—Ditoy saan a masapol dagita pannakayam-ammo! —insawang ni Fr. Damaso. —Ni Santiago, naimbag a tao.
— Maysa a tao saan a iso ti nangiparuar iti manilang (polbora), — innayon ni Laruja.
—Dakay met, senior de Laruja! —kinuna iti naumbi a pa nanganawa, ni dunia Victorina, a nagpaypay. — Kasano nga iso ti nangiparuar iti manilang (polbora), no kunada met a inparuar pay la dagiti in-insik idi nc mano gasot a tawenen?
—Dagiti in-insik? Agmauyungkayo.? —inpukkaw ni Fr. Damaso. — Inkaman dita! Inparuar ti maysa a pransiskano, maysa a kagimungak. Ni Fr. Savalls, diak-ammon idi maikapito gasot ... a tawen!
—Maysa a pransiskano! Ala wen, nagyan ngata a nangaskasaba sadi China, dayta P. Savalla; — insungbat daydi siniura, a dina kadawyan a ibbatan a kasta-kasta laeng dagiti maiserrek iti ulo na.
—Schwartz, kunayo ngata kuma, seniora, —kinuna ni Fr. Sibyla, a dina pay kinita.
— Diak ammo; ni Fr. Damaso, Savalls kinunana inulitko laeng!
— Ala wen! Savalls wcnno Chevas dania? ¡No maysa a letra laeng, saan nga agbalin a insik! — insungbat a sipupungtot ti pransiskano.
— Ket idi maikasangapulo ket uppat a gasot a tawen, saan a idi maikapito — innayon ti dominiko a timek na ti kas la mangisuro a pangimamegna iti kinatangsit daydi maysa.
—Ala wen! Sangagasot a tawen a sumurok wenno kumu rang, saan a iso ti mamagbalin kenkuana a dominiko!
—Ombre! dikay agung-unget Reberensia, — kinuna ni Padre Sibyla nga immisem. — Naim-imbag manen ta iso ti nangiparuar; iti kasta, naikkatna dayta nga aramid kadagiti kakabsatna.
— Ket, kunayo, Padre Sibyla, a dayta, naaramid idi maikasangapulo ket uppat a gasot a tawen? — sinaludsod a napnuan gagar ni dunia Victorina; — didi kasakbayan wenno kalpasan m Kristo?
Naigasatan ti nasaludsudan, ta iti daydi a kanito, addada dua a tattao a simbrek iti salas (kadaklan).
