Ti lugan ni Ibarra laslasatenna ti karagsakan nga arrabal ti Manila, daydi namagladingit kenkuana iti kallabes a rabii, ita, ta maraniagan ti aldaw, inna paismen, nupay madi kuma.
Ti garaw a makita iti amin a di mangan-ano, dagiti ado a luglugan ng agapan ken agawid a kasta unay patarayda, dagiti kar-karromata, dagiti kalkalesa, dagiti europeo, dagiti in-insik, dagiti taga sadiay, a sikakawesda iti gagangay kadagiti il-ili da dagiti babbai nga aglaklako kadagiti bungbunga, dagiti korredor, ti si-u-uyos a kargador, dagiti paglaklakuan kadagiti makmakan, dagiti ponponda, res-restaurant, ti-tienda, pati pay dagiti karkarison a guyuden ti nuang a di mangrikna ken di mangiginggina iti uray ania, a kas la itay inna pagay-ayaman ti agguyod kadagiti bulbulto, idinto ta kas la madama met nga agpanpanunot, amin ti danarudor, ti awan res-satna a garaw, pati pay ti init, ti na- ipadpaduma nga angot, dagiti naglalaok a kitkita, inda riingen iti lagipna dagiti nagkaado a nailibay a laglagip.
Dagidi a lanlansangan dida pay nabato. No aginit iti dua nga aldaw nga agdaraddan, agbalindan a tapok nga awan la ti dina kullaapan; paguyeken ket bulsekenna dagiti magmagna; no agtudo iti maysa nga aldaw, agbalinda a danaw a iti rabii iso ti paganninawan dagiti silsilaw dagiti luglugan, ket parsiakanna met dagiti magmagna kadagiti nailet a pagpagnaan iti igid, nga uray lima a metro ti kadayoda. Mano a babbai dagiti naka- batbati iti agdaldalluyon a pitak kadagiti sinsinelas da a nabor- daan! Iso tay makita no kua nga agteptep kadagiti lanlansangan dagiti balbalod a nain-intar, nakiskisan dagiti ul-uioda, nakaba- duda iti ababa ti imana ket nakasapinda met iti agingga iti tumeng a adda bilag ken letrada a balbag; kadagiti gurgurong- da adda naikabil a kawar a naputiputan sangkabassit iti narugit a rigis, tapno maep-ep ti pannakairasrasna wenno nalabit ti lamiis
