276
balita nagagikan sa nagbantay sa pultahan kini didto mahibalo sa usa ka binatonan sa Sto. Tomas nga nahibalo usab gikan sa usa ka kapista. Gitag-an na ang mga umaabut nga kalbasaon ug dakponon, nga mao ang mga sakop sa katiguman sa mga estudyante.
Si Basilio nahinumdom sa mga pulong ni Simoun: Sa adlaw nga makahimo sila sa pag-unlod kanimo...Ikaw dili mamakatapus sa imong pagtoon...
—Hibaw-an ba kaha? — nangutana sa iyang kaugalingon; — tan-awon ta lamang kong kinsay labawg kalaki.
Ug giwala ang iyang kahadlok aron sa paghunahuna kon unsay angayng buhaton ug aron sa paghikay sa iyang pagexamen sa pagkamananambal, milakat padulong sa Universidad: Didto moagi sa dalan ni Legaspi, miliko sa dalan sa Beaterio ug sa pag-abut sa likoanan sa dalan ni Solana, nakapaniid nga tinuod diay nga may dakung hitabo.
Ilis sa mga pundok nga malipayon ug sabaan kaniadto, sa mga kadaplinan makita ang mga beyirana nga nagabuwagbuwag sa mga estudyante nga manggula sa Universidad nga mga hilumon, ang uban mga mamingawon, ang uban nagalagot nga mohunong sa layolayo kong mopauli ba sa ilang tagsa ka balay. Ang una niyang hikit-an mao si Sandoval. Kawang lamang ang pagtawag ni Basilio ingon sa nabungol: wala manumbaling.
—Bunga sa kahadlok nga nanuhotsuhot sa tibuok nga kalawasan! — Nahunahuna ni Basilio.
Sa human nakasugat kang Tadiyo nga malipayon kaayo. Sa katapusan ang kuatsa nga walay pagkatapus modangat na gayud.
—Unsa na Tadiyo?
—Unsa na? Wala kitay tungha tingali gayud dili makaulang sa usa ka simana! Kaanindot!
Ug gikusokuso ang iyang mga kamot sa kalipay.
—Apan unsa may nahitabo?
—Pamilanggoon kitang tanan nga nahisakop sa katiguman?
—Nan, malipay ka diay?
