a milionario pilipino, iso a nakaawisanmi amin a napan nangaldawan. Saanko a masapol a ibaga kadakayo a ti dayá a kasta
unay nagbuslon ken nagraniag ti pannakasaganana, iso ti maikadua a pannakaaramid daydi dayá sadi Cana wenno daydi dayá ni
Camacho, a natarimaan ket nanayunan pay. Idi, ta inkam nan-nanamen dagiti naimas a sidsida a linuto ti maysa a kosinero ti "La
Campana," ti orkesta nagtugtugtog iti nakaim-imas. Ti nalibnos
unay a balasang nga anak ti akinbalay nagaruat iti kawes ti mestisa
ket nañgikapet iti adda a briliante a kasla danom nga agay-ayos, ket
kas kanayon, iso ti reina ti rambak. Iti tukok ti kararuami inkam
amin nagleddaang, ta ti sangkabassit a pannakatiritir ti sakana a
nakaliblibnos, inna pinaritan kadagiti ragragsak a ited ti sala, tano
panpanunuten ti ingget sayaat a ipakpakitana iti iso amin, ni balasang a De los Santos kasla ngata "sílfide" nga agsalsala.
"Ti Alkalde ti probinsia simmangpet ita a malem, ta umayna paragsaken iti kaaddana iti rambak no bigat. Lineddaangna ti sagubanet ni naipadpaduma a baknang, apo Ibarra, a kaasi ti Dios, umim-imbag met langen, kas nasaúda kadakamí.
"Ita a rabii, naglibot iti nadeggang, ngem toy saritaekto iti suratko no bigat, ta abos man pay ta indak pináang-áng ken nganngani pinagtuleng dagiti palpaltog, napalalo a bannog ko ket urayak la maidardaramudom iti sugel. Ita, ta innak sublian a sapulen dagiti pigpigsak kadagiti taktakiag ni Morfeo, kayatko a sawen, iti katre ti konbento, tarigagayak, kadakayo, idaddadumak a gayyem, ti naimbag a rabiiyo, ket inggana no bigat, isunto ti naindaklan nga aldaw.
"Toy siaáyat unay a gayyemyo nga u. i. i.
San Diego 11 ti Nobiembre ———————— TI PANNAKABAGI"
Kasta ti insurat ti naimbag a pannakabagi ti pagiwarnak. Kitaentay met ita ti insurat ni Kapitan Martín ken gayyemna a Luis Chiquito.
"Ay-ayatek a Choy: Umayka nga agtartaray, no mabalinam, ta naragsak unay ti piesta; ni Kapitán Joaquín ngannganina naipaabak amin a balonnan; ni Kapitán Tiago namitlo a dinub.asanna ket kadagita a namitlo, nagpuerta, iso a ni Kapitán Manuel, ti akinbalay, bumasbassit a bumasbassit iti ragsak. Ni Padre Dámaso sinulungna ti maysa a pagsaingan a uray la natumtumek,
gapo ta inggana ita di pay nangabak uray namisan; ti konsul
