a kurangan ti dua pulo ket lima no agbaot, iso ti gapona nga
aduda dagiti annak a inna napagsirib ket aduda pay dagiti inna
napagpadi. !A! dagidi lallakay nalalaingda ngem datao, wen
apo, nalalaingda nga adayo ngem datao.” Dagiti dadduma saan da
pay la a napnek kadagitoy nagubsang a paspasagid; inda kinuna
kaniak a inlawlawag a no kanayunek ti pammayak, awanto ti maadal dagiti annakda ket mapilitdanto a mangikkat kadakuada iti
pagadalan. Banbannog ti nangikalkalintegan kadakuada; gapo
piman ta ubingak, didak kinayat a inbibiang. jNapalalo nga apalko idi nga adda kuma uban ko! —Inda kaniak inbaga ti turay
ti kura, ni Pulano ken ni Sutano ket dagiti pay bagbagida ti inda
innala a pangngarigan, a kunkunada, a no saan a gapo kadagiti
babaot a inpalpalak-am dagidi nangisursuro kadakuada, awan
kan kuma ti inda naadal. Ti ayat a inpakita kaniak dagiti dad
duma iso ti namasam-it sangkabassit iti daydi dakes a kalak-amak.
—Gapo iti daytoy, napilitak a nangbaybay-a iti maysa a pamayan, a kalpasan ti ado a bannog, mangrugi idi nga agbungan. Gapo iti pannakarba ti inanamak, iti sumuno a bigat, inkuyugko dagiti pagsaplit ket inrugik ti naranggas nga aramidko. Ti talinaay nagpukaw ket nagsubli a nagpakita ni liday kadagiti ruprupa dagiti ububbing a mangrugrugi idin a mangayat kaniak: isuda piman dagiti kakaisuna a kakabagyak, isuda dagiti kakaisuna a gagayyem ko. Nupay innak inkagkagumaan a di ipalpalalo ti agbaot, ket no innak agbaot, ikapkapuyko iti ingga ti mabalin dagiti ububbing, riknaenda unay ti inda pannakasugat, ti inda pannakaidadanes, ket agsangitda iti napait. Ti kasdi simken iti pusok ti kaasik, ket nupay iti unegko, sipupungtutak kadagiti angang a nagannak, saanko a mabalin a ibales kadagiti awanan basol a ububbing a maipatli gapo iti kinakuneng dagiti nagannak kada kuada. Dagiti lulua da kas dak la puuran; ti pusok kas la saan a umsek iti barukongko, ket iti daydi nga aldaw, pinanawak ti pagadalan a di pay dimteng ti kadawyan a kanito ket napanak iti balay ko a napan nagsangsangit a maymaysa . . . Nalabit masdaawkayo iti lakak a maisnekan, ngem no dakay kuma ti adda iti yanko, inkay naawatan ti gapona. Ni lakay a don Anastacio kunkuanana kaniak: “iDawatenda ti baot dagiti nagannak? Apay a saan da nga iso ti bautem?” Ti banag toy, nagsakitak. Ni Ibarra sidedengngeg a sipapanunot.
—Apaman la a naimbagannak, nagsubliak iti pagadalan, ket nasarakak a dagiti ububbing nga kaadalak bimmassitda iti maysa
