Ni Fr. Damaso, a damo na iti daydi a rabii, kas la adda pan panunutcnna a nadagsen. Pagammuan, dinanugna li ima ti tugawna ket immanges iti napigsa, Sana kinuna:
—!Adda Relijion wenno awan, nalawlawag a pannao, dagiti kukura adda wayawaya da wenno awan! Ti ili madadael, nadadaelen!
Ket dimmanog manen.
Amin dagiti adda iti kadaklan (salas) tinaliawda a sisisiddaaw ti tallaong da: daydi dominiko inngatuna ti ulona tapno inna makita iti babaen ti antiukosna. Dagidi dua a taga sabali a daga nga agpagnapagna, simmardengda iti apagbiit, nagkinnitada, inparang da bassit dagiti natadem a ngipngipenda, sada met la giniddato a tinuloy ti pannagnada.
—¡Makapungtot a ta dikay dinayaw iti Reberensia — inyarasa-as ni Laruia iti daydi bumaro a nalabaga.
—¿Ania ti kayat yo nga ibaga, Reberensia, ania ti maaramid ka dakayo? — sinaludsod daydi dominiko ken daydi teniente iti nagduma nga ayog ti timek.
—¡Iso ti gapona nga aduda dagiti mapaspasamak a rigrigat! Dagiti agturturay abuyanda dagiti ereje a sumango kadagiti panpannakabagi ti Dios! — intuloy daydi pransiskano, ket inngatuna dagiti nabaneg a gemgemgem na.
—¿Ania ti kayatyo a sawen? —binaliwan a sinaludsod daydi namurareg a teniente, a kas la timmakder?
—¿No ania ti kayatko a sawen? —inulit ni Fr. Damaso, nga adadda nga inpigsana ti timekna ket sinanguna ti teniente. —¡Sawek ti kayatko a sawen! Siak, siak kayatko nga ibaga a noti kura pakutkutna iti sementeriona ket paibellengna ti bangkay ti maysa nga ereje, awan ti uray si asino man, uray ti Ari a sibabagi, ti addaan iti kalintegan a makibiang, ket adadda manen nga awanan ti kalintegan a manusa. Ket ti ket jeneralito tuyen, jenralito Kalamidad, jeneralito Dakes a Gasat ....
—¡Padre, ni Ekselensia iso ti Bise-Real Patrono — inpukkaw ti teniente, a timmakder.
—¡Ania nga Ekselensia kada Bise-Real Patrono!—insungbat ti pransiskano, a timmakder met. — Kadagiti sabsabali kuma nga al-aldaw, inyulugda kuman a ginuyudguyod, kas namayan naminsan dagiti praile iti daydi dakes a Gobernador Bustamante.¡Dagidi man dagiti al-aldaw ti pammati!
—10—
