da dagiti pagpapaayanna: pagdigusan, pagibellengan iti rugit, paglabaan, pagkalapan, paglasatan dagiti sasakayan, ket iso payen
ti paginuman, no kasta ti kayat ti agsaksakdo a sanglay. Rebbengna nga ibaga nga iti daytoy mannakabalin a urat ti purok
a iso ti adadda a pakakitaan iti garaw, ken iso pay ti pakaumaan
iti kasta unay a kibor, iti baet ti nganngani maysa a kilometro,
apaman la ta adda maysa a rangtay a kayo, a ti maysa a bangirna
adda nadadael iti bayat ti innem a bulan ket ti maysa di met mabalin a pagnaan kadagiti matda a bulbulan ti tawen. Anansata,
no kalgaw, dagiti kabkabayo ikanayunda metten ti agtapuak iti
danom, a kasta unay a siddaaw ti agaleng-aleng a tao nga iti uneg
ti lugan, adda nga agsusugel wenno mangpanpanunot iti rinangayan dagiti al-aldaw.
Toy balay a masarsarita, adda babbabana ket saan unay a nasayaat ti panaglintegna; no saan a nakita ti agaramid wen no gapuananen dagiti gingginggined ken bagbagyo, awan makaibaga iti napaypayso. Maysa nga akaba nga agdan a napintaan iti naganos (verde) dagiti kadkadang (balaustre) na ket addada paspasetna a naaplagan iso ti ulian a mapan iti kadaklan (salas) ti balay, manipod iti yan ti ruangan a dakkel a nadaplatan iti azulejo, ket naikkan kadagiti pagmasmasetasan ken pagikabkabilan kadagiti naiparabaw kadagiti batiatay a lusa a naggapo sadi China, a nadumaduma ti buyada ket nagkaado dagiti ugis-ugisda.
Ket yantangay awan agbantay iti ruangan wenno babaunen nga agdawat wenno agsaludsod iti surat a nangawis (blllete de invitacion), umulitanto; o sika nga agbasbasa, pagayam man wenno kabusor! no kas ta maawisdaka ti aweng dagiti tugtugtog ti orkestra, dagiti silsilaw, wenno ti kas la adda sasawenna a dagiti pingpinggan ken kubkubiertos, ket kayatmo pay met a kitaen no kasano dagiti um-ummong sadiay Mutya ti Daya. Siaayatak, ket nasaysayaat kurna kaniak, no diak pendaenen a ibagakenka ti kasasaad toy a balay, ngem toy masapol unay, ta datay man a tattao, iti kaaduan na, kastay la pagong: ipateg ket ilasindatayo gapo iti ukis tayo; gapo itoy ken sabsabali pay a kabkababalin, dagiti tattao sadi Pilipinas umad-adasda iti pagong.—No makaulitayon, pagammuan, intay mailasbong iti maysa a yan a nalawa, a naganenda sadiay iti aida, diak ammo no ania ti gapo na, yan a ita a rabii iso ti maaramat a panganan ken pagyanan
—2—
