ngasing kadakami, inna man suknalan dagiti simsimbaan ken
kamkampo-santo sadiay iti bayat toy nga aldaw, agpaliiw ket makitananto. Ngcm tangay addatay iti ill a San Diego, intay suknalan ti kampo-santona.
Iti laod, iti tengnga dagiti pagtatalunan, iso ti yan ti barrio,
saan a ili, dagiti natnatay: ti dalan a mapan kenkuana, maysa
a baetan a nailet, natapok no kalgaw ket mabangka no tiempo, ti
tudo. Maysa a ruangan a kayo ken bakod a ti kaguduana, kabiti,
ket ti kaguduana, kawayan ken paspasok, kas la isuda ti mangisina
ken kuana iti ili dagiti tattao, ngem saan kadagiti kalkalding ti
kura ken kadagiti babbaboy dagiti adda iti asideg, isuda a sumbrek
ken rumuarda a mapan mangsukimat kadagiti tantanem wenno
mangparagsak iti kaaddada iti kinawayas daydiay a disso.
Iti tengnga daydiay nalawa nga inaladan, adda naipatakder a maysa a dakkel a krus a kayo ti puonna nakabiti. Ti bagyo linukutna ti INRI na a lata, ket ti tudo pinunasna ti suratna. Iti sakaanan ti krus a kas idiay pudno a Golgota, addada a naglalaok dagiti nabunbunton a bangngabangnga kada tultulang, a ti di mangiginggina nga agitabtabon inna ipuruak sadiay no agkali iti tanem. Sadiay nalabit ti inda pagurayan saan a iti panagungar dagiti natnatay, no di ket iti idadateng dagiti ay-ayop a mapan mangpapudot ken mangugas kadagidiay nalamiis a kinalamulamo, iti isboda. —Iti lawlawna, addada makita a kakkalkali a tantanem: ditoy, ti daga nailesseb; sadiay ngimmato a kasla bienton. Dagiti purpurikit ken busbusilak agtubuda a kasta unay lasbangda, tudukenda ti gurong kadagiti nasiit a bungbungada, ket dagiti busbusilak, tapno nayunanda ti angot ti kamposanto, no kas ta di pay la napalalo. Nupay kasta, addada naiwaras iti daga a babassit a sabsabong, sabsabong a kas kadagiti bangngabanga, ti laeng Namarsua ti makabigbig kadakuada: ti isem dagiti busbuselda, nabessag ket ti banglo da agat-tanem. Dagiti ruruot kada mulmula a kumalkalatkat lingdanda dagiti sulsuli, kumalatkatda kadagiti padpader kada panpanteon, a inda piman ramanan ken pasayaaten ti silalamulamo a kinalaad; pasaray da sumrek kadagiti birbirri a gapuanan dagiti gingginggined, a daytay inda ilinged kadagiti matmata, ti pagraeman a kinalamulamo dagiti tantanem.
Iti kanito nga intay iseserrek, dagiti tattao nabugtakdan da giti ay-ayop; isuna laengen dagiti sumagmamano a babbaboy, ayop
