maul-ulit met dagiti palpaltog kada kukuitis. Nakaskasdaaw
nga agpayso ti pannakakita iti pakumbába ken rayray a ited iti puso
dagiti nammati kadagitoy nga ar-aramid, ti nadalos ken naindaklan
a pammati iti Birjen de la Paz, ti naranga ken narayray a kinasingpet a intay ipakita kadagitoy a ramrambak datay a nakaigasat
a nayanak iti salinóng ti napateg ken di namulitan a wagayway
ti Espania.
"Idi nalpas ti libot, nairugi ti misa a dinanggayan dagiti orkesta ken artista ti pagbuyaan. Kalpásan ti Ebanjélio, immuli iti púlpito ni M. R. P. Fr. Manuel Martín, Agustino a naggapo sadi probinsia ti Batangas, iso a nangpamaycng ken namagbalin a kasla agbibitin kadagiti sasaona dagiti amin a nagdengngeg, nangruna kadakam a kakastila iti pangrugyan ti sermonna a kinakastila, a kasta unay nagbileg ken naglaka dagiti sasao nga inaramatna ket kasta met unay a nagsayaat ti pannakayablatda, iso a namunno kadagiti puspusomi iti rayray ken rag-o. Toy a sao iso ti maiparbeng a maaramat a pangisawang iti marikna wenno rikriknaen mi, no ti Birjen de la Paz ken ti ay-ayaten a Espania ti pakaipuunanna, ket nangruna no mabalin a ibaethaet, ta maikanatad unay, dagiti panpanunot ti maysa a prinsipe ti Simbaan, ni senior Monescillo, nga isuda, awan duadua, dagiti panpanunot met dagiti amin a kakastila.
"Idi nalpas ti misa, dakam amin, agraman dagiti prinsipales ti ili ken sabsabali pay a napateg a tattao, immulikam iti konbento iso a nakasangailianmi iti kinaimbag, panangipateg ken naglabunan a panagayat a pakaidumdumaan ni M. R. P. Fr. Salvi, a nangigayat kadakami kadagiti tabtabako ken nabuslon a tente-en-pie a pinasagana ti Ermano Mayor iti sirok ti konbento, tapno adda pamedped kadagiti amin a makarikna iti sara-aw.
"Iti bayat ti aldaw awan nagkurang a panagraragsak iti rambak ken pinangtaginayon iti biag dagiti sarsarita, iso a pakaidumdumaan dagiti kakastila, a kadagiti kakasta a kanito dida mabalin ti agteppel, ket inda ipaduyakyak kadagiti kankanta ken salsalada, wenno kadagiti nalaka ken naragsak nga ay-ayamda, a natakneng ken nabileg dagiti puspusoda, a saan a maparmek dagiti rigrigat ket umanayen nga agtitipon ti tallo a kakastila iti uray adinno a disso, tapno da liday ken ladingit inda pumanaw.
Nagsasalada, ngarod, ket inda nagukbab ken Terpsíocore, kadagiti ado a balbalay, ngem naipangruna iti balay ni addaan sursuro
