—Adda kuma maysa a banag a nasken a umayko isarita kadakayo, insunghat daydi bumaro; idi malem kalman . . .
—Natiliwdan tay daksanggasat?-kinuna daydi lakay a sigagagar.
—¿Ni Elías ti kunayo? Ania ti nakaammuanyo?
—Nakitak ti Musa ti Guardia Sibil.
—¿Ti Musa ti Guardia Sibil? ket asinno dayta a Musa?
—Ti asawa ti alperes, a saanyo nga inawis iti rambak a inara- midyo. Idi bigat kalman, nagwaras iti ili ti naaramid iti buaya. Ti Musa ti Guardia Sibil, nalaing unay nga agipato ket managdakdakes pay, ket inpagarupna a ti mangyurit iso daydi natured a na- ngitublak ken asawana iti kalutlutan ken nangpang-or ken Padre Dámaso; ket gapo ta iso inna basaen dagiti sursurat a maiturong iti asawana, apaman a dimteng toy iti balayna a sibabartek ket naawanan ti nakem, inbaunna, tapno mabalesnakayo, ti sarjento ken dagiti sosoldado, tapno inda riribuken ti ragsak ti rambak. ¡Agan-annadkayo! Ni Eba, naimbag a babai, nagtaód kadagiti im-ima ni Apo Mugna... !Ni dunia Consolación kunada a dakes ket saan nga ammo no asinno ti nggapuanna nga ina! Ti babai, tapno agbalin a naimbag, masapol, uray naminpinsan laeng, a di natulawan ti kinabalasangna wenno nagbalin a iná.
Ni Ibarra immisem iti apagdillaw ket kinunana, nga inaunna dagiti sumagmamano a pappapel iti upitna:
—Daydi nagawan a dakkel ko masansan a dakay ti umayna pakium-umanan kadagiti dadduma a banbanag ket malagipko a nagyaman unay iti panangsurotna kadagiti patpatigmaányo. Adda igakgakatko a sangkabassit a banag a ti nasayaat a tungpalna masapulko a patalgedan.
Ket ni Ibarra inna sinarita iti bassit a saó ti gakatna a mangibangon iti maysa a pagadalan, iso nga inna inggayat iti sa-sawen-na, ket inna inukrad iti sango daydi napamulengleng a pilosopo dagiti palplano a naggapo sadi Manila.
—Kayatko kuma a patigmaanandak no asinno da dagiti tattao nga umuna nga innak gayyemen ditoy a ili, tapno magun-od ti naimbag a banagen toy a gakat. Am-ammuyo a nalaing dagiti agindek; siak kadatdatengko ket nganngani maysaak, a ganggannaet ditoy a ilik.
Ni lakay Tasio inna inam-amiris kadagiti matmatana a namsek iti lua dagiti palplano nga adda iti sangwananna.
