—¡Dakes nga aramid, ermana Juana! —kinuna ni nabainan a
Rufa. —Manayen ti maysa a plenaria a pangaon kenkuana sadi
Purgatorio; saanyo a rebbeng a dadaelen dagiti santa nga induljencia; aramidenyo ti kas pamayak.
—Kinunak ket: !no ad-ado, nasaysayaat! —insungbat ni ermana Juana nga immisem. —Ngem, ibagayo man a, no kasano ti pamayanyo?
Ni ermana Rufa saan a simmungbat a dagos: immuna a dimmawat iti mama, nginalngalna, kinitana dagiti agdengdengngeg kenkuana a sipapasnek, timmupra iti maysa a bangir, ket rinugyanna ti nagsao idi ta ngumalngalngal iti tabako:
Siak diak dadaelen ti uray la no maysa a santo nga aldaw! Nanipod idi naikapponak iti Ermandad, nakagun-udakon iti 457 nga induljencia plenaria, 76ft, 598 a tawtawen a induljencia. Irupisko amin a maalak, ta kayatko ti nadalos a panagbilang; diak kayat ti mangallilaw ket diak met kayat ti paallilaw.
Ni ermana Rufa nagsardeng ket intuluyna ti nagmama; da giti babbai inda kitkitaen a sisisiddaaw, ngem daydi lalaki nga agpagnapagna, nagsardeng ket kinunana a kasna inumsi bassit:
—A ket siak, iti la daytoy a tawen, inatiwkayo iti uppat a plenaria, ermana Rufa, ken sangagasot a tawtawen pay, ket idinto ta iti daytoy a tawen saannak unay a naglulualo.
—¿Ad-ado ngem siak? eNasurok a 689 a plenaria, 994,856 a tawtawen pay, —inulit ni ermana Rufa a nakaluksaw bassit.
—Wen, kasta, inatiwkayo iti walo a plenaria ken sangaga sot sangapulo ket lima a tawtawen pay, ket iti bayat ti bassit la a bulan, —inulit daydi lalaki nga iti tengngedna ado nga eseskapulario kada kukuentas a namurmureng ti adda nga agbibitin.
—Saan a nakaddidillaw, kinuna ni Rufa a naparmek; — Idakay ngamin ti maestro ken pangulo iti probinsia!
Daydi lalaki immisem a nakarag-o.
—Saan a nakaddidillaw nga ad-ado dagiti magun-odko ngem dakayo: nganngani mabalinko a kuna nga uray matmaturugak, adda maalak a induljencia.
—¿Ket, an-anuenyo ida, maestro? —sinaludsod a naggig’ddan ti maysa nga uppat wenno lima a timtimek.
