- 103
ngayoon kaniya. Nakadugang sa iyang kalipay ang iyang pagpanaug sa dula, kay si P. Irene ug si P. Sibyla nga nakigsugal
kaniya naningkamut man gayud aron mapilde pagtuyo, sa dakung kalagot ni P. Camorra nga, sanglit niadto man lamang buntaga mahiabut, wala masayud sa tinagong tinguha sa duroha niya
ka mga kanban. Ang prayle nga manonuslit sa luthang, sanglit
nakigdula man sa minatarong ug nagamatngon gayud pag-ayo sa
iyang pagsugal, manglipaghong ug moitlib sa ngabil kon si P.
Sibyla malipat na kun masayop ba sa iyang bana-bana, apan wala
gayud siya motingog pinugngan sa iyang kataha sa paring dominiko; apan manimalus siya batok kang P. Irene nga giisip
niyang bastus ug maulog-ulugon ug gitamay niya taliwala sa
iyang kapungot. Si P. Sibyla wala ngani motan-aw kaniya; gipasagdan siya nga nangangulob; si P. Irene, labing mapaubsanon,
naninguha pagpamalibad pinaagi sa pagpugnit-pugnit sa tumoy
sa iyang hataas nga ilong. Ang Kapitan Heneral nalingaw kaayo ug nagpahimulos sa mga sayop sa iyang mga kadula, sanglit
maayong laki man kon6 siyang modula sa “tresillo,” sumala sa
gipasabut kaniya sa “canonigo” nga si P. Irene. Wala masayud
si P. Camorra nga sa ibabaw niadtong diyutay nga talad maoy
gipusta sa sugal ang pag-uswag sa salabutan sa mga Pilipinhon,
ang pagtudlo sa kinatsila, ug kon nasayud pa siya niadto, kaha sa
dakung kalipay moapil usab siya sa “dula.”
Sa balkon nga binuksan nagasuhot-suhot ang hinuyohoy nga putli ug mahayahay, ug makita ang tubig sa lanaw nga nagapadungog sa iyang matam-is nga dinaganas sa ubus sa balay, nagpaila sa iyang pagtahud. Dapit sa tuo, didto sa layo malantaw ang bughaw nga pulo sa Talim; sa taliwala sa lanaw ug napingis ug diyutay, makita ang usa ka gamayng pulo nga lunhaw, ang pulo sa Kalamba, mamingaw ug may panagway sama sa bulan nga pikas; dapit sa wala, makita usab ang matahum nga baybayon nga gipanugkan ug mga kawayan, usa ka diyutayng bukid nga nagatambo sa lanaw, unya ang kaumahan, ug sa unahan mga atop nga mapula nga nanghisagol sa maitumitum nga kalunhaw sa kakahoyan, ang lungsod sa Kalamba, unya ang baybayon namunawpunaw ngadto sa layo, ug sa katapusan ang langit nga daw mikunsad sa tubig ug makahatag sa lanaw ug panagway sa dagat aron pagmatuod sa ngalan nga "dagat na tabang” (dagat nga tab-ang) nga gibunyag kaniya sa mga “indio.”
