ited kadakayo inton bigat ti nalpasnan a inted ita nga aldaw;
awanto ti iná a mangipalubos iti anakna nga umay iti pagadalan,
ket itinto kasta, amin a banbannogyo sabalinto ti inda ibuñga;
indanto pakapsuten ti nakem dagiti sumarsaruno a mayat nga agaramid kadagiti naimbag a banbanag.
Nupay kasta, kinuna daydi bumaro, -saanko a mabalin a patien clayta bileg a kunayo, ket uray pay no adda, uray pay no annuguten, addanto pay la iti abay ko ti ili a manakem, ti Turay a nairbag unay dagiti kalkalikagomna, nalawa ti makitana ket pudpudro a kayatna ti pagimbagan ti Pilipinas.
—¡Ti Turay! ¡Ti Turay!-indayamudom daydi lakay, a ing ngatuna dagiti matmatana a kimmita iti bubungan-Numan pay kasano ti kalikagomna a mangpadakkel iti Ili, iti pagimbagan met la ti Ili ken ti Ina nga Espania; numan pay daydi naayat a tarigagay dagidi Ar-ari a Katoliko, inna pay la malaglagip ti sumagmainaysa kadagiti agturturay, ket inna balbaliksen, no adda a may- maysa, ti Turay awan makitana, awan mangngegna, awan ipatona no di ti ipakita, ipangngeg ken kayat ta paipato ti kurá wenno ti Probinsial; sipepenrck a isuda laeng ti pagtalgedanna, a no adda a sitatakder, gapo ta isuda inda saranayen, a no adda biagna, gapo ta isuda kayatda nga agbiag, ket iti aldaw nga awan da, into ma tuang a kas maysa a sinantatao a napukawna ti manengngel kenkuana. Inda butbutngen ti Turay iti itatakder ti Ili ket inda met butbutngen ti Ili iti pigsa ti Turay: iso daytoy ti taudan ti nalaka unay nga ay-ayam a maipadpada iti maaramid kadagiti managbutbuteng, no adda papananda a disso a nakaal-aliaw; pagbalinenda nga araria dagiti an-anniniwanda met laeng, ket sabali a timek, ti aweng met la ti saoda. Inggana iti saan a makiinnawat ti Turay iti Ili, saanto a pumanaw iti dayta a kasasaadna; agbiagto a kas kadagiti ang-ang a ububbing nga agpigergerda, no agtimek ti mangay-aywan kadakuada, iso nga inda pakikakaasian tapno itedna ti kayatda. Ti Turay saanna a tagtagainepen ti nabaneg a kasakbayan, maysa laeng a takiag, ti ulo iso ti konbento, ket gapo iti daytoy a kinakapsot, inpaulod a paitapuak iti mangliwengli weng a deraas, ket agbalin a maysa nga anniniwan, agpukaw ti kinaisona, ket gapo iti kinakapoy ken kinaawan ti mabalinna, inna italek amin kadagiti sabsabali nga im-ima, im-ima a náagom. No saan, idiligyo ti kasasaad ti Turay ditoy kadagiti il-ili a napnapananyo . . .
