- 109
paggawi sa mga “armas de salon” ginatugot sa tanang nasud sa
kalibutan . . .
Ang Heneral mipalihok sa iyang mga abaga.
— Kita dili moawat sa bisan unsang nasud sa kalibutan — miingon siya sa dakung kaligdong.
Ang hunahuna sa Kapitan Heneral ug ang sa tawo nga naghupot ug hataas nga katungdanan kanunay gayud nga managsupak, ug igo na nga kining ulahi magapahayag ug usa ka bisan unsang hunahuna aron susupakon sa ulahi.
Ang naghupot ug hataas nga katungdanan misulay pag-agi ug laing dalan.
Ang mga “armas de salon” makadagmal lamang sa mga ilaga ug sa mga himungaan, — miingon siya; — dagway aduna unyay moingon nga . . .
Nga kita mga himungaan? — gipadayon sa Heneral nga nagpalihok sa iyang mga abaga; — unsa may sapayan niana kanako? Daghan nang kamatuoran nga akong gipakita nga ako dili himungaan.
— Apan adunay usa ka butang, — miingon ang kalihim; — may upat na ka bulan, sa pagdili paggawi sa mga hinagiban, gipasalig ang mga langyaw nga nagpatigayon ug mga hinagiban nga itugot ang mga “armas de salon.”
Ang Kapitan Heneral midiyong.
— Apan kana mahimo gihapon, — miingon si Simoun.
— Unsaon man?
— Masayon da kaayo. Hapit ang tanang mga “armas de sa lon” adunay “calibre” nga unom ka “milfmetro” lamang; nagahisgot ako sa ipamaligya lamang. Itugot ang pagbaligya sa ta nang mga “armas de salon” nga wala magdala nianang sukora!
Ang tanan nahimuot sa hunahuna ni Simoun, gawas sa nag hupot ug hataas nga katungdanan nga mihunghong kang P. Fer nandez nga kadtong gisugyot ni Simoun dili maligdong ni matawag ug pagpamunoan.
— Ang magtutudlo sa Tiani, — mipadayon ang kalihim nga nagaukay sa mga papel — nangayo nga hatagan siya ug tulonghaan nga labing maayo aron . . .
— Unsa pa may buut niya sa aduna man siyay kamalig alang da kaniya? — mipakgang si P. Camorra nga miduol ug nalimot na sa “tresillo.”
