᬤ᭄ᬫᬸᬂᬫᬗ᭄ᬮᬚᬸᬃᬬᬵᬚᬦᬶᬳᭂᬗ᭄ᬓᬮᬂᬤᬶᬫᬸᬮᬶᬄᬳᬾᬫᬜ᭄ᬚ᭄ᬭᬶᬢ᭄ᬲᬮᬦ᭄ᬢᬂᬚᬮᬦᬾᬜ᭄ᬩᬓ᭄ᬧᬶᬦᬄᬲᬺᬢ᭄ᬫᬸᬜᬶᬦᬾᬧᭂᬲᬸ
᭚᭜᭚ᬳᬶᬤᬵᬓᬶᬤᬸᬂᬕᬕᬸᬭᬶᬢᬦ᭄ᬢᭂᬫ᭄ᬩᬂᬲᬶᬦᭀᬫ᭄ᬫᬸᬜᬶᬩᬮᬶᬢ᭄ᬯᬶᬧᬕᬯᬾᬦ᭄ᬚᬦ᭄ᬫᬩ᭄ᬮᭀᬕ᭄ᬢ᭄ᬯᬭᬦᬯᬂᬳᬸᬦ᭄ᬤᬸᬓ᭄ᬫᬸᬜᬶᬓᬯᬶᬥᬶᬚᬦᬶᬫᬗᬯᬶᬳᬗᬶᬂᬢᬶᬢ᭄ᬬᬂᬮᬶᬦ᭄ᬢᬂᬢᬦ᭄ᬤ᭄ᬭᬸᬄᬓᬾᬯᬮᬵᬫᬜᬶ᭠
ᬤᬬᬕ᭄ᬓᬬᬸᬦ᭄ᬳᬶᬤᬵᬲᬂᬳᬗ᭄ᬯᬶᬥᬶᬫᬸᬜᬶᬧᬮᬶᬂᬤᬢᬵᬩᬕ᭄ᬩᬕ᭄ᬫᬘ᭄ᬮᬧᬸᬓᬦ᭄᭟ᬢᭀᬂᬤᬤᬶᬧᬳᬂᬫ᭠ᬫᬶᬦ᭄ᬤᬄᬳᬧᬂᬫᬲᬓᬶᬢᬂᬗᬯᬶᬳᬗᬶᬂᬤᬸᬤᬸᬓᬂᬲᬢ᭄ᬯᬜᬳᬧᬂᬳᬤᬵᬓᬕᬸᬬᭀᬦᬶᬦ᭄ᬗ᭄ᬓᬮ᭄ᬓᬮᬦ᭄ᬫᬸᬜᬶᬩ
ᬮᬶᬮᬾᬦ᭄ᬳᬤᬵᬫᬸᬜᬶᬦᬾᬳᬮᬸᬲ᭄ᬩᬶᬓᬲᬾᬤᬶᬧᬤ᭄ᬫᬦ᭄ᬲᬗ᭄ᬕᬸᬧᬾᬫᬗᬸᬦ᭄ᬢᬮ᭄ᬕᬸᬫᬶᬩᬶᬓᬲ᭄ᬫᬜᬶᬂᬩᬸᬤᬸᬄᬫᬗᭀᬜᬗᬂᬭᬭᬲ᭄᭟ᬦ᭄ᬤᬸᬮᬫᬾᬲᬳᬶᬢᬦ᭄ᬧ᭄ᬕᬢ᭄ᬩᬸᬓᬵᬓ᭄ᬦᬵᬧᬲ᭄ᬫᬦ᭄ᬤᬶᬳᬸᬮᬢᬾ᭠
Page:Bali-lontar-gaguritan-maselong-ka-jembrana-350ppi.pdf/111
This page has been proofread.
