ken "U"; kas ti pagsasao tayo, ti sao ti ejipcio awanan iti pudno
nga aweng ti "E"; adda kenkuana ti "HA" ken ti "KHA" tayo,
nga awan iti a b c a Latin, kas aramatentay iti sao ti Kastila.
Kas pagarigan: itoy sao a "MUKHA",—innayunna nga inna in-
patuldo iti pagbasaan—ikabilko ti balikas a "HA" a nasaysayaat no
aramatek ti sinan-ikan ngem no aramatek ti "H" a Latin, a sadi
Europa sabasabali ti pannakabalikas na. No kadagiti nakapkapoy
bassit a pannakaisawang, kas pagarigan, itoy sao a "HAIN", iso a
ti "H" na nakapkapoy, aramatek ti ulo ken barukong ti león wenno
dagitoy tallo a sabsabong ti sukaw, no kasano ti kapigsa ti bokal.
Sabali pay, adda aramatek a pangisurat iti aweng a kas la rumuar
iti agong, a kaskasdi met nga awan iti a b c a Latin nga aramaten
iti Kastila. Ulitak a no saan kuma a gapo iti rigat ti agyugis, a
masapol a sayaaten nga aramiden, nganngani mabalin nga aramaten ti jeroglipiko; ngem toy a rigat iso met ti mangpilit kaniak a mangikababa ken di mangisursurat no di laeng iti maitutop
ken masapol; toy nga aramid iso pay ti mangadkadua kaniak, no
daytay adda dagiti sangsangailik a taga China ken Japon, inda
tumalaw.
—Ania?
—¿Dikay ida mangeg? Dagiti sangsangailik isuda dagiti pipios; iti daytoy a tawen, adda maysa nga agkurang; maysa ngata a dakes a ubing a sanglay wenno japón ti nangala.
—¿Ania ti pakaammuanyo nga aggapuda kadagidiay a dagdaga?
—Nalaka unay; nabayag bassit a tawenen, kasangwanan ti itatalaw da, siningdanak dagiti saksaka da iti bassit a papel a nangisuratak iti nagan ti Pilipinas iti saó ti Ingles, ta inpagarupko a dida unay makaadayo, ken gapo ta ti Ingles inda maawatan kadagiti nganngani amin kadagitoy a dagdaga. Ado a tawtawen ti napalabas, ket daydi sinuratak a papel awan sungbatna, inggana iti pinaisuratko iti sao ti Sánglay, ket iso idi ti sumuno a Nobiembren nagsublida a sabali a papel ti inkuyugdan, isuda a pinaitarusko: daydi maysa, naisurat iti sao ti insik, ket maysa a kabla-aw a naggapo iti igid ti Hoáng-ho; ket daydi maikadua, atapen daydi insik a nangyumanak a naggapo sadi Japón. Ngem inkay ket ibaybayag kadagitoy a banbanagen, ket diak met saludsudenen no ania ti mabalinko a pagpaayan kadakayo.
