— Ibagak kadakayo a diak ipalubos . . . ¡Ni Ekselensia iso
ti pannakabagi ti nadayag nga Ari!
— Ania nga ari kada riџari! Kadakami, awan sabali nga
Ari, no di ti lejitimo . . . ti pudpudno!
—¡Alto! —inpukkaw ti teniente iti nakaam-ames, a kas la
itay kasasauna dagiti sosoldadona; — wenno ibabawiyo amin a
sinasauyo, wenno inton bigat innak ipakaammo ken Ekselensia!
— Inkay itan, inkayon! — insungbat a silalais ni Fr. Damaso, nga inna inasitgan a sipepetpet dagiti im-imana. Tpagarupyo a gapo ta si-aabituak, awan . . . ? Inkayon, ta ipabuludko pay ti lugan ko!
Ti riri agbalin kuman a binubullagaw, nagasat ket di ta simmangpet daydi dominiko.
—¡Appo! —kinunana, iti daytay timek a kas la naturay ken kas la rumuar iti agong a maitutop unay kadagiti praile; — diyo pagsisilpuen ti aluppasi ken banban, ket dikay met sapulen ti dakes iti disso nga awanan. Rebbengtay a paglalasinen kadagiti sasao ni Fr. Damaso ti sao ti tao ken ti sao ti padi. Dagiti sasao ti padi, a kas padi, per te, uray kaano man, saan da a makasair, ta aggapuda iti napaypayso a pudno. Kadagiti sasao ti tao, paglalasinen manen: dagiti sasaona ab irato, dagiti sasaona exore ngem saan a in corde, ken dagiti sasaona in corde. Dagitoy naudi isuda laeng ti makasugat, ket kitaen pay: no in mente, addada idin a gapo iti maysa a panggep, wenno agtaudda laeng per accidens iti bara ti panagsasarita, no adda . . .
— No siak, por accident y por mi, ammok dagiti gapgapo na. Padre Sibyla!—ingguped ti teniente, idi makitana a makulkulen kadagiti napalalo a pammaglalasin ket mabuteng payen a no kanayunenda, isunto pay ket ti rumsua nga adda basol na.— Ammok dagiti gapgapo na ket addagituyda ta inkarida a paglalasinen Reberensia. Iti bayat ti kaawan ni Padre Damaso sadi San Diego, inpunpon ti koadjutor ti bangkay ti maysa a tao a natakneng unay . . . wen, apo, natakneng unay, naminado a nakasasaok ket nagdagdagusak iti balay na. No saan a nagkompesar kaano man. iania? siak diak met agkonkonpesar; nga ibaga a pinatayna ti bagi na, dayta, maysa nga ulbod, maysa a pammadakes. Maysa a tao a kas kenkuana, nga adda anakna a nangipunipunanna iti dungngo ken inanamana, maysa a tao nga adda pammatina iti Dios, nga ammuna dagiti an-annongna iti pagi-
