—Ti aramidenyo ita iso idi ti tinagtagainepko, ¡tinagtagainep
ti maysa a nakakaasi a mauyong!-kinunana a nasnaayan;-ket
ita, ti umuna nga innak kadakay ipatigmaan, iso ti saanyo a yaayen uray kaano a pabalakadan kaniak!
Daydi bumaro kinitana a nasdaawan.
Ta dagiti tattao nga addaan nakem,-intuluyna a sipapait.-kunadanto nga agmauyungkay met. Dagiti tattao kunada nga ag- mauyong dagiti saan a kas kadakuada ti panagpanpanunot, gapona nga agmauyong, kunada kaniak, ket yamanek unay, ta, asiak pay! iti aldaw a inda panangisubli kaniak iti nakemko; itinto dayta nga aldaw innakto makakitan iti sangkabassit a wayawayak a ginatangko iti pateg ti dayaw ko a maysa a parsua nga addaan panunot. Ket, ammo kadi no isuda ket ti makapudno? Saannak nga agpanunot ken agbiag a kas ituyang dagiti linlintegda; dagiti pagbatbatayak, dagiti tartarigagayko, sabalida Nalaing, kunada, ti gobernadorsilio, ta idinto ta awan sabali nga inadalna no di la ti mangidasar iti chokolate ken mangan-anos iti dakes a kababalin ni Padre Dámaso, ita, baknang, iso ti mangtengngel kadagiti ba- bassit a gasgasat dagiti kakailianna, ket pasaray met agsao iti maipapan iti linteg. "Iso dayta ti tao a nasaririt", kuna dagiti kaaduan: "Makitayo, awan nagpupuunanna ket ita, dakkelen!" Ngem siak, siak, nga adda tinawidko a kukua, dayaw, nagadalak, ket ita, napanglawak, awan intalekda kaniak a uray maysa la a saad a naka- katkatawa, ket isuda amin kunada: "Agmauyong ni dayta; saanna a maawatan ti biag!" Ti kura naganennak iti pilósopo a pang- laisna, ket kayatna a sawen a maysaak a mannanao a mangipaspasindayag iti inadal ko iti Unibersidad, idinto ta ti inadal ko sadiay, iso ti nangruna nga awan pagpaayanna kaniak. Nalabit nga agpayso a siak ti agmauyong ket isuda ti addaan nakem? asinno ti makaibaga?
Ket daydi lakay pinagkutina ti ulona a kasla adda maysa a panunot a kinayatna a pinaadayo, sana intuloy:
—Ti maikadua a mabalinko nga ipatigmaan kadakayo, iso ti inkay pannakiuman iti kura, iti gobernadorsilio, kadagiti amin a tattao nga adda saadna: isuda indakayto ikkan iti dakes, ang-áng wenno awan pagpaayanna a patigmaan, ngem ti pannakiuman saanna a kayat a sawen ti panagtungal, ipakitayo a kasyo ida sursuruten iti ingga ti mabalin ket ipapatiyo met a ti aramidyo maisurot iti kayatda.
