—¡Saan!—insungbat daydi lakay a inggayatanna iti maysa a tugaw; —saanko a maawatan ti sao ti ejipcio wenno uray ti sao ti kopto la kuma, ngem maawatak bassit ti pamayan da nga agsurat, ket jeroglipiko ti aramatek a pagsurat.
—¿jeroglipiko ti inkay pagsurat? ¿Ket apay?—sinaludsod daydi bumaro, a nagduadua iti makita ken mangngegna.
—¡Tapno didak mabalin a basaen ita!
Ni Ibarra inna kinita a nalaing, a panpanunutenna no agpayso ket di nga agmauyong daydi a lakay. Inamirisna iti nadaras ti pagbasaan, ta pincnnekna no saan nga agul-ulbod, ket nakitana a nasayaat unay ti pannakayugis dagiti ay-ayop, dagiti ug-ugis a nagbukel, dagiti saan a nagtuloy a nagbukel, dagiti sabsabong, saksaka, im-ima, taktakiag, ken dadduma pay.
—¿Ket, ania ngad ti gapona nga agsurat kayo, no diyo met kayat a indakay basaen?
—Gapo ta saan a toy agdama a kapututan ti pangirantaak kadagiti sursuratak; agsuratak a irantak kadagiti sabsabali a tawtawen. No dagiti tattao nga adda ita mabalindak kuma a basaen, puurak amin a pagpagbasaak, amin ti aramid ko iti bayat ti panagbiagko, ngem ti kapututan a into makaawat kadagitoy sursuratak, maysanto a kapututan a nasaririt, maawatannakto ket kunananto:
—“¡Saan da pay met la ket a naturog amin idi rabii dagidi apappomi! Ti nalmeng, wenno dagitoy di maaw-awatan a innak yug-ugis indanto ispalen ti aramidko iti kinakuneng dagiti tattao, kas naaramid a ti nalmeng ken dagiti di maaw-awatan a ramitramit ti panagkararag inda inispal dagiti ado a pudpudno kadagiti panangdaddadael dagiti papadi.
—¿Ket, ania a pagsasao ti pagsuratanyo?—sinaludsod ni Ibar ra, kalpasan ti nabiit a panagsardeng.
—Iti pagsasao tayo, iti sao ti tagalog.
—¿Ket mabalin dagiti ar-aramaten ti Jeroglipiko?
—No saan kuma a gapo iti rigat ti agyugis, a masapulna ti ado a kanito ken anos, nganngani kunak a nasaysayaat da nga aramaten ngem ti a b c dagiti latino. Daydi daan nga a b c ti ejipcio addaan kadagiti bokal tayo; addaan iti “O” tayo, nga isuna laeng
a maaramat iti paggibusan ti sao, ket saan a kas ti “O” dagiti kakastila, no di ket maysa a bokal, a ti awengna nagbaetan ti “O”
