Page:Dinak-Sagiden-Noli-Me-Tangere-Iti-Iloko-IV-ni-Jose-Rizal-N719i.pdf/144

giti pagsapsaplit ket sinukatak ida iti ayat a pumada ken sumailin ken iti panangipateg iti bagi met laeng. No adda saan a makaammo iti leksionna, kunak a gapo iti kurang ti pakinakem, saan a gapo iti kurang ti kabaelan; innak kadakuada inbagbaga a nalalaing ti uloda. ngem ti pudno a naited kadakuada. ket toy a pammati, inda ikagumaan a mapasingkedan ket iso ti pakapilitan da nga agadal, a kas met ti panagtalek iso ti mangted iti kinamaingel. Idi damona, inpagarupko a ti baro a pamayan saan a mabalin a maaramid: aduda dagiti nagsardeng nga agadal; ngem intuluyko ket innak nadlaw a nangin-inot a naitayag dagiti naknakem, immadu dagiti ububbing nga agserrek ket immadadda ti anep da nga umay agbasa; ket ti maidaydayaw maminsan iti sango da amin, iti sumaruno nga aldaw pagpiduaenna ti adalen na. Iti nabiit, nagwaras iti ili a saanak nga agkabil; ti kura pinaayabannak. ket iti buteng ko a maulit daydi naaramid iti naminsan, kinablaawak a simamaga iti sao ti tagalog. Idi, nadeggang unay ti pannakisao na kaniak. Kinunana a dadaelek dagiti ububbing, a daddadaelek ti kanito, a diak tungpalen ti annongko, inbagana a ti ama a saan nga agbaot, kagurana ti anakna, kas kuna kan ti Espiritu Santo, a ti letra maipastrck a maikuyog iti dara, ken no ania ania pay; inna inulit-ulit dagiti adu a sasaoda pay la kadagidi naranggas nga al-aldaw, a kas la ket no umanaycn a ti inbaga dagiti in-inauna saan a mabalin a susikenen; no agpayso toy, rebbeng ngad a patien nga agpayso a nagparangda dagidi nakabutbuteng a parparsua a pinataod dagidi in-inauna a tawtawen ket inda inladladawan kadagiti palpalasio ken simsimbaanda. Kamaudiananna, inbilinna ti innak panaggaget ken ti innak panagsubli iti daydi daan a pamayan, tano saan. ipulungnak iti Alkalde. Saan a nagsardeng ditoy dagiti rigrigat ko: kalpasan ti sumagmamano nga aldaw, immay dagiti amma dagiti ububbing iti sirok ti konbento. ket naipapilit a inangayko a nanaranay ka­ niak amin nga anosko ken panagitured. Rinugyanda ti nangipadpadayaw kaniak kadagidi un-unana nga al-aldaw, a dagidi mangisursuro idi addaanda iti galad ket ti inda panangisuro kas met la ti panangisuro dagidi ap-appoda a lallakay. “IDagidi man ti mamasirib!” — kunkunada; — “dagidi agkabilda ket lintegenda ti kayo a killo. Dagidi saan da nga ububbing, lallakay da nga aduan padas, ub-ubanan ken naiget! Ni don Catalino, nga iso ti ari da amin ken iso ti namangon iti daydiay a pagadalan, saanna

— 131 —