maysa kadagiti ebanjelista, a kas la naminpinsan latta a maysa a
nuang a bassit.
—"Datay amin rebbengtay kuma nga ammuen a nalaing dagiti Santo a Sursurat, ti biag dagiti sasanto, tapno iti kasta, saan kuma a masapulen a inkay kaskasabaan, dakayo, managbasol; rebbengyo kuma nga ammuen dagiti banbanag a nasken ken masapol, kas ti Ama-mi, nupay ado kadakayon ti nakalipat, nga agbibiag a kas la protestante wenno ereje, a saan da a pagraeman dagiti ministro ti Dios, kas dagiti sasanglay, ngem mainpiernukayto, dakdakes man kadakayon, nagunggan!"
—Aba! kose ese pare Damaso, ese!2 indayamudom ni insik Carlos a kinitana a sipupungtot ti agsersermon, a kasta unay a panagilunlunod ken panagsau-saona, a dina met surutenen ti naisurat a sermon na.
—"¡Mataykayto a di makapagbabawi, kapututan ti ereje! ¡Ti Dios dusaennakayon manipod pay ditoy daga iti inkay pannakabalbalod! ¡Dagiti tattao, dagiti babbai rebbengda kuma ti umadayo kadakayo, dagiti agturturay rebbengdakay kuma a bitayen amin, tapno saan nga agsaknap ti kapututan ni Satanás iti minuyungan ti Apo!... Ni Jesukristo kinunana: !No adda maysa a dakes a kameng ti bagiyo a mangitebbang kadakayo nga agbasol, gupdenyo, ipuruakyo iti apoy...!"
Ni Fray Dámaso sipupungtot, nalipatanna ti sermon ken ti retórikana.
—¿Mangngegmo? —sinaludsod ti maysa nga agad-adal a taga Manila iti kaduana:—gupden no kua?
—¡Ni! ¡iso pay ti umuna a mangguped a! — insungbat daydi maysa ket intuduna ti agsersermon.
Ni Ibarra saan a makatalna; kimmita iti lawlawna ta sumapol iti maysa a suli, ngem napunno met amin ti simbaan. Ni María Clara awan mangngegna, awan makitana, ta inna am-amisiren ti nakaipintaan dagiti bendita a karkararua sadi Purgatorio, karkaranua a dagiti langlangada, lallaki ken babbaida a si-uuyos, adda simimitra, adda nakaaruat iti kawes ti kardenal, adda nakadalung dong iti dalungdong ti monja, nga addada a makmakset iti apoy ket siiggemda iti barikes ni San Francisco, a di met mapugsat, nu pay kasano ti kadagsen dagiti sikakapet.
________________
2 Ni! Ania metten ni dayta padi Dámaso!
