"Ita, bigat ti 11 namatmatanmi ti maysa a banag a pudpudno
unay a mangtignay iti nakaladladingit wenno nakasensen-na-ay.
Iti daytoy nga aldaw, kas napatak ken nalawag, iso ti piesta ti
Birjen de la Paz; ket rambakan dagiti Ermanos ti Santísimo Rosario. Inton bigat, iso ti piesta ti patrón, San Diego, ket dagiti
nangruna a mangrambak isuda dagiti Ermanos ti V. O. T. Kadagitoy dua a gimgimong adda maysa a nasingpetan a panagsalisal
nga agpaay iti Dios, ket toy a kinasingpet agbalin pay no dadduma
a pakaigapuan ti nasantuan a guranggura kadakuada a dua, kas
naaramid itay nabiit gapo iti inda panaginnagaw ken naindaklan a
mangasaba, a damagna ti naisaknap, ni maul-ulit a M. R. P. Fr.
Dámaso, nga intono bigat, isunto ti agyan iti Kátedra ti Espíritu
Santo a mangikasaba iti maysa a sermon, a kuna dagiti amin a
tattao indanto siddaawan ti Relijion ken ti nasayaat a panagsao.
"Ket, kas sasawek itay, namatmatanmi ti maysa a banag a pudpudno a makapasingpet ken makatignay iti puso. Innem nga agkabanuag a papadi, tallo nga isuda ti agmisa, ken tallo nga agsakristan ti rimuar iti sakristía, ket idi ta nakaparintumengda amin iti sango ti altar, inyayog ti agmisa, nga iso ni M. R. P. Fr. Hernando de la Sibyla, ti "Surge Domine," iso a pangrugyan ti libot iti lawlaw ti simbaan, iti daytay timekna a nagpaiduma iti sayaat ken makaawis iti panagsingpet, a bigbigen amin a tattao ken inda pangdayawan kenkuanan. Idi nalpas ti "Surge Domine," ti Gobernadorsilio, a nakaprak, siiggem iti "guion" ket sinaruno met ti uppat a sakristan a nagiggem iti incensario, a indauluna ti libot. Iti likudanda, simmaruno dagiti ciriales a pirak, dagiti agturturay iti ili, dagiti napateg a ladladawan a naaruatan iti raso ken balitok isuda Santo Domingo, San Diego ken ti Birjen de la Paz a nakapandong iti nakasaysayaat a balbag a napattupattukan iti pirak a dinorado, inpaay ni nasingpet a nag-gobernadorsilio, ni maikari unay a tuladen ken di met mabenbenan a idaydayaw, Don Santiago de los Santos. Amin dagitoy a ladladawan naikarruda iti pirak. Iti likudan ti Ina ti Dios, iso ti nagyananmi a kakastila ken dagiti dadduma a papadi: ti agmisa sinalinungan ti maysa a palio nga iniggaman dagiti kabesas de baranggay, ket ti nanglitop iti libot, iso ti ado unay ti kaikarianna a Guardia Sibil. Kunak a saan a masapol a sawek a sangareprep a indio ti nagyan kadagiti dua a bangbangir ti libot, a siiggemda a si-sisingpet iti sumsumged a
kandela. Dagiti músiko agtugtugda iti narelijionan a marcha:
