[᭑᭕᭒ 152B]
᭑᭕᭒
ᬢ᭄᭟ᬳᬯᭀᬢᬶᬦ᭄ᬓᬳᬶᬮᬾᬬᬦᬾᬜᬦ᭄ᬤᬂᬢᬾᬥᬄᬲᬸᬩᬳᬸᬮᬸᬯᬦ᭄ᬮᬸᬗ᭄ᬲᬸᬃᬫ᭄ᬭᬱᬲᬮᬄᬧᬲᬸᬓ᭄ᬧᬗᬗ᭄ᬕᭀᬦᬾᬩᬸᬓᬵᬲ᭄ᬤᬶᬄᬤᬶᬕᬶᬤᬢᬾᬮᭀᬦᬃᬩᭀᬓᬾᬕᬼᬲ᭄ᬲᬤᬵᬦᬶᬭᬸᬲᬸᬢ᭄ᬭ᭠
ᬦᬾᬳᬶᬓ᭄ᬢᬦ᭄ᬧᬸᬢᬶᬄᬓᬢᬫ᭄ᬧᭀᬦ᭄ᬤᬓᬶᬮᬸᬤᬶᬦ᭄ᬕᬶᬕᬶᬲᬸᬩᬳᬶᬗ᭄ᬕᬦ᭄ᬧᬚᬮᬦᬾᬓ᭠ᬧᬾᬲᭀᬮ᭄ᬕᬸᬬᬸᬮ᭄᭟ᬓᬸᬫᬶᬲ᭄ᬧᬸᬢᬶᬄᬓᬾᬦ᭄ᬓᬾᬦ᭄ᬳᬩᭂᬢᬾᬗᬾᬩ᭄ᬭᬲᬂᬫᬢᬗ᭄ᬓᭂᬧ᭄ᬳᬧᬂᬳᬦᬹᬢ᭄ᬧᬗᬗ᭄ᬕᭀ
ᬦᬾᬭᬗ᭄ᬲᬸᬓ᭄ᬢ᭄ᬯᬭᬜᬓ᭄ᬧᬯᬸᬢ᭄ᬲᬢᬦ᭄ᬤᬶᬂᬦᬄᬲᬸᬜᬮᬯᬦᬂᬧ᭄ᬢᭂᬗᬂᬳᬾᬧᭀᬦᬾ᭠ᬤᬶᬢᬸᬜᬾᬦ᭄ᬦᬯᬂᬩᬭᬓᬵᬧᬓ᭄ᬯᬯᬶᬦ᭄ᬩᬳᬦ᭄ᬤᭂᬗᬶᬮ᭄ᬫᬲᬮᬤᬵᬩᬢᬸᬩ᭄ᬮᬄᬢᭂᬧᬾᬦ᭄ᬳᬸᬚᬦ᭄ᬦᬾᬭᬶᬬ᭠
ᬢ᭄ᬭᬶᬬᬸᬢ᭄᭚᭜᭚ᬳᬤᬵᬓᬶᬤᬸᬂᬧᬧᬭᬶᬓᬦ᭄ᬳᬲᭂᬂᬗ᭄ᬕᬯᬾᬧᬲ᭄ᬬᬓᬭᬡᬗ᭄ᬕᬸ᭠ᬭᬶᬢ᭄ᬧᬸᬧᬸᬄᬢᭂᬫ᭄ᬩᬂᬜᬦᬾᬧᬗ᭄ᬓᬹᬃᬫᬸᬜᬶᬩᬮᬶᬫᬓ᭄ᬚᬂᬢ᭄ᬯᬭᬳᬤᬵᬪᬱᬦᬶᬦ᭄ᬲᭂᬗ᭄ᬓᬵᬳᬩᬸᬓᬸᬬᬤᬶᬦ᭄ᬳ᭠
[᭑᭕᭓ 153A]
ᬜ᭄ᬘᬕᬂᬫᬫᬘᬫᬰᬶᬄᬮᬲ᭄ᬬᬩᬳᬦ᭄ᬦᬫ᭄ᬧᬶ᭟ᬓ᭄ᬭᬡᬗ᭄ᬕᬯᬾᬕᬕᬸᬭᬶᬢᬦ᭄ᬩᬳᬦ᭄ᬲᬯᬢ᭄ᬧᬮᬶᬬᬢᬾᬗᬶᬯᬲᬶᬦ᭄ᬓᬲᬯᬗᬾᬓᬚᬵᬓᬯᬸᬄᬳᬶᬭᬶᬩ᭄ᬫᬦᬯᬓ᭄ᬢᬯᬂᬓᬮᬗᬵᭂᬦ᭄ᬧᬰᬶᬄᬕᬸ
ᬦᬸᬗᬾᬬᬧᬥᬵᬲᬫᬸᬦ᭄ᬩᬳᬦᬾᬢ᭄ᬯᬭᬵᬓᬧᬃᬡ᭄ᬦᬩᬳᬦ᭄ᬳᬶᬧ᭄ᬭᬶᬅ᭄ᬓᬵᬢᬶᬳᬢᬶ᭟ᬳᬧᬦ᭄ᬦ᭄ᬢᭀᬓᬯᬶᬦᬵᬕᬭᬵᬬᬦ᭄ᬭᬶᬂᬪ?Oᬫᬕᬸᬡᬤᬾᬯᬦ᭄ᬤᬸᬫᬤᬶᬤᬾᬦᬶᬂᬬᬳᬶᬧᬰᬶᬄᬕᬸᬦᬸᬂᬗᬸ
ᬫᬦ᭄ᬤᭂᬮ᭄ᬓᬯᬶᬪᬸᬳᬦ᭄ᬢᭀᬂᬓᬸᬯᬗᬦ᭄ᬧᬘᬂᬧᬗᬼᬗ᭄ᬓᬭᬗᬧᬸᬲ᭄ᬢ᭄ᬓᬩᬸᬓᬵᬫᬧᬗᭂᬦᬦ᭄ᬧᬸᬜᬦ᭄ᬤᬮᬸᬂᬤᬸᬗᬾᬮᬶᬕᬶᬃ᭟ᬳᬶᬧ᭄ᬭᬶᬅ᭄ᬦᬾᬓᬸᬫᬦ᭄ᬤᭂᬮᬗᬭᬲᬵᬬᬗᬩᬳᬦ᭄ᬳᬶᬕᬸᬦᬸᬂᬧᬰᬶᬄ
ᬢᭀᬂᬓᬢᬸᬦᬦ᭄ᬢᬦᬄᬕᬭᬸᬂᬫᬓᬵᬤᬶᬧᬗᬼᬗ᭄ᬓᬭᬵᬲᬵᬓ᭄ᬱᬢ᭄ᬤᬦᬸᬦᬾᬗᬶᬍᬳᬶᬦ᭄ᬕᬸᬦᬸᬂᬩᬢᬹᬃᬲᬗ᭄ᬓᬦ᭄ᬲ᭄ᬤᬶᬄᬫᬮᬶᬗ᭄ᬮᬶᬗᬦᬾᬗ᭄ᬭᬶᬂᬭᬶᬂ᭟ᬓ᭄ᬭᬾᬢᬾᬲᬦ᭄ᬳᭀᬫ᭄ᬩᬓᬾᬗᭂᬘᬄᬫᬸᬜ᭄ᬘ᭄ᬭ
Page:Bali-lontar-gaguritan-maselong-ka-jembrana-350ppi.pdf/153
This page has been proofread.
