tila. Amin ti aramidna a panagipakita iti nasayaat a kadawyanna, iso ti inna panangigayat ka dagiti babbai a kakastila iti bandeja ti tabako ken mama, ket kadagiti pilipina ti inna panangipaagep iti ima na nga awan duma na iti pamayan dagiti praile.
Toy nakakaasi a baket nagangayanna ti nauma ket, idi adda nangngegna a kirat ti pinggan a nabuong, rimuar a nagtaray a kinunana:
—¡Jesus! —Aguraykayo, nagunggan!
Ket saanen a nagparang.
No maipapan kadagiti lallaki napalpalalon ti ringgorda. Addada sumagmamano a kadete iti maysa a suli a nabiag ti panagsasao da, ngem nainayad, pasaray kitaen ken itududa dagiti sabsabali a tattao nga adda iti kadaklan (salas), ket agkakatawada nga ikagumaanda a di ipadpadlaw; addada met dua a taga sabali a daga a nakaaruat iti puraw, sitatallikod dagiti im-ima da nga inda pinagsanggala ket di da agtagtagari, agpagnapagnada nga atitiddag dagiti ak-aksavvda iti murdong ken murdong ti ka daklan (salas), kas aramid dagiti mauma nga aglayag iti rabaw ti kubierta akinngato a benneg) ti maysa a sasakyan. Amin ti gagar ken biag dagiti sarsarita aggapuda iti maysa a purok a binukel ti dua a praile, dua a paisano ken maysa a militar a linawlawda ti maysa a bassit a lamisaan a yan dagiti butbutelia ti arak ken biskutso nga ingles.
Daydi militar, maysa a lakay a teniente, natayag, langa na ti panangtangkenan; kasla maysa a Duke de Alba a nabati iti pangal ti agdan ti Guardia Sibil; bassit la ti sao na, ngem natangken ket ababa. — Ti maysa kadagiti praile, agkabanuag a dominiko, nataer, nadalos ken nasilap a kas kadagiti sarsarming na a nabasikawan iti balitok, nasapa a kinaranga ti adda kenkuana: iso ti kura sadi Binondo, ket kadagiti nalablabes a tawtawen, nangisursuro idiay San Juan de Letran. Damag a nalaing a makisupiat iti maipapan iti sirib, ket kadagidi al-aldaw a pannakaitured pay laeng dagiti annak ni Guzman a makisinnait iti laing kadagiti saan a papadi, daydi nalaing a makiergo, B. de Luna, dina ket nabalin, kaano man, a nabungon ken natiliw: dagiti distingos ni Fray Sibyla pinagbalinda a kas la maysa nga agkalkalap a kayatna a siluan ti igat. Daydi dominiko bassit ti panagsasao na ket kas na la itay timbengen dagiti balbalikas na.
—5—
