[᭑᭕᭓ 153B]
ᬢ᭄ᬲᬫ᭄ᬩᭂᬄᬩᬸᬓᬵᬬᬾᬄᬫᬢ᭄ᬣᬵᬧᬮᬶᬂᬫᬫᬸᬦ᭄ᬢᬕ᭄ᬫᬦ᭄ᬢᬶᬕ᭄ᬬᬤᬶᬢᬸᬳᬮᬸᬦᬾᬫᬤᬶᬳᬶᬲᬦ᭄ᬦᭂᬫ᭄ᬧᬸᬄᬧᬭᬗᬦᬾᬋᬗᬢ᭄ᬧᬢᬶᬳᭂᬦ᭄ᬢᬸᬮ᭄ᬫᬲᬯᬗ᭄ᬮᬮᬸᬯᬗ᭄ᬳᬯᬓ᭄ᬫᬜᭂᬩᬸᬭᬶᬦ᭄ᬚᬸᬭᬂᬕᬶᬢ᭄ᬕᬶ᭠
ᬢ᭄᭟ᬗᭂᬦᭂᬳᬂᬳᬯᬓ᭄ᬓᬧ᭄ᬯᬶᬓᬦ᭄ᬧᬶᬲᬦ᭄ᬧᬶᬲᬦ᭄ᬓᬾᬢᭀᬬᬢ᭄ᬯᬭ᭄ᬲᬵᬫᬳᬶᬢᬸᬳᬸᬢᬸᬳᬸ᭠ᬦᬾᬤᬶᬤᬸᬳᬸᬃᬫᬸᬜᬶᬦ᭄ᬜᬦᬾᬗᭀᬚᬭᬂᬗ᭄ᬕᬯᬶᬓᬮᬗᬵᭂᬦᬾᬗᬸᬮᬶᬳᬂᬫᬢᬫ᭄ᬩᬸᬦ᭄ᬜᬸᬲᬸᬧ᭄ᬓᬢᬼᬗᬶᬂᬫ
ᬦᬄᬓᬧᬶᬢ᭄ᬯᬭᬵᬓᬧᬶᬂᬢᭀᬮᬶᬄ᭟ᬢ᭄ᬓᬾᬦ᭄ᬳᬶᬕᬸᬦᬸᬂᬲᬵᬕᬭᬓᬳᬶᬩᬸᬓᬦ᭄ᬜᬦᬾᬫᬾᬭᬂ᭠ᬦ᭄ᬤᭂᬧᬶᬦ᭄ᬢᬦ᭄ᬤᬸᬕᬶᬫᬲᬧᬸᬢ᭄ᬮᬶᬫᬸᬢ᭄ᬩᬳᬦ᭄ᬓᬢᬸᬦᬦ᭄ᬓᬭᬲ᭄ᬧᬮᭀᬜ᭄ᬘᬓ᭄ᬓᭂᬫ᭄ᬩᬂᬓᬧᬲᬾᬧᬸᬢᬶᬄᬗᭂ᭠
ᬫ᭄ᬧᬹᬃᬩᬸᬓᬵᬫᬗᬺᬱᭂᬧᬂᬫᬦᬄᬳᬶᬭᬶᬩ᭄ᬫᬗᬸᬮᬧᬶᬦ᭄ᬳᬶᬧ᭄ᬭᬶᬅ᭄᭟ᬦ᭄ᬤᬶᬲ᭄ᬮᬗ᭄ᬮᬗᬾᬗᬸᬘᬧᬂᬬᬾ᭠ᬢᬶᬸᬦ᭄ᬢᭂᬕᭂᬲᬂᬤᬾᬯᬲᬂᬧ᭄ᬭᬚ᭄ᬜᬦ᭄ᬗᬯᬶᬗᬸᬤᬧᬧᬾᬮᬸᬲᬦ᭄ᬭᬯᬸᬄᬗᬩᬬᬂᬢᬶᬢ᭄ᬬᬂᬓᬭᬲ᭄ᬲᬫ᭄ᬧᭀ
[᭑᭕᭔ 154A]
ᬮᬄᬲᬦᬾᬚᬦᬶᬢ᭄ᬯᬭᬵᬓᬭᬸᬗᬹᬦᬲᬸᬩᬵᬢ᭄ᬯᬄᬧᬳᬶᬗᬦᬦ᭄ᬲᬫᬶᬦ᭄ᬓᬮᬗᬵᭂᬦᬾᬦ᭄ᬤᭂ᭠ᬧᬶᬦ᭄᭟ᬓᬢᬧᬗᬾᬫᬰ᭄ᬭᬯᬾᬬᬦ᭄ᬢ᭄ᬯᬭᬵᬳᬤᬵᬫᬬᬸᬩᬦ᭄ᬫᬶᬮᬸᬲ᭄ᬤᬶᬄᬫᬲᭂᬮ᭄ᬲᭂᬮᬦ᭄ᬤᭀ
ᬦᬾᬮᬬᬸᬭᬱᬜᬫᬕᬫ᭄ᬩᬳᬦ᭄ᬫᬗᬮᬸᬲᬾᬳᬓᬳᬾᬳᬶᬭᬶᬩ᭄ᬫᬢᬶᬫᬧᬸᬄᬢᬜ᭄ᬚᬸᬂ᭠ᬮᭀᬘᭀᬦᬾᬓᬫᬕᬦ᭄ᬩᬸᬓᬵᬗ᭄ᬕᬸᬮᬸᬦ᭄ᬤᬶᬢᬸᬫᬜ᭄ᬚ᭄ᬭᬶᬢ᭄᭟ᬳᬗᬶᬂᬫᬸᬜᬶᬦᬾᬲᬯᬢ᭄ᬓ᭄ᬮᭀᬤ᭄ᬓ᭠
ᬯᬸᬄᬕᬺᬳᬾᬩᬦ᭄ᬩᬦ᭄ᬢᬶᬢᬶᬃᬬᬾᬦ᭄ᬓᭂᬦᭂᬳᬂᬩᬸᬓᬵᬗᬫ᭄ᬩᬸᬮ᭄ᬳᬶᬭᬶᬩ᭄ᬲᬸᬩᬵᬜ᭄ᬚᬃᬭ᭄ᬯᬓᬂᬢᬦᬶᬮᬮᬶᬲᬦ᭄ᬳᬦᬓᬾᬫᬳᬶᬗᬧᬸᬲ᭄ᬩᬢᬸᬩᭀᬮᭀᬗᬾᬫᬜᭂᬩᬓ᭄ᬢᬩᬸᬃᬳᭀᬫ᭄ᬩᬓ᭄ᬢ᭄ᬯᬭᬵᬤᬸᬲᬶᬦ᭄᭟ᬳᬶ
ᬭᬶᬩ᭄ᬩ᭄ᬗᭀᬂᬫᬤ᭄ᬓᭂᬲᬦ᭄ᬲᬗᭀᬲᬗᭀᬩᬸᬓᬵᬜ᭄ᬚᬸᬓᬹᬃᬫᬦᭀᬮᬶᬄᬳᬧᬦ᭄ᬫᬓ᭄ᬦᭂᬳᬦ᭄ᬳᬶᬩᬸᬓ᭄ᬓᬮᬗᭂᬦᬾᬢᬫ᭄ᬧᭀᬭᬢ᭄ᬧᬸᬧᬸᬚᬶᬲᬦ᭄ᬳᬦᬓᬾᬧ᭄ᬭᬚ᭄ᬜᬦ᭄ᬫᬗᬧᬸᬲ᭄ᬢᬸᬢᬶᬂᬚᬓᬦᬾᬫᬘ᭠
Page:Bali-lontar-gaguritan-maselong-ka-jembrana-350ppi.pdf/154
This page has been proofread.
