-!Sa nagbati iti konbento a nakisarita iti kura a masakit!- kinuna met ti maysa kadagiti agtutubo.
-!Awan ania man!-insungbat met ti maysa;-nasaganami aminen. No di la ket rumsua nga ad-ado dagiti mainayon iti gakat dagiti lallakay...
-!Saan ngata!-kinuna ni don Filipo;-siakto ti mangidatag iti gakat dagiti lallakay.
-Ania? Ania ti kunayo?-sinaludsod dagiti agdeng-deng- ngeg a nasdaawan.
--Kunak sa no siak ti umuna nga agsao, idatagkunto ti gakat dagiti kabusortayo.
-Ket ti gakat tayo?
-Dakayto ti mangidatag, insungbat ti teniente mayor, a umis-isem ket inturungna ti saona iti maysa nga agtutubo a kabesa de baranggay;-agsaukayto kalpasan ti innak pannakaabak.
-¡Saan dakay a maawatan, apo! kinuna dagiti kasarsarita- na ket inda kinita iti napnuan duadua.
-¡Denggenyo! -kinuna ni don Filipo a siinayad kadagidi dua wenno tallo a sidedengngeg kenkuana. -Itay bigat nasa- rakak ni lakay Tasio.
-?Ket, ania?
-Tay lakay kinunana kaniak: "Dagiti kabusoryo adadda a kagurada ti biangyo ngem dagiti panpanunotyo. ?Kayatko a saan a maaramid ti maysa a banag? Dakay ti mangidatag, ket uray pay no napatpateg ngem maysa a mitra, saan danto nga an- nugutan. Inton abakendakayon, aramidenyo a ti kayat yo a maa- ramid, idatag met ti kanunumuan kadakay amin, ket dagiti ka busoryo, iti ayat da a mangimameg kadakayo, indanto annu- guten." Ngem annadanyo toy a palimed.
-Ngem...
-Iso ti gapona a siakto ti mangidatag iti gakat dagiti lalla- kay a daytay innakto pay lawlaw-asan inggana iti nakakatkatawa. Agtalnakayo.!Ni apo Ibarra ken ti mangisursuro!
Dagidi dua nga agkabanuag kinablaawanda amin ida a di da ket rimmamraman kadagiti sarsaritada.
