Ti kakaisuna ngata nga awan sumupiat a pakaigidiatan ti tao kadagiti ay-ayop, iso ti panagdayawna kadagiti natnatay. Ket nakaddidillaw! toy a kadawyan adadda a naun-uneg ti iraramotna no nakurkurang met ti sursuro dagiti il-ili.
Kuna dagiti nagsursurat iti Pakasaritaan a dagidi immun-una a nagindeg sadi Pilipinas inda pagrukbaban ket inda pay pagbalinen a Dios dagiti nagawanen nga ap-appoda; ita, sungani ti maaramiden: dagiti natnatay isuda ti kumarapet kadagiti sibibiag. Saritaenda met a dagiti taga Nueba Ginea ilakasada dagiti tultulang dagiti minminatay da ket inda ida kasarsarita; ti kaaduan dagiti il-ili sadi Asia, Aprika ken Amerika inda igayat kadakuada dagiti kai-imasan a lutltitoda, wenno dagiti kaay-ayo da unay a kanen idi sibibiagda pay, ket inda ida idayaan, iso a tallaugan dagiti min minatay da, iti panangipagaropda. Dagidi taga Ejipto yaramidanda ida kadagiti palpalasio, dagiti musulman yaramidanda met ida no dagiti babassit a kapkapilia, kdmpy.; ngem ti ili a kalaingan itoy a banag ken makaammo a nalaing iti puso ti tao iso ti Daho mey. Dagitoy a pupugot ammuda a ti tao managibales; no kasta, kunada, tapno maragsakan ti natay, awan kasayaatan no di ti panangpapatay iti rabaw ti tanemna kadagiti amin a kabbusorna; ket gapo ta ti tao naunton ket dina ngata ammo no kasano ti inna panagpalabas kadagiti kanito idiay sabali a biag, ibaunanda iti tunggal tawen iti maysa a surat, a maikabil iti babaen ti kudil ti maysa nga adipen a naputulan.
Datayo maigidiattay kadakuada amin. Numan pay iso ti adda a nailanad kadagiti tantanem, nganngani awan mamati nga agin-inana dagiti natnatay, ket aglallalo la ngaruden nga agininanada iti sidong ti talna ti kadaklan iti inanama inna pagarupen a dagdi ap-appona iti tuod addada pay la a makmakset sadi Purgatorio, ket no kas ta saan a mainpierno, makakuyugnanto pay la ida iti bayat dagiti ado a tawtawen. Ket ti mayat a mangsalu-
