—¡Psh! —insungbat daydi lalaki, nagmusiig iti napigsa a
pananglais; —¡iatubatok ida iti uray sadinno!
—Dayta ket ti diak mabalin a pangdayawan kadakayon, maestro! inriri ni Rufa. —! Inkayto sadi Purgatorio gapo ta inkay daddadaelen dagiti induljencia! Ammuyon a iti tunggal sao a di masapsapol, aglak-am datao iti uppat a pulo nga aldaw a panna- kapuor iti apoy, kas kuna ti kura; iti tunggal dangan a panait, in- nem a pulo; iti tunggal tedted a danum, dua pulo. !Inkay sadi Purgatoryo!
—¡Ammukto ti rumuar sadiay! —insungbat ni ermano Pedro, a sitatalek iti nalagda unay. —!Nagado a karkararua nga innak ina-aon iti apoy! Nagado nga innak pinagsansanto! Maysa pay, in articulo mortis (inton kanito ti ipapatay), mabalinko pay la ti makagun-od, no kayatko, iti saan a kumurang a pito nga induljencia plenaria, ket addadanto pay la sabsabali nga innak maispal, inton madama-ak nga agnguy-nguya.
Ket idi nasauna tuyen, immadayo a sitatangsit.
—Nupay kasta, rebbengyo kuma nga aramiden ti kas ti ara- mid ko, nga awan dadaelek nga aldaw, ket nasayaat ti panagbi- lang ko. Diak kayat ti mangallilaw ket diak met kayat ti paallilaw.
—¿Kasano, kad, ti pammayan yo? —sinaludsod ni Juana.
--Rebbengyo a tuladen ti aramid ko. Kas pagarigan: pagaru- penyo a makagun-udak iti maysa a tawen a induljencia; ikabilko iti pagyugedak, ket kunak: “Nainggasatan nga Ama Mi, Senior Santo Domingo, ipaayyo a kaasi ta kitaenyo no sadi Purgatoryo ad- da makasapol iti isuna a makatawen a induljencia, saan nga ag- surok, saan nga agkurang, iti uray la no maysa nga aldaw." Agpatayyekak iti kuarta; no rumuar ti rupa, awan; no rumuar ti krus, adda; iso tay isuratko—nasingiren, ?rupa ti rumuar? idulinko dagiti induljencia, ket pagguummungek ida a sagtunggal gasot a tawen, a nasayaat unay ti pannakirupisda. Nakail-ilala ta saan a mabalin nga aramiden kadakuada ti kas pammayan iti pirak: ipautang iti inkatluan; ad-ado pay kuma dagiti karkararua a ma- balin a ispalen. Patiendak, aramidenyo ti kas ti pammayak. —¡A ket siak, nasaysayaat pay ti pammayak! —insungbat ni ermana Sipa.
—¿Ania? ¿Nasaysayaat? —sinaludsod a nasdaawan ni Rufa. —Saan a mabalin! ¡Ti pammayak iso ti kasayaatan!
