mod. Nangngegna daydi timek, daydi timek nga ay-ayatenna
unay, a nabayagcn a kadagiti la dardarcpdep ti inna pakangkangngegan; iso piman ti saludsuden ti timek ni Crisostomo. Iti
naglabes a ragsakna, inagkanna ti santo nga immuna a naasitganna, ni San Antonio Abad, jnagasat a santo a kankanayon la
a sulsulisugen ni imnas, uray idi sibibiag pay, uray iti ladawan
na a kayo! Sa simmapol iti maysa nga abot, ti abot ti tutulbekan
ti ruangan, tapno inna makita ken maamiris: umis-isem, ket idi
napan innala ni ikitna iti kasdi a kasasaad, nagbitin iti tengnged
daydi baket, a dina man ammo ti kukuenna, ket namin-ado
nga inna inag-agkan.
—Ngem, ang-ang, e'ania ti makuam? —naktina idi agangay davdi baket, a pinunasna ti maysa a lua a nagtedted kadagiti nalaylayen a matmata na. Ni Maria Clara nagbain ket inabbunganna dagiti matmatana kadagiti nabukel a taktakiagna.
—¡Alan, inka tarimnen ta bagimon, umaykan! —innayon daydi baket, a timek na ti naisnekan iti dungngo. — Ita ta agsar saritada ken amam maipapan iti ... , umayka, ket dika paururay.
Ti balasang pinaguyod a kas la maysa nga ubing, ket napanda iti siledna. Maimasanda unay ti agsarsarita da Kapitan Tiago ken Ibarra idi rimuar ni ikit Isabel a kasna itay guyguyuden iti kaanakanna, iso nga awan la ti dina pangikitaan kadagiti matmatana, malaksid kadagiti tattao . . .
Ania ti nagsawan dagiti dua a karkararua, a nagkinnaawatan iti daytay pagsasao dagiti matmata, pagsasao a nasaysayaat ngem ti agruar kadagiti bibbibig, pagsasao a naited iti kararua, tapno ti aweng dina tubngen ti pannakaitayag ti rikna? Kadagita a kanito, no daytay agtibok dagiti panpanunot ti dua a parsua a nagasat, babaen ti inda panagkinnita, ti sao rumsua a nabannayat, nagubsang, nakapoy, kas la itay nabangag ken ang-ang a uni ti gurruod a sumaruno iti makapurar a lawag ken pardas ti kimat: ibuksilanna ti maysa a rikna nga ammon, maysa a panu not a maawatanen, ket no aramaten pay laeng, gapo piman ta ti agom ti puso nga agsaknap iti iso amin ken aglabon iti gasat, kayatna nga amin a kameng ti tao, agraman dagiti taltalugading a
