lian, maysa a tao a natakneng ken nalinteg, saanna a papatayen
ti bagi na. Toy, sawek, ket diak ibuksilan dagiti dadduma a panpanunutek, kct rebbengyo a pagyamanan, Reberensia.
Ket, tinallikudanna ti pransiskano, sana intuloy:
— Idi kuan, daytoy a kura, idi nagsubli iti ili, kalpasan ti panangkabkabilna iti nakakaasi a koadjutor, pinakutkutna daydi bangkay, pinairuarna iti sementerio ket pinaipuruakna iti diak ammo no adinno. Ti ili a San Diego nagtakrot a timmobngar; agpayso ket di a bassit dagiti nakaammo; daydi natay, awan kakabagyanna, ket ti kakaisuna nga anakna adda sadi Europa; ngem ti kangatuan nga agturay naammuanna, ket gapo ta iso, tao a nalinteg ti panagpuspusona, dinawatna ti pannakadusa ti . . . ket ni Padre Damaso nayalis iti sabali nga ili a nasaysayaat. Addayta amin. Ita, aramidenyo dagitay pammaglalasin yo, Reberensia.
Ket idi nasauna tuyen, immadayo iti tallaong.
— Leddaangek unay ti nangsagid a diak am-ammo, iti maysa a banag a narikot, — kinuna ni Padre Sibyla a sililiday. — Ngem, ala, no la ket pagsayaatan ti ya-alis . . . —jAnia ti nagsayaatan! iKet dagiti . . . mapukaw iti panagyalis . . . dagiti pappapel . . . ken dagiti . . . ken amin a mapukpukaw? — insengngat ni Padre Damaso nga agngadngadal, a di na ket matengngel ti pungtot na.
Nangin-inot met la a nagsubli ti ummong iti daydi damo na a talna.
Addada sabsabali a tattao a nagdadateng, kadakuada, maysa a lakay a kastila, pilay, nasam-it ket di makaan-ano ti langa na, nagsadag iti takiag ti maysa a baket a pilipina, a napunno kadagiti ado a pakpakulot ken pinpinta, ket nakaaruat iti kawes ti euro pea.
Dagiti nadanonda kinabla-awanda ida a sia-ayat. Ni Doctor De Espadania ken ni asawa na, ni Doktora dunia Victorina nakikatugawda kadagiti am-ammotayon. Addada met makita a sumagmamano a periodista kada almacenero nga agkikinnabla-aw ken agallaalla a dida ket ammo ti aramidenda.
—d’Ngem, mabalinyo nga ibaga kaniak, apo Laruja, no kasano ti akinbalay?—sinaludsod daydi bumaro a nalabaga — Saanak pay a nayam-ammo kenkuana.
— Kunada a pimmanaw; uray siak diak pay nakita.
