Ni María Clara nagulimek, inperrengna kenkuana iti apag- biit dagiti dadakkel ken managparparmata a natmatana, sa nangala iti sabong, ket kinunana a sisesen-na-ay:
-Ala, inkan, saanka nga igawiden; iti uneg ti sumagma- mano nga al-aldaw agkitatanto manen! ¡Ikabilmo toy a sabong iti rabaw ti tanem dagidi dadakkel mo.
Kalpasan ti sumagmamano a kanito, daydi bumaro immulog iti agdan a kinuyog da Kapitan Tiago ken ikit Isabel. idi ta ni María Clara simbrek iti siled a paglualuan.
-Ipaayyo nga ayat ta masauyo ken Andeng a saganaenna tay balay, ta umay da María ken Isabel! ¡Naimbag a pannagnayo! - kinuna ni Kapitán Tiago, idi sumakay ni Ibarra iti lugan a nagturong iti plasa San Gabriel.
Idi kuan, a kasna pinangliwliwa, kinunana, ken María Clara, nga adda nga agsangsangit iti arpad ti maysa a ladawan ni Apo Santa María;
-Ala, mangseggedka iti dua a kandela a bininting, maysa ken Apo San Roque ket maysa ken Apo San Rafael, a katalek dagiti agpagpagna! Silawam ti pagsaingan ni Nuestra Señora de la Paz y Buen-biaje ta aduda dagiti tutulisan. Naim-imbag a makabusbos datao iti salapi nga allid ken innem a kuarta a seg- den ngem ti agbayadto datao iti nawadwad a panubbot!
